துன்பத்தில் உதவுவது உறவுகளா? நண்பர்களா? - விவாத மேடை - 2

by அல்கெனா ரிஷி Thu Dec 22, 2011 5:29 pm

துன்பத்தில் உதவுவது உறவுகளா? நண்பர்களா?

by அல்கெனா ரிஷி Thu Dec 22, 2011 5:37 pm

போன விவாத மேடையில் கலந்து கொண்ட சிவா அண்ணா ,இளமாறன் ,விஜிசெந்தில் , சார்லஸ் ,உதயசுதா , ரேவதி , விஜயா குமார் ,கிறிஷ்ணம்மா,vishwajee , பரீத் அனைவருக்கும் நன்றி

by பாலாஜி Thu Dec 22, 2011 5:40 pm

என்னை பொறுத்தவரை நிச்சயம் நண்பர்கள்தான் ...

by **சிவா** Thu Dec 22, 2011 6:07 pm

அல்கெனா ரிஷி wrote:போன விவாத மேடையில் கலந்து கொண்ட சிவா அண்ணா ,இளமாறன் ,விஜிசெந்தில் , சார்லஸ் ,உதயசுதா , ரேவதி , விஜயா குமார் ,கிறிஷ்ணம்மா,vishwajee , பரீத் அனைவருக்கும் நன்றி

விவாதக் களத்தில் கலந்து கொள்பவர்களுக்கு ஒரு அன்பு வேண்டுகோள்.

இங்கு வெளியிடப்படும் கருத்துக்களுடன் மட்டும் மோதுங்கள், கருத்தை எழுதியவர்களுடம் தயவு செய்து மோதாதீர்கள். அவ்வாறு இயலவில்லை என்றால் விவாதத்தில் கலந்து கொள்ளாதீர்கள்.

அனைத்துக் கருத்துக்களும் நீங்கள் எதிர்பார்க்கும் விதத்தில் மட்டுமே இருக்க வேண்டுமென்றால் அதற்குச் சாத்தியமே இல்லை.

by **சிவா** Thu Dec 22, 2011 6:10 pm

எப்படிப்பட்ட துன்பம் என்பதைப் பொறுத்து அங்கு உதவுவது யார் என்பதைக் கூற இயலும். ஆனால் துன்பமான நேரத்தில் உதவுவது நண்பர்கள்தான் என்பதில் எனக்கு அசைக்க முடியாத நம்பிக்கை உண்டு.

by **உமா** Thu Dec 22, 2011 6:15 pm

எனது துன்பத்தில் அதிகம் உதவியது , ஆறுதல் சொன்னது நண்பர்கள் தான். உறவினர்கள் உதவி செய்யாமல் உபத்தரம் செய்ததே அதிகம்.

by hega Thu Dec 22, 2011 6:45 pm

துன்பத்தில் உதவுவது யார் என்பதை நாம் அவரவர்களிடம் பழகும் நாம் சுய சுபாவத்தை வைத்துதான் அந்தந்த சூழ்நிலை முடிவு செய்ய முடியும்.

சூழ்னிலைக்கேற்ப இரண்டுமே அவசியம்தான்.

by **பிஜிராமன்** Thu Dec 22, 2011 6:46 pm

எந்த ஒரு துன்பமாக இருந்தாலும் பெரும்பான்மையானோர் என்னையும் சேர்த்து, முதலில் சென்று பகிர்ந்து கொள்வது நண்பர்களுடன் தான், அவர்கள் நிச்சயமாக ஏதாவது ஒரு வழியில் நமக்கு உதவி விடுவார்.

அவர்கள் முதலாவதாக உதவுவது, துன்பத்தின் மூலம் நாம் அடைந்த மன பாரத்தை முதலில் குறைத்து விடுவர். சிந்த்திக்க மறந்த நமக்கு நல்ல சிந்தனைகள் கூறி உதவிடுவர். இவை இரண்டையும் செய்தவுடனே, நம் மனம் நம்மை அந்த துன்பத்தை எதிர்கொள்ள தயார் படுதிக் கொள்ளும். பிறகு அத்துன்பத்தை நாம் எளிதாக எதிர்கொண்டு விடலாம்.

ஆக, நாம் நம் துன்பத்தை முதலில் கூறுவதும் நண்பரிடம், அதற்கு முதலில் உதவுவதும் நண்பர்கள் தான்.

by பானு ஜெகன் Thu Dec 22, 2011 7:02 pm

உறவினர்கள் நம் தோல்வியை பறைசாற்ற வேண்டுமானால் வருவார்கள்
துன்பத்தில் நமக்கு உதவ அவர்கள் நினைப்பதில்லை

நண்பர்கள் , அவர்களால் இயன்ற அளவு நமக்கு உதவுவார்கள்
அவர்களால் உதவ இயலவில்லை எனில் கணிசம்
ஆறுதல் மொழியாவது தருவார்கள்

இன்று உலக அளவில் உறவு வட்டம் சுருங்கி நட்பு வட்டம் விரிந்திருக்கிறது
காரணம் உறவுகளுக்கிடையில் நெருக்கடி அதிகரித்திருக்கிறது
நட்புகளுக்கிடையில் நெருக்கம் அதிகரித்திருக்கிறது

by சார்லஸ் mc Thu Dec 22, 2011 10:04 pm

உறவுகளை விட நண்பா்களே அதிகம் உதவுபவா்களாக இருப்பாா்கள். உயிா் காப்பான் தோழன் என்று பொியவா்கள் சும்மாவா சொல்லி சென்றனா்.
உறவினாிடம் சொல்ல முடியாததை நண்பா்களிடம் மட்டுமே நாம் சொல்கிறோம். நண்பா்களிடம் மட்டுமே நமது உண்மையான, உணா்வை, கருத்துக்களை வெளிப்படுத்துகிறோம் என்பதில் எந்தவித மாற்றுக்கருத்துக்கும் இடமில்லை என்று கருதுகிறேன்.
அப்படித்தானே , ஈகரை நண்பா்களிடம் கருத்து பாிமாற்றம் நடக்கிறது.