மார்கழியும் அழிந்துவிடுமா ?

by **ayyamperumal** Fri Dec 16, 2011 5:10 pm

[You must be registered and logged in to see this image.]

மார்கழி மாதம் என்றால் எனக்கு அம்மா போடும் கோலம் தான் நினைவில் நிற்கும். பொங்க சோறு கூட அடுத்ததுதான்.
இம்மாதத்தில் வாசலில் பூசனி பூ கோலம் போடுவார்கள். என்பது எல்லோருக்கும் தெரியும். இன்று அந்த பூசணி பூ அரிதாகிவிட்டது என்று யாருக்கேனும் தெரியுமா ?

எங்கள் தோட்டத்தில் மஞ்சளுக்கு மத்தியில் ஊடுபயிராய் ஆமணக்கு , துவரை , பூசணி , பீர்க்கங்கி போன்ற பயிர்களை பயிர் செய்திருப்பார்கள். கூடவே அவரையினத்தின் இன்னொரு வகையினையும் பயிர் செய்திருப்பார்கள். இன்று அந்த காய் அழிந்துவிட்டது. நகர வாசிகள் பார்த்திருக்கவே மாட்டார்கள். அதன் பெயர் கூட எனக்கு மறந்துவிட்டது.
டம்டம் காய் என்று சிறுவயதில் கூறுவோம். நாம் நமது வழி தடங்களையும் , பாரம்பரியத்தையும் சிறிது சிரித்தாய் இழந்துவருகிறோம். நினைக்கவே வேதனையாய் இருக்கிறது.

இப்போதெல்லாம் அதிகாலையில் ஆண்டாள் பாசுரங்கள் கேட்கிறது. ஆனால் மார்கழி மாதத்தில் அதிகாலை துயில் எழும் ஆண்களும் பெண்களும் மிக குறைவுதான். எனது பள்ளி காலத்தில் ஒரு திருவிழா கூட்டம் போல கோவிலுக்கு செல்வோம். இப்போதெல்லாம் 20 பேர் கூட வருவது சிரமம்தான்

[You must be registered and logged in to see this image.]

அழிந்து போக காத்திற்கும் இந்த பூசணி பூ போல, மார்கழியும் அழிந்துவிடுமோ என்று அச்சமாய் இருக்கிறது

by **உமா** Fri Dec 16, 2011 5:48 pm

நான் பூக்கோலம் போடுவேன் , அரிசி மாக்கோலம் போடுவேன்.
காலையிலே எழுந்து கோலம் போடுவது ஒரு தனி சிறப்பு.
ஆனால் நீ சொல்வது போல அதுவும் அழிந்து விடும் போல. சோகம்

by **சிவா** Fri Dec 16, 2011 6:10 pm

70 சதவீதம் அழிந்துவிட்டது என்றே கூறலாம். என் சிறு வயதில் எங்கள் வீட்டில் நான் தான் கோலமிடுவேன்.

காலையில் சாணம் தெளித்து வாசலில் கோலமிடுவது என் வேலை. சிரி

by சதாசிவம் Fri Dec 16, 2011 6:16 pm

காலச் சுழச்சியில் இது போல் இழப்புகளும், கையருகில் வேற்று கிரக வாசியுடனும் பேசும் வசதி நிறைந்த வரவுகளும் வந்து போயி கொண்டுத் தான் இருக்கிறது.

காலம் என்பது கறங்குபோல் சுழன்று
மேலது கீழாய் கீழது மேலாய்
மாற்றும் தண்மை என்பது மறந்தனை ....என்று பள்ளியில் படித்த ஞாபகம். உங்களின் வருத்தம் எனக்குப் புரிகிறது அய்யம் பெருமாள். ஆனால் எதுவும் அழியாது என்பது என் கருத்து. மீண்டும் முளைக்கும். நம்புவோமாக, மகிழ்ச்சி

by **கோவிந்தராஜ்** Fri Dec 16, 2011 10:31 pm

வறுத்தமான உண்மை ! சூப்பருங்க

by மகா பிரபு Sat Dec 17, 2011 8:33 am

கிராமங்களில் இது இன்னும் நடைமுறையில் தான் உள்ளது. ஆனால் அது ஒரு சில மாற்றங்களை பெற்று கொண்டிருந்தாலும் முற்றிலும் அழிந்துவிடாது என்பதே என் கருத்து.

by ரேவதி Sat Dec 17, 2011 10:30 am

நகரத்தில் இருப்பவர்கள் சிலர் இன்னும் இதெல்லாம் மறக்கவில்லை...இன்னும் காலையில் எழுந்து கோலம் போடுகின்றனர்..இதெல்லாம் கொஞ்சம் அழிவது போல் காணப்பட்டாலும் முழுவதும் அழியாது

by பேகன் Sat Dec 17, 2011 10:33 am

ரேவதி wrote:நகரத்தில் இருப்பவர்கள் சிலர் இன்னும் இதெல்லாம் மறக்கவில்லை...இன்னும் காலையில் எழுந்து கோலம் போடுகின்றனர்..இதெல்லாம் கொஞ்சம் அழிவது போல் காணப்பட்டாலும் முழுவதும் அழியாது

நீங்கள் காலையில் எழுந்து கோலம் போடுகிறர்??

by ரேவதி Sat Dec 17, 2011 10:42 am

விஜயகுமார் wrote:
ரேவதி wrote:நகரத்தில் இருப்பவர்கள் சிலர் இன்னும் இதெல்லாம் மறக்கவில்லை...இன்னும் காலையில் எழுந்து கோலம் போடுகின்றனர்..இதெல்லாம் கொஞ்சம் அழிவது போல் காணப்பட்டாலும் முழுவதும் அழியாது

நீங்கள் காலையில் எழுந்து கோலம் போடுகிறர்??

போடுவேன்