இந்தோனேசியா: சுனாமியில் மாயமான சிறுமி 7 ஆண்டுகளுக்கு பிறகு மீட்பு

**இளமாறன்** · **இளமாறன்** Sun Dec 25, 2011 2:42 am

ஜகார்த்தா, டிச 24-

கடந்த 2004-ம் ஆண்டு இந்தோனேசியாவில் இந்து மகா கடலில் சுனாமி ஏற்பட்டது. அதில், அங்கு 1 லட்சத்து 68 ஆயிரம் பேர் பலியாகினார்கள். ஏக் மாகாணத்தில் உள்ள ஒரு குக் கிராமத்தை சேர்ந்த 4 வயது சிறுமி மேரி யுராந்தா என்பவளும் சுனாமியில் சிக்கினாள்.

தந்தை தாஷ்மியசும், தாய் யுனிஸ்தரும் அவளை பல இடங்களில் தேடியும் கண்டுபிடிக்கமுடியவில்லை. எனவே, சுனாமியில் அவள் சிக்கி இறந்துவிட்டதாக கருதி மனதை தேற்றிக் கொண்டனர்.

ஆனால் அவள் சாகவில்லை. சுனாமி பேரலையில் சிக்கி கரை ஒதுங்கிய மேரியை ஒரு விதவை பெண் காப்பாற்றினாள். பின்னர் அவளை பாண்டா ஏக் பகுதிக்கு அழைத்துச் சென்று அடித்து உதைத்து கொடுமைப்படுத்தி தெரு தெருவாக பிச்சை எடுக்க வைத்தாள். அவளது பெயரை ஹிரோவதி என மாற்றினாள்.

இதற்கிடையே 7 ஆண்டுகள் கழித்து மெலாபோ நகரில் ஒரு காபி கடை அருகே மேரி பிச்சை எடுத்து கொண்டு இருந்தாள். அப்போது அங்கிருந்து தப்பிய அவள் ஒரு டாக்சி டிரைவர் உதவியுடன் தனது கிராமத்துக்கு சென்று தாய் யுனிஸ்தரை பார்த்தாள்.

உடனே, அம்மா என ஓடிச்சென்று அவளை கட்டி அனைத்து கொண்டாள். அப்போது அவளது வயது 14. உயரமாக வளர்ந்து இருந்தாள். எனவே, தாயாருக்கு அடையாளம் தெரியவில்லை.

பின்னர் அவளது உடல் மற்றும் முகத்தில் இருந்த தழும்புகளை வைத்து அடையாளம் கண்டு வாரி அனைத்துக் கொண்டாள்.

மாலைமலர்