கிறிஸ்துமஸ் - சுவாரஸ்ய சம்பிரதாயங்கள்

**ந.கார்த்தி** · **ந.கார்த்தி** Fri Dec 23, 2011 1:45 pm

இத்தாலியில் கிறிஸ்துமஸ் மரங்களுக்குப் பதிலாக மரப் பிரமிடுகளை பழங்களால் அலங்கரிக்கும் வழக்கமுள்ளது. நண்பர்களுக்குக் காயவைக்கப்பட்ட பருப்பு வகைகளை ஒரு பையில் போட்டுத் தருவதன் மூலம் எளிமையை நினைவுபடுத்துகிறார்கள்.

கிறிஸ்துமஸ் அன்று சிலந்தி வலையைக் கண்டால் அதிர்ஷ்டம் வரும் என்பது உக்ரைன் மக்களின் நம்பிக்கை.

கிறிஸ்துமஸ் தாத்தா தன்னுடன் பனிப்பெண் (Snowflake Girl) என்ற பெயருடைய சிறுமியையும் அழைத்து வருகிறார் என்றும் நம்புகிறார்கள்.

லெபனானில் கிறிஸ்துமஸுக்கு ஒரு மாதம் முன்பு முளைப்பாரிக்கு விதைகள் விதைப்பார்கள். முளைப்பாரிகள் வளர்ந்ததும் குடிலை அலங்கரிக்கப் பயன்படுத்தப்படுத்துவார்கள்

தென்னாப்பிரிக்காவில் கிறிஸ்துமஸ் மதிய உணவுக்குப் பின் நண்பர்கள் வீடுகளுக்குச் சென்று 'கிறிஸ்துமஸ் பெட்டிகளை'க் கேட்டுப் பெறுவார்கள். இந்தப் பெட்டிகளில் விதவிதமான உணவு வகைகள் நிரப்பப்பட்டிருக்கும்

ஆஸ்திரேலியாவில் கிறிஸ்துமஸ் இரவு உணவுக்குப் பின் கிரிக்கெட் ஆடுவது வழக்கம்

அயர்லாந்தில் குழந்தைகள் கிறிஸ்துமஸ் தாத்தா பரிசுகளைப் போடுவதற்காக கோணிகளைக் கட்டுவார்கள். அதோடு அவருக்கு சிற்றுண்டியும் வைப்பார்கள்.

எத்தியோப்பியாவில் சுமார் மூன்று மணி நேரம் நடக்கும் கிறிஸ்துமஸ் திருப்பலி முழுவதும் நின்று கொண்டேதானிருக்க வேண்டும்.

வேல்ஸின் சில கிராமப்புறங்களில் கிறிஸ்துமஸ் கொண்டாட்டங்களின் போது தேர்ந்தெடுக்கப்பட்ட ஒருவர் வெள்ளையுடை தரித்து குதிரையின் மண்டை ஓட்டைக் கழியில் ஏந்தி வலம் வருவார். இந்த குதிரையால் கடிபட்டவர்கள் பணமாக அபராதம் கட்ட வேண்டும். இங்கு கிறிஸ்துமஸ் அன்று டாஃபி என்ற மிட்டாய்களைச் செய்வதற்காக சர்க்கரையைக் காய்ச்சி பாகு பதமானதும் சிறிது சிறிதாக குளிர்ந்த நீரில் இடுவார்கள். இந்த மிட்டாய்கள் எடுக்கும் வடிவங்களிலிருந்து எதிர்காலக் காதலரைப் பற்றித் தெரிந்து கொள்வார்களாம்!

போர்ச்சுக்கல்லில் கிறிஸ்துமஸ் அன்று காலை நடக்கும் விருந்தில் இறந்தவர்களுக்கும் இடம் ஒதுக்கப்பட்டிருக்கும். புது வருடத்துக்கு அவர்கள் அதிர்ஷ்டத்தைக் கொண்டு வருவார்கள் என்ற நம்பிக்கையாம்!

நார்வேயில் கிறிஸ்துமஸுக்கு முந்தின நாள் துடைப்பங்களை எல்லாம் ஒளித்து வைத்து விடுவார்கள். பண்டிகை அன்று சூனியக்காரிகள் வந்து அவற்றைத் திருடிச் சென்றுவிடுவார்கள் என்ற பயமாம்!

எகிப்தில் கிறிஸ்துமஸ் பண்டிகை ஜனவரி 7ம்தேதி கொண்டாடப்படுகிறது. பண்டிகைக்கு முந்தைய 40 நாட்கள் விரதம் இருக்கும் வழக்கமும் இருக்கிறது.

நன்றி: குங்குமம்