புதிய திரைப்படங்களுக்கு சவால் விடும் திருட்டு வி.சி.டி. டாட் காம்

**இளமாறன்** · **இளமாறன்** Tue Dec 13, 2011 3:47 pm

புதிய திரைப்படங்களுக்கு சவால் விடும் திருட்டு வி.சி.டி. டாட் காம்

புதிய திரைப்படங்கள் வலையேற்றம் செய்யப்பட்டுள்ள இணையதள பக்கம்.
புதுச்சேரி, டிச. 12: புதுச்சேரி பள்ளி ஒன்றில் நான்காம் வகுப்பு படிக்கும் சிறுவன் தன்னுடைய நண்பனிடம் புதிய படத்தின் பெயர் ஒன்றை சொல்லி அந்தப் படத்துக்கு டிக்கெட் கிடைக்கவில்லை. என்னுடைய அப்பா எவ்வளவோ நேரம் தியேட்டர் முன்பு நின்று கிடந்தார் என்று ஆதங்கப்பட்டுக் கொண்டான்.

அதற்கு அந்த நண்பன் சொன்னான்... நாங்கள் சினிமா தியேட்டருக்கே போகாமல் புதிய படங்களை வீட்டில் பார்த்துவிடுவோம். புதுச்சேரியில் உள்ள கடைகளில் தாராளமாகக் கிடைக்கும் திருட்டு விசிடி என்று நினைத்து இன்னும் அந்தக் கடையில் அந்தப் படத்தின் சிடி வரவில்லை என்று கூறியுள்ளான். கடைக்குக் கூட போகாமல் பார்க்கலாம். அதற்காக ஒரு வெப்சைட் இருக்கிறது. அதற்கு திருட்டு விசிடி.காம் என்று பெயர் என்று கூறினான். அந்தச் சிறுவன் தன்னுடைய தந்தையிடம் கூறினான்.

அவனது தந்தை அந்த வெப்சைட்டை பார்த்தார். புதுப்படங்கள் அதில் அணிவகுத்து காத்திருக்கின்றன. அந்த வெப்சைட்டில் 7 ஆம் அறிவு படத்தை 1 லட்சத்து 72 ஆயிரத்து 664 பேர் பார்த்துள்ளனர். வேலாயுதம் படத்தை 2 லட்சத்து 14 ஆயிரத்து 386 பேர் பார்த்துள்ளனர். இப்படி ஏராளமான புதிய படங்கள் இதில் உள்ளன.

தமிழ் மட்டுமின்றி தெலுங்கு, ஆங்கில மொழி படங்களும் இதில் இடம் பெற்றுள்ளன. இப்போது இந்த விஷயம் சிறுவர்கள் மத்தியில் பரவி வருகிறது. தியேட்டர்களில் ஓடும் புதிய திரைப்படங்களின் விசிடிக்கள் புதுச்சேரி கடைகளில் பரவலாகக் கிடைத்து வருகின்றன. வெளியூர்களில் இருந்து சுற்றுலாவுக்கு வருவோர் வாங்கிச் செல்லும் பொருள்களில் இதுவும் ஒன்றாக இருந்து வருகிறது. இந்நிலையில் வெளிநாட்டில் இருப்பவர்கள் உள்பட எல்லோரும் புதிய திரைப்படங்களைப் பார்க்கும் வகையில் திருட்டு விசிடி.காம் இருக்கிறது.

இதில் இடம் பெற்றுள்ள புதிய படங்களின் பிரிண்ட் நன்றாக இருக்கிறது. மேலும் பல்வேறு தனியார் தொலைக்காட்சிகளில் பிரபலமாகியுள்ள நாடகங்களின் தொடர்களும் இதில் வலையேற்றம் செய்யப்பட்டுள்ளன. இதுபோன்ற சேமிப்பு 13.11.2011 வரையில் உடனுக்குடன் இதில் பதிவு செய்து வைக்கப்பட்டுள்ளன.

அத்துடன் திருமதி செல்வம், நாகம்மா, நாகம்மா, தென்றல், செல்லமே செல்லம், ஜோடி நம்பர் ஒன், நீயா, நானா உள்ளிட்ட நிகழ்ச்சிகளும் இதில் இருக்கின்றன. இதைத் தவிர செய்திகளும் இதில் சேமிக்கப்பட்டுள்ளன. யாருக்கு என்ன வேண்டுமோ? எல்லாவற்றையும் கொடுக்கிறது இந்தத் திருட்டு விசிடி.காம்.

பெரும்பாலான தொலைத் தொடர்பு நிறுவனங்கள் வரம்பு இல்லாமல் டவுன்லோடு செய்து கொள்ளும் வசதியுடன் இன்டெர்நெட் இணைப்பு கொடுத்து விடுகின்றன. அதனால் திருட்டு சினிமா பார்ப்பதற்காக செலவும் இல்லை.

அதனால் ஓய்வு கிடைக்கும் நேரத்தில் இதைச் சொடுக்கிப் பாருங்கள். திருட்டு உலகமே புரியும். அந்த இணையதள முகவரி www.thiruttuvcd.com ஏற்கெனவே நசிந்து வரும் திரைப்படத் தொழிலை மேலும் அழித்துக்கொண்டிருக்கும் இதுபோன்ற இணையதளங்களை நீக்க அரசு முன் வருமா?

தினமணி

மகா பிரபு · மகா பிரபு Tue Dec 13, 2011 8:22 pm

வெப்சைட் பெயர் அருமை
சிரி

**கே. பாலா** · **கே. பாலா** Tue Dec 13, 2011 8:42 pm

இவங்க நேர்மை எனக்கு பிடிச்சிருக்கு !..திருட்டு வி‌சி‌டி ..

எனக்கு ஒரு உண்மை தெரிஞ்சாகனும்
இப்போதைய நெலவரபடி திருட்டு விசிடி ல
ஏழாம் அறிவு :199,712 பேர் பார்த்துள்ளனர்.
வேலாயுதம் : 2,65000 பேர் பார்த்துள்ளனர்.
இதிலிருந்து ...உங்களுக்கு என்ன தெரிகிறது !
சுருக்கமாக விடையளிக்கவும் ! புன்னகை

மகா பிரபு · மகா பிரபு Tue Dec 13, 2011 9:10 pm

கே. பாலா wrote:
இப்போதைய நெலவரபடி திருட்டு விசிடி ல
ஏழாம் அறிவு :199,712 பேர் பார்த்துள்ளனர்.
வேலாயுதம் : 2,65000 பேர் பார்த்துள்ளனர்.
இதிலிருந்து ...உங்களுக்கு என்ன தெரிகிறது !
சுருக்கமாக விடையளிக்கவும் !

மக்கள் நல்ல படத்தை அதிகம் பார்ப்பதில்லை

மகா பிரபு · மகா பிரபு Tue Dec 13, 2011 10:34 pm

கே. பாலா wrote:
மகா பிரபு wrote:
கே. பாலா wrote:
இப்போதைய நெலவரபடி திருட்டு விசிடி ல
ஏழாம் அறிவு :199,712 பேர் பார்த்துள்ளனர்.
வேலாயுதம் : 2,65000 பேர் பார்த்துள்ளனர்.
இதிலிருந்து ...உங்களுக்கு என்ன தெரிகிறது !
சுருக்கமாக விடையளிக்கவும் !
மக்கள் நல்ல படத்தை அதிகம் பார்ப்பதில்லை
மக்கள் மோசமான படத்தை காசுகொடுத்து அதிகம்பார்ப்பதில்லை