அரசு தொடக்க பள்ளிகளில் வேலை நேரம் அதிகரிப்பு

சேலம் : அரசு தொடக்க, நடுநிலைப்பள்ளிகளின் வேலை நேரத்தை வரும் ஜனவரி 2ம் தேதி முதல் அரை மணி நேரம் அதிகரித்து உத்தரவிடப்பட்டுள்ளதால் மாணவர்கள், ஆசிரியர்கள் அதிர்ச்சியடைந்துள்ளனர். தமிழகத்தில் திமுக அரசு சமச்சீர் கல்வித் திட்டத்தை அமல்படுத்தியது. இதை அதிமுக அரசு, இக்கல்வித்திட்டத்தை ஆரம்பத்திலேயே முடக்க முயன்றது. சுப்ரீம் கோர்ட் தீர்ப்பை தொடர்ந்து இந்த கல்வித்திட்டத்தை அதிமுக அரசு ஏற்றுக்கொண்டது. இதனால், ஆகஸ்ட் 15ம் தேதிக்கு பிறகே பள்ளிகளுக்கு சமச்சீர் பாடப்புத்தகம் வழங்கப்பட்டது. இது தவிர, உள்ளாட்சித் தேர்தல் பணிகளில் ஆசிரியர்களை ஈடுபடுத்தியதால் பள்ளிகளில் பாடங்களை முழுமையாக முடிக்க முடியாத நிலை ஏற்பட்டுள்ளது.

இந்நிலையில், வரும் ஜனவரி 2 முதல் ஏப்ரல் 30 வரை அனைத்து அரசு தொடக்க, நடுநிலைப்பள்ளிகளின் வேலை நேரத்தையும் அரை மணி நேரம் அதிகரித்து, தொடக்கக் கல்வித்துறை உத்தரவிட்டுள்ளது. வழக்கமாக அரசு தொடக்க, நடுநிலைப்பள்ளிகளில் காலை 9.30 மணிக்கு முதல் பாடவேளை தொடங்குகிறது. மதியம் 12.40 முதல் 2 மணி வரை உணவு இடைவேளை விடப்படுகிறது. பிறகு மாலை 4.10 மணி வரை வகுப்பு நடத்தப்பட்டு வருகிறது. காலை 11 மணி முதல் 11.10 வரையிலும், மாலையில் 3.20 முதல் 3.30 வரையிலும் குழந்தைகளுக்கு இடைவேளை விடப்படுகிறது. புதிய உத்தரவுப்படி, இனி அரசு தொடக்க, நடுநிலைப்பள்ளிகள் மாலை 4.40 மணி வரை செயல்படும். இந்த உத்தரவுக்கு ஆசிரியர்களிடையே எதிர்ப்பு நிலவுகிறது.

இதுகுறித்து அரசு தொடக்க, நடுநிலைப்பள்ளி ஆசிரியர் சங்க நிர்வாகிகள் கூறுகையில், ÔÔபள்ளிகளின் வேலை நாள் குறைந்ததால் ஏற்கனவே பணி நேரம் அதிகரிக்கப்பட்டு உள்ளது. மாதத்தில் 2 சனிக்கிழமைகள் பணி நாட்களாக மாற்றப்பட்டு உள்ளது. இந்நிலையில், பள்ளி வேலை நேரத்தை அரை மணிநேரம் அதிகரித்து உத்தரவிடப்பட்டுள்ளது. இதனால் தொடக்கப்பள்ளி குழந்தைகள் மனதளவிலும், உடலளவிலும் சோர்வடைந்து விடுவர். அரை மணி நேரம் கூடுதலாக வகுப்புகளை செயல்படுத்துவதை காட்டிலும், மதிய உணவு இடைவேளை நேரத்தைக் குறைத்தாலே போதும் என்றனர்.

தினகரன்

முன்பெல்லாம் சனி,ஞாயிற்றுக்கிழமை விடுமுறை விட்டாா்கள். பிள்ளைகளுடன் பெற்றோா்கள் நேரம் செலவிட முடிந்தது. குடும்ப உறவுகள் பலமடைந்திருந்தது.
அது குறைய குறைய இன்றைய சூழலில் அது இயந்திர தன்மையாக மாறி இடைவெளி ஏற்படுகிறது. இப்போது விடுமுறைகளில் ஏராளமான வீட்டுபாடங்களை கொடுத்து விடுகிறாா்கள். பிள்ளைகளின் விடுமுறை பாதிக்கப்படுகிறது. பிள்ளைகளுடைய மனநிலை நெருக்கத்திற்குள்ளாகிறது. விடுமுறைவிடுவதே குழந்தைகளின் மனம் ஓய்வு பெற்று புதுப்பிக்கப்பட்டு மீண்டும் பள்ளி வேலைநாட்களில் சுறுசுறுப்பாக செயல்பட செய்யவே விடுமுறை. இப்போது அந்நிலை மாறி குழந்தைகள் மனநிலையில் அதிகபாரத்தையும், விடுமுறையைகூட ஒழுங்காக அனுசாிக்க முடியாமலும், பெற்றோா்களும் பிள்ளைகளை விடுமுறை தினங்களில் ”படிபடி” என்று நெருக்கடி கொடுப்பதும், விடுமுறையில் கூட வெளியில் எங்கும் அழைத்து செல்ல முடியாமல், அப்படியே அழைத்து சென்றாலும், நிம்மதியின்றி ஒரு நெருக்கடிக்கு பிள்ளைகளும் பெற்றோா்களும் தள்ளப்படுவதை இன்று அன்றாடம் பாா்த்து வருகிறோம்.

இந்நிலையில் மாலை நேரத்தில் இன்னும் ஒரு அரைமணிநேரம் கூடுதலாக நேரத்தை எடுத்துக் கொள்வது சாியல்ல. ”மாலையில் விளையாட்டு” என்ற பாரதியாாின் பாடல் (ஓடி விளையாடு பாப்பா) பொய்த்து போய் விடும் போல் தொிகிறது. எனக்கென்னவோ இதில் ஆசிாியா்களின் கருத்தே சாியென படுகிறது. அரசு இதை சற்று மறுபாிசீலனை செய்வது சாி என கருதுகிறேன்.

”தொடக்கப்பள்ளி குழந்தைகள் மனதளவிலும், உடலளவிலும் சோர்வடைந்து விடுவர். அரை
மணி நேரம் கூடுதலாக வகுப்புகளை செயல்படுத்துவதை காட்டிலும், மதிய உணவு
இடைவேளை நேரத்தைக் குறைத்தாலே போதும் என்றனர்.”