ஊழல், குற்ற வழக்கில் சிக்கினால் எம்.பி பதவியை பறிக்கும் மசோதா

லண்டன் : ஊழல் உட்பட குற்றச்சாட்டுகளில் சிக்கும் எம்.பி.க்களை திரும்ப அழைக்கும் மசோதா, இங்கிலாந்து நாடாளுமன்றத்தில் நேற்று தாக்கல் செய்யப்பட்டது. இங்கிலாந்து அரசியல் சட்டப்படி 12 மாதங்களுக்கு மேல் சிறை தண்டனை பெற்ற எம்.பி.க்கள் பதவியிழக்க நேரிடும். எனினும், மேலும் அரசியல் சீர்திருத்தம் செய்ய அந்நாட்டு அரசு முடிவு செய்தது.

அதன்படி, 12 மாதங்களுக்கு குறைவாக சிறை தண்டனை பெறுவது உட்பட சிலவற்றின் அடிப்படையில் எம்.பி. பதவியை பறிக்கும் வகையில் புதிய மசோதா, நாடாளுமன்றத்தில் நேற்று தாக்கல் செய்யப்பட்டுள்ளது. இதுபற்றி லண்டனில் இங்கிலாந்து அரசியல் மற்றும் அரசியல் சட்ட சீர்திருத்தத் துறை அமைச்சர் மார்க் ஹார்ப்பர் கூறியதாவது:
இது அரசின் சீர்திருத்த திட்டங்களில் முக்கியமானது. நமது அரசியல் நடைமுறையில் மக்களுக்கு நம்பிக்கையை அதிகரிப்பதுடன் பொது வாழ்வில் ஒழுக்கத்தை நிலைநாட்ட உதவும்.

தொடர்ந்து தவறான செயல்களில் ஈடுபடும் எம்.பி., அவரது பதவியை இடையிலேயே இழக்க நேரிடும். குற்றம்சாட்டப்பட்டவர் பதவியில் நீடிக்கலாமா என்பதை அவர் பெறும் தண்டனை மட்டுமின்றி தொகுதி மக்கள், நாடாளுமன்ற உறுப்பினர்களும் முடிவு செய்ய இந்த மசோதாவில் வழி செய்யப்பட்டுள்ளது.

இது சட்டமாவதற்கு முன்பாக மக்களின் கருத்தை அறிய வெளியிடப்பட்டுள்ளது. 12 அல்லது அதற்கு குறைந்த மாதங்கள் சிறை தண்டனை விதிக்கப்பட்டால் எம்.பி. பதவி இழக்க நேரிடும் அல்லது எம்.பி.க்கள் எதிர் ஓட்டு போட்டு பதவி நீக்கலாம். 3வது வழியாக தொகுதி மக்களின் கருத்துக்கு 2 மாத காலம் விடப்பட்டு அதன் முடிவுப்படி நடவடிக்கை எடுக்கப்படும். இவ்வாறு மார்க் ஹார்ப்பர் தெரிவித்தார். இங்கிலாந்து நாடாளுமன்ற நடைமுறையை பின்பற்றியே இந்தியா செயல்படுவது குறிப்பிடத்தக்கது.

தினகரன்

இந்தியாவில் இது நடைமுறையில் இருப்பதபொல தொியவில்லையே.

எம்.பி -க்களுக்கு என்ன வேலை? அவா்கள் என்னனென்ன கடமைகளை ஆற்றுவாா்கள்?