2-வது ஆண்டாக அதிக ரன் குவிப்பு: விராட் கோலி சாதனை

மகா பிரபு · மகா பிரபு Tue Dec 13, 2011 7:32 am

ஒரு நாள் கிரிக்கெட் போட்டிகளில் தொடர்ந்து 2-வது ஆண்டாக அதிக ரன்களைக் குவித்து சாதனை படைத்துள்ளார் இந்திய வீரர் விராட் கோலி.
* இந்த ஆண்டில் மொத்தம் 34 ஆட்டங்களில் விளையாடி 1,381 ரன்கள் குவித்துள்ளார். சராசரி 47.62. இதில் 4 சதங்கள், 8 அரை சதங்கள் அடங்கும்.
* கடந்த ஆண்டில் அவர் 25 ஆட்டங்களில் விளையாடி 995 ரன்கள் குவித்தார். சராசரி 47.38. தொடர்ந்து 2-வது ஆண்டாக ஒரு நாள் போட்டிகளில் அதிக அளவு ரன் குவித்த வீரர் என்ற பெருமையை விராட் கோலி பெற்றுள்ளார்.
* 2010-ம் ஆண்டு ஜனவரி முதல் இதுவரை அவர் 2,376 ரன்களைக் குவித்துள்ளார். சராசரி 47.52. இதில் 7 சதங்கள் அடங்கும்.
* மேற்கிந்தியத் தீவுகளுக்கு எதிராக அவர் 12 ஆட்டங்களில் விளையாடி 580 ரன்களைச் சேர்த்துள்ளார். இதில் ஒரு சதம், 5 அரை சதங்கள் அடங்கும்.
* சென்னையில் நடைபெற்ற கடைசி ஆட்டத்தில் மேற்கிந்தியத் தீவு வீரர் லெண்டில் சிம்மன்ஸ் டக்-அவுட்டானார். ஒரு நாள் போட்டிகளில் அவர் 6-வது முறையாக டக்-அவுட்டாகியுள்ளார். அதுமட்டுமல்லாமல் ஆட்டத்தின் முதல் பந்திலேயே அவர் ஆட்டமிழந்தது இதுவே முதல்முறை.
* இந்திய, மேற்கிந்தியத் தீவுகள் அணிகளிடையிலான ஒரு நாள் தொடரில் ரோஹித் சர்மா 305 ரன்களும், வீரேந்திர சேவாக் 265 ரன்களும், விராட் கோலி 243 ரன்களும் எடுத்தனர்.
* கெய்ரன் போலார்ட் 119 ரன்கள் எடுத்தார். ஒருநாள் போட்டிகளில் இது அவரது கன்னி சதமாகும்.
* மேலும் ஒரு நாள் போட்டிகளில் 1,000 ரன்களையும் போலார்ட் கடந்துள்ளார்.
* முதல்முறையாக ஒரு நாள் போட்டிகளில் 10 சிக்ஸர்களை அடித்துள்ளார் போலார்ட். இதற்கு முன்னதாக 2011-ல் அயர்லாந்துக்கு எதிராக அவர் அதிகபட்சமாக 5 சிக்ஸர்களை மட்டுமே அடித்திருந்தார்.
* இந்திய வீரர் மனோஜ் திவாரி, ஒரு நாள் போட்டிகளில் தனது அதிகபட்ச ஸ்கோரை பதிவு செய்தார் (104-காயமடைந்து ஓய்வு).
* ஒருநாள் போட்டிகளில் அவர் பெறும் முதலாவது ஆட்டநாயகன் விருதாகும் இது.
* விராட் கோலி ஒரு நாள் போட்டிகளில் தனது 18-வது அரை சதத்தைப் பூர்த்தி செய்தார்.
* கேப்டனாக தனது 6-வது வெற்றியைப் பதிவு செய்துள்ளார் கம்பீர். கம்பீர் தான் கேப்டனாகப் பொறுப்பேற்ற 6 போட்டிகளில் இந்தியாவுக்கு வெற்றி தேடித் தந்துள்ளார்.
* கேப்டனாக பொறுப்பேற்று அவர் விளையாடியுள்ள 6 ஆட்டங்களில் அவர் 360 ரன்களைச் சேர்த்துள்ளார். சராசரி 90. இதில் 2 சதங்கள் அடங்கும்.
* ஒருநாள் போட்டிகளில் இந்திய ஆடுகளங்களில் 2 ஆயிரம் ரன்களைக் குவித்த வீரர்கள் பட்டியலில் கம்பீரும் சேர்ந்தார்.
சச்சின் (6,976), ராகுல் திராவிட் (3,406), கங்குலி (3,230), அசாருதீன் (3,163), யுவராஜ் சிங் (3,019), வீரேந்திர சேவாக் (3,010), தோனி (2,833), சித்து (2,159), அஜய் ஜடேஜா (2,129) ஆகியோர் இந்திய ஆடுகளங்ளில் 2 ஆயிரத்துக்கும் மேல் ரன் குவித்த மற்ற இந்திய வீரர்கள் ஆவர்.
* 2-வது முறையாக தொடர்நாயகன் விருதைப் பெற்றுள்ளார் ரோஹித் சர்மா.
* இந்தத் தொடரில் இந்தியாவின் சார்பில் ரவீந்திர ஜடேஜாவும் (9 விக்கெட்டுகள்), மேற்கிந்தியத் தீவுகள் அணி சார்பில் கெமார் ரோச்சும் (9 விக்கெட்டுகள்) அதிக விக்கெட்டுகளைக் கைப்பற்றினர்.

dinamani :வணக்கம்: