அ.தி.மு.க.,விலிருந்து சசிகலா நீக்கம்---செய்தி தொகுப்பு

by மகா பிரபு Mon Dec 19, 2011 1:45 pm

அ.தி.மு.க., அடிப்படை உறுப்பினர் பதவியிலிருந்து சசிகலா நீக்கப்பட்டுள்ளதாக முதல்வர் ஜெயலலிதா அறிவித்துள்ளார். மேலும், நடராஜன், தினகரன், சுதாகரன், திவாகர்(மன்னார்குடி), பாஸ்கரன்,ராமசந்திரன், வெங்கடேசன், ராஜராஜன், குலோத்துங்கன், ராவணன், மோகன் உள்ளிட்ட 12 பேரும் அ.தி.மு.க.,விலிருந்து நீக்கப்பட்டுள்ளதாக அறிவித்துள்ளார். இவர்களுடன் கட்சியினர் யாரும் தொடர்பு வைத்துக்கொள்ளக்கூடாது எனவும் ஜெயலலிதா உத்தரவிட்டுள்ளார்.

dinamalar

by ரேவதி Mon Dec 19, 2011 1:46 pm

இது உண்மையா அதிர்ச்சி

by **ந.கார்த்தி** Mon Dec 19, 2011 1:47 pm

உண்மையா ?

by **ராஜா** Mon Dec 19, 2011 1:47 pm

என்ன விஸேஷம் இப்ப திடீர்ன்னு இப்படி அதிரடி நடவடிக்கை

by பேகன் Mon Dec 19, 2011 1:49 pm

ராஜா wrote: என்ன விஸேஷம் இப்ப திடீர்ன்னு இப்படி அதிரடி நடவடிக்கை

பெங்களுரு நீதி மன்ற முடிவோ??

by மகா பிரபு Mon Dec 19, 2011 1:51 pm

அதிமுகவிலிருந்து சசிகலா நீக்கப்பட்டுள்ளார். அவரது கணவர் எம்.நடராஜன், சகோதரர் திவாகர் மற்றும் அவரது குடும்பத்தினர் 12 பேரும் கட்சியிலிருந்து நீக்கப்படுவதாக அதிமுக பொதுச் செயலாளர் ஜெயலலிதா அறிவித்திருக்கிறார்.
தமிழக அரசியலில் பெரும் பரபரப்பை ஏற்படுத்தும் இந்த முடிவை ஜெயலலிதா இன்று அறிவித்திருக்கிறார்.

.

இது குறித்து அதிமுக பொதுச் செயலாளர் ஜெயலலிதா இன்று வெளியிட்டுள்ள அறிக்கையில் கூறியிருப்பதாவது:
1. சசிகலா (தலைமைக் கழக செயற்குழு உறுப்பினர்) 2. மா.நடராஜன் (சசிகலாவின் கணவர்), 3. திவாகர் (சசிகலாவின் சகோதரர், மன்னார்குடி, டி.டி.வி.தினகரன் (முன்னாள் எம்.பி.), வி.பாஸ்கரன், வி.என்.சுதாகரன், டாக்டர் எஸ்.வெங்கடேஷ், எம்.ராமச்சந்திரன் (நடராஜனின் சகோதரர்), ராவணன், மோகன் (அடையார்), குலோத்துங்கன், ராஜராஜன் ஆகிய 12 பேரும் அடிப்படை உறுப்பினர் பொறுப்பு உட்பட அனைத்து பொறுப்புகளிலிருந்தும் நீக்கி வைக்கப்படுகிறார்கள்.

இவர்களுடன் அதிமுக தொண்டர்கள் எந்தவித தொடர்பும் வைத்துக் கொள்ளக் கூடாது என கேட்டுக் கொள்கிறேன்.
இவ்வாறு ஜெயலலிதா அந்த அறிக்கையில் கூறியிருக்கிறார். ஜெயலலிதா அதிமுக கொள்கை பரப்புச் செயலாளராக இருந்தபோது சசிகலா அவருக்கு அறிமுகமானார். அதன் பிறகு அவருக்கு உதவியாளர் போல செயல்பட்டார். பின்னர் கட்சியில் உறுப்பினரானார். சசிகலா அதிமுகவில் செல்வாக்கு மிக்கவராக இருந்தார். தலைமை செயற்குழு உறுப்பினராகவும் இருந்தார்.
டி.டி.வி.தினகரன் நாடாளுமன்ற உறுப்பினராகவும் கட்சியின் பொருளாளராகவும் பின்னர் அமைப்பு செயலாளராகவும் செயல்பட்டார். சமீப காலமாக கட்சி நடவடிக்கையில் ஈடுபடாமல் இருந்தார்.

திவாகர் ஆரம்ப காலத்தில் உதவியாளராக இருந்தார். டாக்டர் வெங்கடேஷ் இளைஞர் பேரவை, இளம்பெண்கள் பாசறையின் அமைப்பாளராக சிறிது காலம் இருந்தார். சசிகலாவின் கணவர் நடராஜனின் உடன் பிறந்த சகோதரர்களின் ஒருவர் எம்.ராமச்சந்திரன். பாஸ்கரன் சசிகலாவின் அக்காள் வனிதாவின் மற்றொரு மகன் டி.டி.வி.தினகரனின் சகோதரர். வனிதாவின் மூன்றாவது மகன் வி.என்.சுதாகரன். டாக்டர் வெங்கடேஷ் சசிகலாவின் மூத்த சகோதரர் சுந்தரவதனத்தின் மகன். சசிகலாவின் உறவினர்கள் ராவணன், மோகன், குலோத்துங்கன், ராஜராஜன்.

மாலை சுடர்

by பேகன் Mon Dec 19, 2011 1:55 pm

வரும் 20ந் தேதிதான் சனிப்பெயர்ச்சி! ஜெயாவின் பாதச்சனி விலகுகின்றது போலும் நல்லது நடந்தாசரி

by **ந.கார்த்தி** Mon Dec 19, 2011 1:56 pm

விஜயகுமார் wrote:வரும் 20ந் தேதிதான் சனிப்பெயர்ச்சி! ஜெயாவின் பாதச்சனி விலகுகின்றது போலும் நல்லது நடந்தாசரி

by **பிரசன்னா** Mon Dec 19, 2011 2:07 pm

அ.தி.மு.க.,வில் இருந்து சசிகலா திடீர் நீக்கம் - போயஸ் தோட்டத்தில் இருந்தும் வெளியேற்றம்
அ.தி.மு.க.,விலிருந்து சசிகலா நீக்கம்---செய்தி தொகுப்பு Tamil_News_large_370432

சென்னை: ஏறக்குறைய 25 ஆண்டு காலமாக சசிகலா மற்றும் அவரை சுற்றியுள்ள குடும்பத்தினர் கையில் இருந்த அ.தி.மு.க.,வில் முக்கிய மாற்றம் நிகழ்ந்துள்ளது. சசி இல்லாமல் ஜெ., இல்லை என்ற நிலையை தகர்த்து எறிந்திருக்கிறார் ஜெ., .

சமீப காலமாக ஜெ மற்றும் சசி குடும்பத்தினர் இடையே அரசல் புரசலாக புகைச்சல் இருந்து வந்ததாக செய்திகள் வெளியாகின. இந்நிலையில் கட்சியின் பொது செயலர் ஜெ., இன்று அ.தி.மு.,கவில் இருந்து மொத்தம் 12 பேரை நீக்குவதாக அறிவித்துள்ளார். இன்று ஜெ., வெளியிட்டுள்ள அறிவிப்பில் : சசிகலா. நடராஜன், தினகரன், சுதாகரன், திவாகர்(மன்னார்குடி),பாஸ்கரன்,ராமசந்திரன், வெங்கடேசன், ராஜராஜன், குலோத்துங்கன், ராவணன், மோகன் உள்ளிட்ட 12 பேரும் அ.தி.மு.க.,விலிருந்து நீக்கப்பட்டுள்ளதாக தெரிவித்துள்ளார்.இந்த 12 பேருடன் கட்சிக்காரர்கள் யாரும் இனி எவ்வித தொடர்பும் கொள்ள கூடாது என்று கடும் எச்சரிப்பும் வெளியிட்டுள்ளார். 12 பேரும் சசியின் நெருங்கிய வட்டாரம் ஆகும்.

கடந்த 15 ஆண்டு கால வரலாற்றில் சசி குடும்பத்தினரும் அவருக்கு வேண்டப்பட்டவர்களும் கட்சியில் கோலோச்சி வந்திருந்தனர். கட்சியிலும் , ஆட்சிக்கு வந்தால் அரசிலும் இவர்கள் தலையீடு இல்லால் இருக்காது. அரசு துறை பொறுப்புகள் டிரான்ஸ்பர் மற்றும் கட்சியில் பதவி வேண்டுமானால் சசி வட்டராத்தையே நாட வேண்டிய நிலையில் அ.தி.மு.க., தொண்டர்கள் இருந்து வந்தனர். இந்நிலையில் இந்த கூட்டத்தனர் கட்சியில் இருந்து நீக்கப்பட்டதற்கு அ.தி.மு.க, தொண்டர்கள் இடையே பெரும் வரவேற்பு கிட்டியிருக்கிறது. ஜெ.,யின் அதிரடி நடவடிக்கையால் சசி குடும்பத்தினர் அதிர்ச்சி அடைந்துள்ளனர்.

சசி நீக்கம் ஏன்., ? பரபரப்பு தகவல்: சசியை கட்சியில் இருந்து நீக்க ஜெ., எடுத்த அதிரடி நடவடிக்கைக்கு பல பின்னணி தகவல்கள் இருந்துள்ளன. இது குறித்த விவரம் வருமாறு: சசிகலா மற்றும் அவரது வட்டாரத்தினர் கட்சியை தங்கள் வசம் கொண்டு வர திட்டமிட்டிருந்தனர். அதாவது பெங்களூரூ சிறப்பு கோர்ட்டில் ஜெ.,வுக்கு எதிரான சொத்துக்குவிப்பு வழக்கு நடந்து வருகிறது. இதில் அவருக்கு எதிராக தீர்ப்பு அமையும் பட்சத்தில் அவர் ஜெயிலுக்கு செல்ல நேரிட்டால் அந்நேரத்தில் என்ன செய்வது என பெரும் ஆலோசனை நடத்தியது சசி கூட்டம். இதன் ஒரு கட்டமாக நடராஜன் அ.தி.மு,.க.,வை தங்கள் வசம் கொண்டு வர தங்களுக்கு வேண்டிய கட்சி நிர்வாகிகள் மற்றும் அரசில் அதிகாரிகள் என பலரை தங்கள் இஷ்டம் போல் பொறுப்பில் கொண்டு வரதிட்டமிட்டார். இதற்கு சசியும் ஒப்புதல் தெரிவித்ததாக தெரிகிறது. மேலும் இந்த உள்ளடி வேலை நடந்த போது தொலைபேசி உரையாடல் தமிழக உளவுத்துறைக்கு கிடைத்தது. இந்த தகவலை உளவுத்துறை மூலம் அறிந்து கொண்ட ஜெ., இந்த அதிரடி நடவடிக்கை எடுத்திருப்பதாக ஒரு உறுதி செய்யப்படாத தகவல் தெரிவிக்கின்றன.
பகிர்வு - தினமலர்