25-ம் தேதி அனைவருக்கும் பிரியாணி: விஜயகாந்த் அழைப்பு

by மகா பிரபு Fri Dec 23, 2011 4:15 pm

கிறிஸ்துமஸ் பண்டிகையையொட்டி அனைத்து தரப்பினருக்கும் கேக்கும், பிரியாணியும் வழங்கப்படும் என தேமுதிக நிறுவனர் விஜயகாந்த் தெரிவித்துள்ளார்.

இதுகுறித்து அவர் வெளியிட்ட அறிக்கை:
கிறிஸ்துமஸ் பண்டிகை என்பது கிறிஸ்துவ மக்களுடன் அனைத்து தரப்பினரும் இணைந்து கொண்டாட வேண்டிய விழாவாகும். இதை குறிக்கோளாகக் கொண்டு இயங்குவது தேசிய முற்போக்கு திராவிட கழகமாகும். கிறிஸ்துமஸ் நன்னாளில் இந்த உணர்வுகளுக்கு ஏற்ப வரும் 25-ம் தேதி ஞாயிற்றுக்கிழமை காலை 11 மணியளவில் தேமுதிக சார்பில் கோயம்பேட்டில் உள்ள தலைமை அலுவலகத்தில் கிறிஸ்துமஸ் விழா கொண்டாடப்படும் என்பதை தெரிவித்துக் கொள்கிறேன்.

அவ்விழாவில் குழந்தைகளுடன் கிறிஸ்துமஸ் கேக் வெட்டும் நிகழ்ச்சியில் கலந்து கொண்டு குழந்தைகளுக்கு கேக் வழங்குகிறேன். பின்னர் அனைத்து தரப்பினருக்கும் கேக்கும் பிரியாணியும் வழங்கப்படும் என்பதை தெரிவித்துக் கொள்ளுகிறேன். இவ்விழாவை சிறப்பிக்கும் வகையில் தேமுதிகவினரும், ஆதரவாளர்களும், பொது மக்களும் கலந்து கொள்ள வேண்டுமென்று கேட்டுக் கொள்ளுகிறேன்.
இவ்வாறு விஜயகாந்த் தனது அறிக்கையில் தெரிவித்துள்ளார்.

:வணக்கம்: