ஈரப்பதிவுகள்

**ரா.ரா3275** · **ரா.ரா3275** Sat Dec 24, 2011 1:54 am

வானம் தன்
வேட்டியில் மறைத்த
வெள்ளிக்கம்பிகளை
விசிறியடிக்கிறதா?

அவை
நெட்டுக் குத்தாய்
நிலத்தில் வீழ-
மண்ணின் கண்ணில்
ரத்தக் கண்ணீர்!

குளித்து முடிந்த
ஈரக்கூந்தலை அள்ளியெடுத்து
இடைவெளியின்றித்
தட்டி உலர்த்துகிறதா?

கொஞ்சம் இருங்கள்...
ஒரு சந்தேகம்!

வானம்-
ஆணா? பெண்ணா?
அர்த்தநாரியா?

எதுவாயிருந்தால் எனக்கென்ன?

காற்று-
இடுப்போடு சேர்த்து
இழுத்து வளைக்க..
வளைந்து வளைந்து குழையும்
தென்னங்கீற்று
***
ஒளியைத்
துளியோடு சொட்டும்
உயரக் கம்பத்தின்
உச்ச்ச்ச்சி விளக்குகள்
***
வெட்டவெளியில்
வெளிச்சத்தில் குளிக்கும்
ஓர்
ஒற்றைக் குடிசை
***
கழைக்கூத்தாடியபடி
ஜன்னல் கம்பிகளில்
தொங்கும் துளிகள்
***
ரெட்டைக் காலொடு
நடந்துபோகும்
ஒற்றைக் குடை
***
குட்டிக்குட்டியாய்
குபேரர்களின் வயிறாய்
ஊர்வலம் போகும்
குடிகாரக் குமிழ்கள்
***
மழையை எழுதினால்
நனைகின்றன வார்த்தைகளும்

நனையட்டும்..
நனைந்த பொருள்தான்
கனக்கும்...
நனையட்டும்!

**ஜாஹீதாபானு** · **ஜாஹீதாபானு** Sat Dec 24, 2011 1:28 pm

வானம் தன்
வேட்டியில் மறைத்த
வெள்ளிக்கம்பிகளை
விசிறியடிக்கிறதா?

அவை
நெட்டுக் குத்தாய்
நிலத்தில் வீழ-
மண்ணின் கண்ணில்
ரத்தக் கண்ணீர்!

குளித்து முடிந்த
ஈரக்கூந்தலை அள்ளியெடுத்து
இடைவெளியின்றித்
தட்டி உலர்த்துகிறதா?

அருமை அருமை சூப்பருங்க

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

**கா.ந.கல்யாணசுந்தரம்** · 28/02/2009

வெட்டவெளியில்
வெளிச்சத்தில் குளிக்கும்
ஓர்
ஒற்றைக் குடிசை
***
கழைக்கூத்தாடியபடி
ஜன்னல் கம்பிகளில்
தொங்கும் துளிகள்
***
ரெட்டைக் காலொடு
நடந்துபோகும்
ஒற்றைக் குடை

...................அனைத்து வரிகளும் அருமை. புதிய சிந்தனை வரிகள்.
பாராட்டுகள் கவிஞரே!