ஈரோட்டில் ஜோஸ் ஆலுக்காஸ், கல்யாண் ஜூவல்லர்ஸ் மீது தாக்குதல்

**இளமாறன்** · **இளமாறன்** Thu Dec 15, 2011 12:03 pm

ஈரோடு: முல்லைப் பெரியாறு அணை பிரச்சனை காரணமாக ஈரோட்டில் உள்ள ஜோஸ் ஆலுக்காஸ், கல்யாண் ஜூவல்லர்ஸ் உள்ளிட்ட மலையாளிகளின் கடைகள் அடித்து நொறுக்கப்பட்டன. இதில் கடைகளின் கண்ணாடிகள், விளம்பரப் பலகைகள் சேதமடைந்தன.

முல்லைப் பெரியாறு அணை பிரச்சனை காரணமான தமிழகம் மற்றும் கேரளா இடையேயான உறவு பாதிக்கப்பட்டுள்ளது. தமிழகத்தில் மலையாளிகளின் கடைகள், வீடுகள் அடித்து நொறுக்கப்பட்டு வருகின்றன. இதே போன்று கேரளாவில் தமிழர்கள் மற்றும் அவர்களின் உடைமைகள் தாக்கப்பட்டு வருகின்றன. இதையடுத்து கேரளாவில் தங்கி எஸ்டேட்களில் வேலை பார்க்கும் தமிழ்க் குடும்பங்கள் உயிருக்கு பயந்து இரவோடு இரவாக தமிழகத்திற்கு தப்பியோடி வருகின்றனர்.

இந்நிலையில் ஈரோடு மாவட்டத்தில் உள்ள மலையாளிகளின் கடைகள் அடித்து நொறுக்கப்பட்டுள்ளன. அதில் பிரபல தங்க நகை கடைகளான ஜோஸ் ஆலுக்காஸ் மற்றும் கல்யாண் ஜூவல்லர்ஸும் அடக்கம். ஆர்.கே.வி. சாலையில் உள்ள மார்க்கெட் வியாபாரிகள் மலையாளிகளின் கடைகளை அடித்து நொறுக்கினர். இதில் கடைகளின் கண்ணாடிகள், விளம்பரப் பலகைகள் ஆகியவை சேதமடைந்தன.

முல்லைப் பெரியாறு அணையின் நீர்மட்டத்தை உயர்த்தக் கோரிய கேரள அரசின் மனு தள்ளுபடி செய்யப்பட்டதையடுத்து கேரளாவில் தமிழர்கள் தாக்கப்படுவது அதிகரித்துள்ளது என்பது குறிப்பிடத்தக்கது.

ஆலுக்காஸ் முன்பு ஆர்ப்பாட்டம்- த.தே.பொ.கவினருக்கு ஜாமீன்:

இதற்கிடையே சென்னையில் உள்ள ஜோஸ் ஆலுக்காஸ் கடை முன்பு ஆர்ப்பாட்டம் நடத்தியதற்காக கைது செய்யப்பட்ட தமிழ்த் தேசப் பொதுவுடைமைக் கட்சியினர் 6 பேர் நிபந்தனை
ஜாமீனில் விடுதலை செய்யப்பட்டனர்.

இது குறித்து அக்கட்சி வெளியிட்டுள்ள அறிக்கையில் கூறியிருப்பதாவது,

முல்லைப் பெரியாறு அணை உரிமை மீட்பில், மலையாளிகளை வெளியேறக்கோரி சென்னையில் உள்ள ஜோஸ் ஆலுக்காஸ் நகை மாளிகை முன்பு க.அருணபாரதி தலைமையில் ஆர்ப்பாட்டம் நடத்தியதற்காக சிறையில் அடைக்கப்பட்ட தமிழ்த் தேசப் பொதுவுடைமைக் கட்சியினர் 6 பேர் மீது 9.12.2011 அன்று புதிதாக ஒரு வழக்குப் போட்டு சிறையிலிருந்து அவர்களை சைதாப்பேட்டை நீதிமன்றத்திற்குக் கொண்டு வந்து சிறைக்காவல் ஆணை பெற்றனர்.

சைதாப்பேட்டையில் உள்ள ஒரு மலையாளிக் கடையை அதே 7.12.2011 அன்று மேற்கண்ட 6 பேரும் தாக்கிச் சூறையாடியதாகவும், அக்கடைச் சொத்துக்களுக்குச் சேதம் விளைவித்ததாகவும், அடித்துக்காயம் உண்டாக்கியதாகவும் கொலை மிரட்டல் விடுத்ததாகவும் முதல் தகவல் அறிக்கையில் குற்றம் சாட்டி, மீண்டும் சிறையில் அடைத்தனர்.

சைதாப்பேட்டைக் காவல் நிலையத்தில் போட்டுள்ள இவ்வழக்கு முழுக்கப் பொய்யானது, வேண்டுமென்றே காவல்துறையினரால் புனையப்பட்டது என்று ழக்கறிஞர் சேசுபாலன்ராஜா தலைமையினான வழக்கறிஞர் குழு 14.12.2012 எழும்பூர் நீதிமன்றத்திலும், சைதை நீதிமன்றத்திலும் வாதிட்டது.

இதன் அடிப்படையில் தமிழ்த் தேசப் பொதுவுடைமைக் கட்சியினர் நிபந்தனை ஜாமீனில் விடுதலை செய்யப்பட்டுள்ளனர்.

தட்ஸ் தமிழ்

**உமா** · **உமா** Thu Dec 15, 2011 3:07 pm

எப்போது தான் தீருமோ. சோகம்

**பிஜிராமன்** · **பிஜிராமன்** Thu Dec 15, 2011 3:16 pm

உமா wrote: எப்போது தான் தீருமோ.

இந்த பிரச்சினை கொஞ்சம் தீருவது கடினம் தான் அக்கா, காரணம்,

எனது வகுப்பில், கேரளத்தை சேர்ந்த பெண்கள் படித்து கொண்டிருக்கின்றனர். நான் அவர்களிடம், பெரியாறு அணை விவாகரத்தைப் பற்றி பேசினேன். அவர்கள், விட்டுக் கொடுப்பாதக பேசவே இல்லை, நானும் விடாது, அதன் விளைவையும், நீதிபதிகள் வழங்கிய தீர்ப்புகள் பற்றியும் கூறினேன். ஆனால், அவர்கள் பதில், முடியாது.

அந்த பெண்கள் என்ன கூறினார்கள் என்றால். அணை இடிந்தால் எத்தனை பேர் இறப்பார்கள், கொஞ்சமாவது, மனிதத் தன்மையுடன் சிந்தியுங்கள் என்று கூறினாள் ஒரு பெண். நான் கூறினேன், அந்த அணையின் நீரை நம்பி 80 லட்சம் மக்கள் இருக்கின்றனர். நீங்கள் அணையை உடைக்க நினைப்பதும், புதிய அணை கட்ட நினைப்பதும், மின்சாரம் தயாரிக்கவே அன்றி, நீர் தருவதற்கு அல்ல.

அவள் கூறினாள், நாங்கள் நிச்சயம் தருவோம். எங்கள் குறிக்கோள், மக்களைக் காப்பது தான். என்றாள்

அது தான், பல ஆராய்ச்சியாளர்க அணையை ஆராய்ந்து பாதிப்பு ஒன்றும் வராதே என்று கூறியுள்ளனரே என்றேன்.

அதெல்லாம் சும்மா என்று சொல்ல வகுப்பு தொடங்கியது........

இதிலிருந்து, என்ன தெரிகிறது என்றால், அவர்கள் வியாக்கியானமாக இருக்கிறார்கள் என்று.

**Dr.சுந்தரராஜ் தயாளன்** · 03/09/2011

இவ்வளவு நாள் கர்நாடகம் தமிழர்கள் என்று தகராறு இருக்கிறது. இப்போ இது வேறு புதியதாக. சோகம்

**ஜாஹீதாபானு** · **ஜாஹீதாபானு** Thu Dec 15, 2011 3:40 pm

**உமா** · **உமா** Thu Dec 15, 2011 3:57 pm

ஆமாம் ராமன். என்ன சொல்வதோ.
இதை பற்றி நாம் இங்கு பேசு ஆரமித்தோம் என்றால் நமக்குள்ளே கருத்து வேறுபாடுகள் தோன்றும்.
நாமாவது மொழியை இனத்தை மறந்து இருப்போம்..ஒற்றுமையாக இணைவோம். :silent:

**பிஜிராமன்** · **பிஜிராமன்** Thu Dec 15, 2011 4:07 pm

உமா wrote:ஆமாம் ராமன். என்ன சொல்வதோ.
இதை பற்றி நாம் இங்கு பேசு ஆரமித்தோம் என்றால் நமக்குள்ளே கருத்து வேறுபாடுகள் தோன்றும்.
நாமாவது மொழியை இனத்தை மறந்து இருப்போம்..ஒற்றுமையாக இணைவோம். :silent:

நீங்கள் சொல்வது உண்மை தான்........ஆனால், எங்கள் விவாதம், கடுமையாக எல்லாம் இல்லை, நட்பாய் தான் பேசினோம்..... கன்னத்தில் அறை