பிலிப்பைன்ஸ் புயலுக்கு 650 பேர் பலி; பலியானவர்கள் உடல் ஒரே இடத்தில் அடக்கம்

by **இளமாறன்** Tue Dec 20, 2011 1:02 am

மணிலா, டிச. 19-

பிலிப்பைன்ஸ் நாட்டில் தெற்கு பகுதியில் உள்ள மிர்னடானோ தீவில் வாஷி என்ற சூறாவளி புயல் வீசியது. இதனால் பலத்த மழை கொட்டியது. ஆறுகளில் பெருக்கெடுத்த வெள்ளம் கரையை உடைத்துக் கொண்டு ஊருக்குள் புகுந்தது. இதனால் மின்டானோ தீவில் உள்ள இலிகான், பொலாஸ்கோ, ககயன்டி ஓரோ ஆகிய இடங்களில் வீடுகளை வெள்ளம் அடித்து சென்றது.

அங்கு நிலச்சரிவும் ஏற்பட்டது. அவர்களில் அடையாளம் கண்டு பிடிக்கப்பட்டவர்களின் உடல்கள் முறைப்படி உறவினர்களிடம் ஒப்படைக்கப்பட்டு வருகின்றன. ஆனால் நூற்றுக் கணக்காணவர்களின் உடல்கள் இன்னும் அடையாளம் கண்டு பிடிக்கமுடியவில்லை.

அதில், 650 பேர் பலியானார்கள். 1000 பேரை காணவில்லை. இதை தொடர்ந்து மீட்பு நடவடிக்கை தீவிரமாக நடைபெற்று வருகிறது. வெள்ளத்தில் அடித்து செல்லப்பட்டவர்களின் உடல்கள் மீட்கப்பட்டு வருகின்றன. எனவே, அவை அழுகும் நிலையில் உள்ளன. இதையடுத்து அவை அனைத்தும் ஒரே இடத்தில் குழி தோண்டி புதைக்கப்பட்டு அடக்கம் செய்யப்பட்டன.

புயல் மழை காரணமாக சுமார் 35 ஆயிரம் பேர் வீடுகளை இழந்து தவிக்கின்றனர். அவர்கள் அனைவரும் அரசின் முகாம்களில் தங்க வைக்கப்பட்டுள்ளனர். அங்கு அவர்களுக்கு உணவும், மருந்து மாத்திரைகளும் வழங்கப்பட்டு வருகின்றன. மீட்பு பணியில் அமெரிக்கா, சீனா உள்ளிட்ட நாடுகள் உதவி வருகின்றன. நிவாரண பொருட்களும் வழங்கியுள்ளன.

மாலைமலர்