டைனோசர் கால மலைகள்!

**கேசவன்** · **கேசவன்** Tue Dec 20, 2011 10:12 am

அண்டார்டிகா கண்டத்தின் பெரும் பனியடுக்கின் கீழே புதைந்துகிடக்கும் புதிரான மலைகள், பூமியில் டைனோசர்கள் திரிந்த காலத்தைச் சேர்ந்தவை. அதாவது 20 கோடி ஆண்டுகளுக்கு முந்தையவை என்று தெரியவந்துள்ளது.

`காம்பர்ட்சேவ் சப்கிளேசியல் மவுன்டன்ஸ்’ எனப்படும் இந்த மலைகளைப் பற்றி ஆய்வு மேற்கொண்டிருக்கும் விஞ்ஞானிகள், இவை அண்டார்டிகா நிலப்பரப்பில் 10 ஆயிரம் அடிக்கு மேல் உயர்ந்தன. ஆனால் பெரும்பாலும் 15 ஆயிரத்து 750 அடி பனி அடுக்கால் மூடப்பட்டிருக்கின்றன என்கின்றனர்.

இந்த மலைகளைப் பற்றி ஆய்வாளர் பாஸ்டோ பெராச்சியோலி கூறுகையில், “பனி அடுக்குகள் காரணமாக இந்த மலைத் தொடரானது பூமியில் அதிகம் அறியப்படாத மலைத் தொடராக உள்ளது” என்கிறார்.

“தென் துருவத்தில் மனிதன் காலடி வைத்து நூறாண்டுகள் ஆகும் நிலையில், தற்போதைய கண்டுபிடிப்பு வெளியாகிருப்பது மிகவும் பொருத்தமானது” என்று தேசிய
அறிவியல் அறக்கட்டளையைச் சேர்ந்த அலெக்சாண்ட்ரா இசர்ன் கூறுகிறார்.

புதிய ஆய்வுப் பணியில் ஈடுபட்ட விஞ்ஞானிகள், மிகவும் கடினமான சூழலில் அண்டார்டிகா மலைத் தொடர் பற்றிய தகவல்களையும், நுணுக்கமான படங்களையும் சேகரித்துள்ளனர். தற்போது கிடைத்திருக்கும் முடிவுகள், இனி இப்பகுதி யில் மேற்கொள்ளப்படும் ஆய்வுகளுக்குப் பல்லாண்டு காலத்துக்கு உதவும் என்று கருதப்படுகிறது.

இந்த ஆய்வுக்கு என சுமார் 1 லட்சத்து 20 ஆயிரம் கிலோமீட்டர் பரப்பளவுக்கு இரு சிறு விமானங்களில் விஞ்ஞானிகள் பறந்து திரிந்துள்ளனர். பனிப் பாறைகளை ஊடுருவும் ரேடார்கள், லேசர்கள், காந்த மற்றும் புவியீர்ப்பு விசை மீட்டர்களைப் பயன்படுத்தியுள்ளனர்.

25 கோடிக்கும் 10 கோடிக்கும் இடைப்பட்ட காலகட்டத்தில் இந்த மலைத் தொடர் பூமியிலிருந்து எழுந்திருக்க வேண்டும் என்ற முடிவுக்கு அவர்கள் வந்துள்ளனர்
http://senthilvayal.wordpress.com/

சார்லஸ் mc · சார்லஸ் mc Tue Dec 20, 2011 11:20 am

இந்த ஆய்வை தொடா்ந்து செய்வதினால் என்ன உபயோகம்?

டைனோசர் கால மலைகள்!

டைனோசர் கால மலைகள்!

Re: டைனோசர் கால மலைகள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக