18 வயது வரை மகள்கள் பேஸ்புக் பயன்படுத்த ஒபாமா தடா

by **கே. பாலா** Mon Dec 19, 2011 6:00 am

வாஷிங்டன்: அமெரிக்க அதிபர் ஒபாமா தனது 2 மகள்களும் 18 வயதை அடையும் வரை பேஸ்புக்கை பயன்படுத்தத் தடை விதித்துள்ளார்.

அமெரிக்க அதிபர் ஒபாமாவின் மூத்த மகள் மால்யாவுக்கு வயது 13, இளைய மகள் ஷாஷாவுக்கு வயது 10. அவர்கள் இருவரும் 18 வயதை எட்டும் வரை பேஸ்புக்கை பயன்படுத்தக் கூடாது என்று ஒபாமா உத்தரவிட்டுள்ளார். இதன் மூலம் குடும்ப விஷயங்கள் அடுத்தவர்களுக்கு தேவையில்லாமல் தெரிவிக்கப்படுவதை தடுக்க முடியும் என்று அவர் கருதுகிறார்.

இது குறித்து அவர் கூறியதாவது,

நமக்கு யார் என்றே தெரியாதவர்களிடம் நாம் ஏன் நம் குடும்ப விஷயங்களைத் தெரிவிக்க வேண்டும். அதனால் தான் எனது மகள்களை 18 வயதாகும் வரை பேஸ்புக்கை பயன்படுத்தக் கூடாது என்றேன். இன்னும் 4 ஆண்டுகளில் இது பற்றி அவர்கள் என்ன நினைக்கிறார்கள் என்று பார்க்கலாம் என்றார்.

ஒபாமாவின் பேஸ்புக் பக்கத்தில் 24 மில்லியன் பேர் லைக் பட்டனை அழுத்தியுள்ளனர். இந்த வார துவக்கத்தில் அண்மையில் எடுத்த தனது குடும்ப போட்டோவை பேஸ்புக்கில் போட்டு புதிய ஒபாமா குடும்ப போட்டோ என்று பெயரிட்டிருந்தார். அந்த போட்டோவுக்கு 71,000 பேர் லைக் கொடுத்திருந்தனர், 11,000 பேர் கமென்ட் எழுதியிருந்தனர்.
தட்ஸ் தமிழ்

by சார்லஸ் mc Mon Dec 19, 2011 6:09 am

நல்ல பொறுப்புள்ள தந்தை. 18 வயது வரை மகள்கள் பேஸ்புக் பயன்படுத்த ஒபாமா தடா 224747944

by பது Mon Dec 19, 2011 9:55 am

நல்ல தந்தை

by ரேவதி Mon Dec 19, 2011 10:20 am

பொறுப்பான தந்தை மகிழ்ச்சி

by உதயசுதா Mon Dec 19, 2011 10:21 am

வரவேற்க வேண்டிய ஒன்று.
18 வயதுக்கு முன்பாக படிப்பு ஒன்றுதான் முக்கியமானதாக இருக்க வேண்டும்.

by **இளமாறன்** Mon Dec 19, 2011 12:11 pm

பெரியவர்களே பயப்படும் படி முகநூல் உள்ளது சோகம்

பாவம் குழைந்தகள்

by kitcha Mon Dec 19, 2011 12:17 pm

நமக்கு யார் என்றே தெரியாதவர்களிடம் நாம் ஏன் நம் குடும்ப விஷயங்களைத் தெரிவிக்க வேண்டும். அதனால் தான் எனது மகள்களை 18 வயதாகும் வரை பேஸ்புக்கை பயன்படுத்தக் கூடாது என்றேன்.

பதினெட்டு என்பது பக்குவமாக சிந்திக்கும் பருவம் என்று நினைக்கின்றனர்.அந்த வயதைக் கடந்த பின் எடுக்கப் படும் முடிவு சிறந்ததாக இருக்கும் என்ற நம்பிக்கை.பதினெட்டு வயதிற்கு பின் குடும்ப விஷயம் பற்றி மற்றவர்களிடம் பேசினால் அது தப்பாகாதா.

by **இளமாறன்** Mon Dec 19, 2011 12:18 pm

தந்தையின் கடைமை 18 வரை தானே அது தான் சொல்லி இருப்பார் சிரி

by kitcha Mon Dec 19, 2011 12:32 pm

இளமாறன் wrote:தந்தையின் கடைமை 18 வரை தானே அது தான் சொல்லி இருப்பார்

உண்மைதான் ஐரோப்பிய நாடுகளில், ஆணோ அல்லது பெண்ணோ பதினெட்டு வயதை கடந்துவிட்டால் அதற்குப் பின் எல்லாமே அவர்கள் இஸ்டம் தான். அவர்களை கட்டுப்படுத்தவோ அல்லது கட்டாயப் படுத்தவோ பெற்றோர்களுக்கு அதிகாரம் இல்லை