அதிக உப்பு அதிக ஆபத்து!

தாமு · தாமு Mon Sep 28, 2009 7:33 am

`உப்பு இல்லா பண்டம் குப்பையிலே' என்பது பழமொழி. எந்த உணவாக இருந்தாலும் அங்கே உப்புக்கு கொஞ்சம் இடம் இல்லை என்றால் அந்த உணவுக்கு சுவையே இருக்காது. அதேநேரம், நாம் உணவில் போடக்கூடிய உப்பின் அளவு அதிகரித்துவிட்டால், அது ஆபத்தில் போய்தான் முடியும் என்று எச்சரிக்கிறார்கள் அமெரிக்க மருத்துவ நிபுணர்கள்.

அவர்கள் இதுதொடர்பாக ஒரு ஆய்வையும் மேற்கொண்டார்கள். ஆய்வின் முடிவில், அதிக உப்பு கொண்ட உணவு பொருட்களை தவிர்ப்பது நல்லது என்பது உறுதி செய்யப்பட்டது.

உயர் ரத்த அழுத்த பாதிப்பால் அவதிப்படுபவர்கள் ஒரு லட்சம்பேரை எடுத்துக்கொண்டால், அவர்களில் 30 சதவீதம்பேர் அதிக உப்பு கொண்ட உணவை சாப்பிட்டதன் காரணமாகவே அத்தகைய பாதிப்புக்கு ஆளாகி இருக்கிறார்கள் என்பதும் இந்த ஆய்வின் மூலம் தெரிய வந்துள்ளது.

தென் அமெரிக்காவில் வாழும் இந்தியர்கள் உணவு வகைகளில் உப்பை குறைவான அளவே சேர்த்துக்கொள்வதால் அவர்களுக்கு உயர் ரத்த அழுத்த பாதிப்பு ஏற்படவில்லை என்பதும் அப்போது கண்டறியப்பட்டது.

ஆனால், வளர்ந்த நாடான ஜப்பான் நாட்டு மக்கள் உணவில் உப்பை அதிகமாக சேர்த்துக் கொள்கிறார்களாம். அதாவது, ஒரு ஜப்பானியர் ஒரு நாளைக்கு 15 கிராம் உப்பை எடுத்துக்கொள்கிறாராம்.

இதனால் அங்குள்ளவர்கள் வலிப்பு நோய் தாக்குதலுக்கு அதிகம் ஆளாகுகிறார்களாம். இந்த தகவலும் மேற்படி ஆய்வின் மூலம் தெரிய வந்துள்ளது. இதுபற்றி ஆய்வை மேற்கொண்டவர்கள் கூறும்போது, `நாள் ஒன்றுக்கு சுறுசுறுப்பான இளம் வயதினர் 2.8 கிராம் உப்பும், வயதானவர்கள் 2.2 கிராம் உப்பும் உணவில் சேர்த்துக்கொள்ளலாம். இது தான் சரியான அளவு. இந்த அளவு அதிகரித்தால் பாதிப்பு ஏற்பட வாய்ப்புகள் நிறைய உள்ளன' என்று குறிப்பிட்டனர்.

ஸோ... உப்பை அளவோடு பயன்படுத்துங்கள். சரியா..?

அதிக உப்பு அதிக ஆபத்து!

அதிக உப்பு அதிக ஆபத்து!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக