உப்பால் உலகின் பெரிய வரைபடம் வரைந்து சாதனை

**இளமாறன்** · **இளமாறன்** Mon Dec 12, 2011 1:32 am

வேலூர்: "எலைட்' உலக சாதனைக்காக உப்பை வைத்து பெரிய வரைபடம் வரைந்து வேலூர் காட்பாடி பெண் சாதனை படைத்துள்ளார்.கோவையை மையமாகக் கொண்டு செயல்படும், "எலைட்' உலக சாதனை என்ற நிறுவனம் சார்பில் உப்பை வைத்து உலகின் பெரிய அளவு வரைபடம் வரைந்து சாதனை செய்யும் நிகழ்ச்சி வேலூர் அடுத்த காட்பாடியில் நடந்தது.

வேலூரை சேர்ந்த சதீஷ் என்ற தொழில் அதிபர் மனைவி சரிதா, இந்த சாதனையை காலை, 7. 30 மணிக்கு துவங்கி மாலை, 5.30 மணிக்கு முடித்தார். 9 மணி நேரத்தில் இவர் இந்த சாதனையை செய்தார்.இதற்காக, 7 மீ., நீளம், 12 மீ., அகலம் கொண்ட ஒன்றரை இன்ச்க்கு, 84 சதுர மீட்டர் கொண்ட உப்பால் மாபெரும் ஓவிய தாளில் உலக உருண்டை கொழுந்து விட்டு எரிவது போல வரைபடம் வரைந்தார்.இதற்காக, 2,000 கிலோ எடை கொண்ட, 100 மூட்டை கல் உப்பு, 40 கிலோ கலர் உப்பை பயன்படுத்தினார். ஏழு கலர்களில் படம் வரைந்துள்ளார். இவர் இதை செய்யும் போது யாரிடமும் பேசக் கூடாது. மூன்று மணி நேரத்துக்கு ஒரு முறை, 15 நிமிடம் ஓய்வு எடுத்து கொள்ளலாம். கிளவுசை கையில் அணிந்து கொண்டு வரைய கூடாது மற்றும் இவர் வரையும் படம் பொது மக்களிடம் ஒரு இமேஜை ஏற்படுத்த வேண்டும் என்ற விதிமுறைகள் படி சரிதா இந்த படத்தை வரைந்துள்ளார். இந்த பூவுலகை வெப்பமயமாதலில் இருந்து தடுக்க வேண்டும் என்கின்ற உணர்வு நம் வருங்கால சந்ததிகளுக்கு ஏற்படுத்த வேண்டும் என்ற நோக்கில் இந்த படத்தை வரைந்துள்ளார்.உலக சாதனை செய்த சரிதா ஆந்திர மாநிலம் கர்நூல் சொந்த ஊர். பி காம் பட்டதாரியான இவர் இந்த சாதனை செய்ய சிறப்பு பயிற்சிகள் பெற்றுள்ளார்.

இது குறித்து "எலைட்' உலக சாதனை நிறுவனத்தின் நிறுவனர் பிரதீப் குமார் கூறுகையில்,""எலைட்' உலக சாதனை நிறுவனத்தின் மூலம் கடந்த 3 ஆண்டுகளில் 10 ஆயிரத்து, 800 சாதனையாளர்கள் உலகுக்கு அறிமுகப்படுத்தப்பட்டுள்ளதாகவும், 96 நாடுகளில், 11 உலக சாதனைகள் செய்யப்பட்டுள்ளது,'' என, கூறினார்.

பின்னர், "எலைட்' உலக சாதனை செய்த சரிதாவுக்கு சான்றிதழை, "எலைட்' நிறுவன நிறுவனர் பிரதீப் குமார் வழங்கினார். வேலூர் அரசு மருத்துவக் கல்லூரி மருத்துவமனை சீனியர் உதவி விரிவுரையாளர் டாக்டர் கோமதி. சமையல் கலை வல்லுனர் மல்லிகா பத்திரி நாத், கலெக்டர் நாகராஜன் மனைவி லாவண்யா, சி.எம்.சி., தலைமை மருத்துவர் டாக்டர் நிகால் தாமஸ் உட்பட பலர் கலந்து கொண்டனர்.

தினமலர்

சார்லஸ் mc · சார்லஸ் mc Mon Dec 12, 2011 8:44 am

உப்பு வியாபாாிகளுக்கு நல்ல வியாபாரம். மீடியாவிற்கு கிடைத்த நல்ல விளம்பரம். மற்றபடி சொல்லிக் கொள்ள இதில் எதுவும் இல்லை.

**Dr.சுந்தரராஜ் தயாளன்** · 03/09/2011

சார்லஸ் mc wrote:உப்பு வியாபாாிகளுக்கு நல்ல வியாபாரம். மீடியாவிற்கு கிடைத்த நல்ல விளம்பரம். மற்றபடி சொல்லிக் கொள்ள இதில் எதுவும் இல்லை.

நன்றி இளமாறன் அவர்களே...சார்லஸ் தம்பி நீங்க சொல்வதும் ஒருவகையில் சரிதான். மகிழ்ச்சி

jesudoss · jesudoss Wed Dec 14, 2011 1:11 am

Uploaded with ImageShack.us
கல் உப்பை பயன்படுத்தி 84 சதுர மீட்டர் பரப்பளவில் 7 வண்ணங்களில் மிகப் பெரிய ஓவியம் தீட்டி இந்தியாவில் வேலூர் மாவட்டத்தைச் சேர்ந்த பெண் சரிதா சதீஷ் சாதனை படைத்துள்ளார்.
உலக வெப்பமயமாதல் பற்றிய விழிப்புணர்வை ஏற்படுத்தும் வகையில் வரையப்பட்ட இந்த ஓவியம் எலைட் உலக சாதனை புத்தகத்தில் இடம்பெறவுள்ளது.

வேலூரை சேர்ந்த இவர் படிக்கும் போதே ஓவியப் போட்டிகளில் பங்கேற்று பல பரிசுகளை பெற்றவர்.

7 மீற்றர் அகலமும், 12 மீற்றர் உயரமும் கொண்ட 84 சதுர மீற்றர் பரப்பளவில் 9 மணி நேரத்தில் மிகப் பெரிய ஓவியம் வரைவதற்கு கோவையில் உள்ள எலைட் நிறுவனத்திற்கு தொடர்பு கொண்டு அனுமதி பெற்றார்.

3 மணி நேரத்துக்கு 15 நிமிடம் ஓய்வு என்ற நிபந்தனையுடன் இரு முறை மட்டும் ஓய்வு எடுத்துக் கொண்ட அவர் 8 மணி 15 நிமிடங்களில் தனது சாதனையை நிறைவு செய்தார்.

இதையடுத்து எலைட் உலக சாதனையில் உப்பினால் உலகில் மிகப் பெரிய ஓவியம் படைத்தமைக்கான சான்றிதழ் வழங்கப்பட்டது.

manithan

Sponsored content · Sponsored content

உப்பால் உலகின் பெரிய வரைபடம் வரைந்து சாதனை

உப்பால் உலகின் பெரிய வரைபடம் வரைந்து சாதனை

Re: உப்பால் உலகின் பெரிய வரைபடம் வரைந்து சாதனை

Re: உப்பால் உலகின் பெரிய வரைபடம் வரைந்து சாதனை

உப்பினால் உலகில் மிகப் பெரிய ஓவியம் படைத்த பெண்

Re: உப்பால் உலகின் பெரிய வரைபடம் வரைந்து சாதனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக