சபரிமலையில் 35 வயது பெண் தரிசனம்

சபரிமலையில் 35 வயது பெண் தரிசனம்: பரிகார பூஜை செய்தார் கோவில் தந்திரி

சபரிமலை:சபரிமலை அய்யப்பன் கோவிலில், 35வயது மதிக்கத்தக்க பெண் ஒருவர் நுழைந்ததால், உடனே பரிகார பூஜைகள் செய்யப்பட்டன.சபரிமலை அய்யப்பன் கோவிலுக்குள் செல்ல 10 முதல் 50 வயது வரையிலான பெண்களுக்கு அனுமதி இல்லை. ஆனால், கன்னட நடிகை ஜெயமாலா, தான் சபரிமலை அய்யப்பன் கோவிலுக்கு சென்றதாக சில மாதங்களுக்கு முன் கூறியது, பெரும் சர்ச்சையை ஏற்படுத்தியது. அவர் மீது வழக்கும் பதிவு செய்யப்பட்டுள்ளது. இந்நிலையில், சபரிமலையில் நேற்று 35 வயது மதிக்கத்தக்க பெண் ஒருவர் நுழைந்து சாமி தரிசனம் செய்தது கண்டு பிடிக்கப்பட்டது.

இதையடுத்து, கோவிலில் பரிகார பூஜைகள் செய்யப்பட்டதாக, நேற்றிரவு கோவில் நிர்வாக அதிகாரிகள் கூறினர். கோவிலுக்கு செல்லும் 18ம்படி, மூலஸ்தானம் உள்ள பகுதிகளில் இந்த பரிகார பூஜைகள் செய்யப்பட்டன. கோவிலின் தந்திரி இந்த பரிகார பூஜைகளை நடத்தினார்.கோவிலுக்குள் நுழைந்து சாமி தரிசனம் செய்ததாக கூறப்படும் பெண்ணின் பெயர் சரஸ்வதி.

ஆந்திர மாநிலத்தைச் சேர்ந்தவர். அவர் 18ம்படி வழியாக மேலே ஏறி, கோவிலுக்குள் சென்று அங்கு நேற்று மதியம் சாமி தரிசனம் செய்துள்ளார். அவர் மூலஸ்தானத்தில் சாமி தரிசனம் செய்து விட்டு, அதே வளாகத்தில் உள்ள மல்லிகாபுரம் துணை கோவிலுக்கு சென்ற போது, அவரை விரைவு அதிரடிப் படையினர் கண்டு பிடித்தனர். இதையடுத்து, அந்தப் பெண்ணைப் பிடித்து உள்ளூர் போலீசாரிடம் ஒப்படைத்தனர். இருந்தும், போலீசார் அந்தப் பெண்ணின் மீது எந்த வழக்கும் பதியவில்லை என்பது குறிப்பிடத்தக்கது

http://www.dinamalar.com/News_Detail.asp?Id=370716

கேசவன் wrote:அந்தப் பெண்ணின் மீது எந்த வழக்கும் பதியவில்லை என்பது குறிப்பிடத்தக்கது