பயிற்சி ஆட்டம்: விராட் கோக்லி சதம்: இந்தியா 269 ரன்னில் ஆல்அவுட்

**இளமாறன்** · **இளமாறன்** Wed Dec 21, 2011 2:03 am

கான்பெரா, டிச. 20-

இந்தியா- ஆஸ்திரேலியா சேர்மன் லெவன் அணிகள் மோதும் 3 நாள் பயிற்சி ஆட்டம் கான்பெராவில் நடைபெற்று வருகிறது.

முதலில் விளையாடிய இந்தியா நேற்றைய முதல் நாள் ஆட்ட நேர முடிவில் 4 விக்கெட் இழப்புக்கு 162 ரன் எடுத்து இருந்தது. விராட் கோக்லி 55 ரன்னிலும், ரோகித்சர்மா 38 ரன்னிலும் ஆட்டம் இழக்காமல் இருந்தனர்.

நேற்றைய ஆட்டம் மழையால் 2 மணி நேரம் பாதிக்கப்பட்டது. இன்று (செவ்வாய்கிழமை) 2-வது நாள் ஆட்டம் நடந்தது. கோலியும், ரோகித்சர்மாவும் தொடர்ந்து விளையாடினார்கள். ரோகித்சர்மா 47 ரன்னில் ஆட்டம் இழந்தார். அதை தொடர்ந்து ஒரு முனையில் விக்கெட்டுகள் சரிந்தன. டோனி 3 ரன்னிலும், அஸ்வின் 4 ரன்னிலும் ஆட்டம் இழந்தனர்.

ஆனால் மறுமுனையில் இருந்த விராட் கோக்லி மட்டும் மிகவும் அபாரமாக விளையாடி சதம் அடித்தார். இந்திய அணி 79.1 ஓவரில் 269 ரன் எடுத்து ஆல்அவுட் ஆனது. விராட் கோக்லி 171 பந்துகளில் 8 பவுண்டரி, 2 சிக்சருடன் 132 ரன்கள் எடுத்தார். 4-வது வீரராக களம் இறங்கிய அவர் 8-வது விக்கெட்டாக ஆட்டம் இழந்தார்.

ஆஸ்திரேலிய சேர்மன் லெவன் தரப்பில் ஹோலண்டு 70 ரன் கொடுத்து 6 விக்கெட்டும், ஜார்ஜ் 3 விக்கெட்டும் கைப்பற்றினார்கள்.

பின்னர் முதல் இன்னிங்சை ஆஸ்திரேலிய சேர்மன் லெவன் விளையாடியது. கேப்டனும், தொடக்க வீரருமான வார்னர் 2 ரன்னில் மிதுன் பந்தில் போல்டு ஆனார். 2-வது விக்கெட்டான எட்சுவான்-குவாஜா ஜோடி பொறுப்புடன் ஆடியது.

மாலைமலர்