சென்னையில் ஒரு கோடி மொபைல் இணைப்ப

by R.SAKTHIVEL Mon Sep 28, 2009 7:05 am

ஒரு கோடிக்கு மேல் மொபைல் போன் இணைப்பு பெற்ற நகரங்களின் வரிசையில் சென்னை சேர்ந்துள்ளது. இவ்வகையில் டில்லி 2.4 கோடி இணைப்புகளையும், மும்பை 2.08 இணைப்புகளையும் கொண்டு, முறையே முதல் மற்றும் இரண்டாவது இடங்களைக் கொண்டுள்ளன. ஆனால் சென்னையின் மக்கள் தொகையினைக் கணக்கிடுகையில் இங்குதான் அதிக எண்ணிக்கையில் இணைப்புகள் தரப்பட்டுள்ளன. நூறு பேருக்கு 131 இணைப்புகள் என்ற வகையில் சென்னை 131% தொலை தொடர்பு இணைப்பினைக் கொண்டுள்ளது. ஜூலை இறுதியில் சென்னையில் மொபைல் இணைப்பு கொண்டிருந்தவர்களின் எண்ணிக்கை 99,99,553 ஆக இருந்தது. ஆகஸ்ட் முதல் வாரத்திலேயே இந்த எண்ணிக்கை ஒரு கோடியைத் தாண்டி, தற்போது மேலும் உயர்ந்து வருகிறது. ஏறத்தாழ 70 லட்சம் என்ற அளவில் ஜனத்தொகையுடன் 1,200 சதுர கிமீ பரப்பளவில் உள்ள சென்னை இவ்வகையில் தொலை தொடர்பு நிறுவனங்களுக்குப் பெரியதொரு சந்தையினை அளித்து வருகிறது. தற்போது ஏழு நிறுவனங்கள் இங்கு மொபைல் சேவையினை வழங்கி வருகின்றன. விரைவில் இன்னொரு நிறுவனமும் இந்த பட்டியலில் சேர உள்ளது.