தீவிரவாதத்தை தூண்டுவதாக கூறி பகவத் கீதைக்குத் தடை?

by **இளமாறன்** Sun Dec 18, 2011 7:15 pm

First topic message reminder :

மாஸ்கோ : இந்துக்களின் புனித நூலாக கருதப்படும் பகவத் கீதை தீவிரவாதத்தை தூண்டுவதாக கூறி அதற்கு சட்டரீதியாக ரஷ்யாவில் தடை விதிக்கப்படும் அபாயம் உள்ளதாக தெரிகிறது. சைபீரியாவின் தோம்ஸ்க் நகரத்தின் அதிகாரிகள் பகவத் கீதையை தடை செய்ய கோரியுள்ள வழக்கில் இறுதி தீர்ப்பு வரும் திங்கள் அன்று வெளியாகும் என அறிவிக்கப்பட்டுள்ளது.

இந்திய பிரதமர் மன்மோகன் சிங் ரஷ்யா வருகை தந்து கூடங்குளம் அணு மின் நிலையம் உள்ளிட்ட பல்வேறு ஒப்பந்தங்களை கையெழுத்திட்டுள்ள நிலையில் இத்தீர்ப்பு வழங்கப்பட உள்ளது முக்கியத்துவம் பெறுகிறது.

கிருஷ்ணாவை நினைவு கூறுவதற்கான சர்வதேச குழு (ISKCON) எனும் அமைப்பின் நிறுவனரான பக்திவேதாந்த சுவாமி பிரபுதா என்பவர் ரஷ்ய மொழியில் மொழி பெயர்த்துள்ள பகவத் கீதையை தடை செய்ய கோரியே இவ்வழக்கு தொடரப்பட்டுள்ளது.

சமூகங்களுக்கு மத்தியில் பேதத்தையும் வேற்றுமையையும் ஏற்படுத்தும் தீவிர போக்கு கொண்ட பகவத் கீதையை தடை செய்ய வேண்டும் என்று அம்மனுவில் கோரப்பட்டுள்ளது. அது பிற மதங்கள் மேல் வெறுப்புணர்வு ஏற்படும் வகையில் தீவிரவாதத்தை தூண்டுவதாகவும் குற்றம் சாட்டப்பட்டுள்ளது.

இவ்விவகாரத்தில் இந்திய பிரதமர் மன்மோகன் சிங் தலையிட்டு பிரச்னையை தீர்த்து வைக்க வேண்டும் என்று மாஸ்கோவில் உள்ள 15,000 இந்தியர்கள் வாயிலாக கேட்டு கொண்டதாகவும் இஸ்கான் கூறியுள்ளது.

பகவத்கீதையை ஆய்வு செய்யுமாறு டோம்ஸ்க் மாநில பல்கலைகழகத்துக்கு நீதிமன்றம் உத்தரவிட்டதின் பேரில் அப்பல்கலைகழகம் ஒரு குழுவை அமைத்து ஆய்வு செய்து அவ்வறிக்கை நீதிமன்றத்தில் தாக்கல் செய்யப்பட்டுள்ளது.

இதற்கிடையில் பெயர் வெளியிட விரும்பா தூதரக அதிகாரிகள் ஏற்கனவே பிரதமர் உள்ளிட்ட உயர் மட்ட அளவில் இப்பிரச்னை ரஷ்ய அதிகாரிகளின் கவனத்திற்கு எடுத்து செல்லப்பட்டுள்ளதாகவும் இப்பிரச்னை குறித்து தாங்கள் கவனத்துடன் கண்காணித்து வருவதாகவும் கூறியுள்ளனர்.

இந்நேரம்.கொம்

by **கேசவன்** Wed Dec 21, 2011 9:58 am

by **ராஜா** Wed Dec 21, 2011 11:01 am

நல்ல காமடி இது , பகவத்கீதை தீவிரவாதத்தை தூண்டுகிறது என்று படிக்கும் போதே சிரிப்பு தான் வருகிறது.

by பாலாஜி Wed Dec 21, 2011 11:06 am

by **பிளேடு பக்கிரி** Wed Dec 21, 2011 11:38 am

ஒரே காமெடியா தான் இருக்கு... பகவத்கீதைல தீவிரவாதமா இதை கண்டுபிடிச்ச அந்த புத்திசாலி யாராப்பா என்ன கொடுமை சார் இது

by ரேவதி Wed Dec 21, 2011 11:53 am

இதை படிச்சிட்டு நல்லா சிரித்தேன்..ஒரே காமெடி பண்ணுறங்கைய

by **உமா** Wed Dec 21, 2011 11:57 am

எது நடந்ததோ, அது நன்றாகவே நடந்தது
எது நடக்கிறதோ, அது நன்றாகவே நடக்கிறது
எது நடக்க இருக்கிறதோ,
அதுவும் நன்றாகவே நடக்கும்
உன்னுடையதை எதை நீ இழந்தாய்?
எதற்காக நீ அழுகிறாய்?
எதை நீ கொண்டு வந்தாய் அதை நீ இழப்பதற்கு?
எதை நீ படைதிருந்தாய், அது வீணாவதற்கு ?
எதை நீ எடுத்து கொண்டாயோ,
அது இங்கிருந்தே எடுக்கப்பட்டது.
எதை கொடுத்தாயோ,
அது இங்கேயே கொடுக்கப்பட்டது.
எது இன்று உன்னுடையதோ
அது நாளை மற்றொருவருடையதாகிறது
மற்றொரு நாள், அது வேறொருவருடையதாகும்.

இதுக்கு பேர் தேவீரவாதாமா
மூடர்கள்.
முதலில் கீதையை படித்துவிட்டு பிறகு இதை சொல்லுங்கள்.

by ரேவதி Wed Dec 21, 2011 12:12 pm

உமா wrote:
எதை நீ எடுத்து கொண்டாயோ,
அது இங்கிருந்தே எடுக்கப்பட்டது.
.

இதை அவர்கள் தவறாக புரிந்து கொண்டார்கள் என்று நினைக்கிறேன் சிரி சிரி

by **பிளேடு பக்கிரி** Wed Dec 21, 2011 1:12 pm

ரேவதி wrote:
உமா wrote:
எதை நீ எடுத்து கொண்டாயோ,
அது இங்கிருந்தே எடுக்கப்பட்டது.
.
இதை அவர்கள் தவறாக புரிந்து கொண்டார்கள் என்று நினைக்கிறேன்

ஹா... ஹா... நல்லா சொன்ன... சிரி சிரி

by ARR Wed Dec 21, 2011 1:42 pm

இந்தியாவிலேயே அத்தனை பேரும் கீதை படிக்கிறாங்களான்னு தெரியல..

ரஷ்யாவில் தடை பண்ணினா என்ன கொள்ளை போகுது..

by ஹர்ஷித் Wed Dec 21, 2011 2:28 pm

கிருஷ்ணாவை நினைவு கூறுவதற்கான சர்வதேச குழு (ISKCON) எனும் அமைப்பின் நிறுவனரான பக்திவேதாந்த சுவாமி பிரபுதா என்பவர் ரஷ்ய மொழியில் மொழி பெயர்த்துள்ள பகவத் கீதையை தடை செய்ய கோரியே இவ்வழக்கு தொடரப்பட்டுள்ளது.

தடை செய்தால் லாஸ் அவங்களுக்கு,நாம என் வருத்தப்படனும். அதிர்ச்சி