இந்தியப் பெருங்கடலில் ராணுவத் தளத்தை அமைக்கும் சீனா!: இந்தியா பெரும் கவலை

by **இளமாறன்** Mon Dec 12, 2011 11:13 pm

பெய்ஜிங்: இந்தியப் பெருங்கடலில் உள்ள ஷெசல்ஸ் தீவில் தனது ராணுவத் தளத்தை அமைக்கப் போவதாக சீனா அறிவித்துள்ளது.

கடற்படைக்கு எரிபொருள், ஆயுத சப்ளை செய்ய இந்தத் தளத்தை அமைக்கவுள்ளதாக சீன பாதுகாப்பு அமைச்சகம் தெரிவித்துள்ளது.

ஏற்கனவே தனது தென் சீனக் கடல் பகுதியிலிருந்தும், இலங்கையின் வட பகுதியில் அமைத்துள்ள கடற்படைத் தளத்தின் மூலமூம் ஏற்கனவே இந்திய நீர்மூழ்கிகள், போர்க் கப்பல்களை சீனா கண்காணித்து வருகிறது.

இப்போது ஆப்பிரிக்க கண்டத்துக்கு கிழக்கே உள்ள இந்த ஷெசல்ஸ் தீவிலும் தனது ராணுவத் தளத்தை அமைப்பதன் மூலம் இந்தியாவை மூன்று பக்கத்தில் இருந்து சீனா கண்காணிக்க முடியும்.

ஏற்கனவே இந்தியப் பெருங்கடலில் சீனா காலை வைத்துவிட்டது. இந்தக் கடல் பரப்பில் சுமார் 10,000 சதுர கி.மீ. பரப்பளவில் பாலிமெடாலிக் சல்பைட் கனிமங்களை (polymetallic sulphide deposits) தோண்டியெடுக்க உள்ளது சீனா. இந்தியாவின் எதிர்ப்பையும் மீறி சீனாவுக்கு இதற்கான அனுமதியை ஐ.நா.வின் சர்வதேச கடல்படுகை ஆணையம் (International Seabed Authority) வழங்கிவிட்டது.

இதனால் அடுத்த 15 ஆண்டுகளுக்கு தென் மேற்கு இந்தியப் பெருங்கடல் பகுதியில் சீனக் கப்பல்கள் எந்த் தடையும் இல்லாமல் வந்து போகலாம். போர்க் கப்பல்கள், உளவு பார்க்கும் கப்பல்களைக் கூட சீனா இந்தப் பிராந்தியத்தில் தடையில்லாமல் இயக்கலாம். கேட்டால், இது கனிமத்தை தோண்டியெடுக்க உதவும் ஆய்வுக் கப்பல் என்று சீனா சொல்லிவிடும்.

இந் நிலையில் இந்தியாவை மேற்குப் பகுதியிலிருந்தும் கண்காணிக்க ஷெசல்ஸ் தீவில் அமைக்கப்படும் ராணுவத் தளம் சீனாவுக்கு உதவும்.

இந்த மாதத் துவக்கத்தில் ஷெசல்ஸ் நாட்டுக்கு 'நல்லெண்ணப் பயணமாக' சென்ற சீன பாதுகாப்பு அமைச்சர் ஜெனரல் லியாங் குவாங் லீ, இது தொடர்பான ஒப்பந்தத்தில் கையெழுத்திட்டுவிட்டுத் திரும்பியுள்ளார். ராணுவத் தளம் மட்டுமின்றி, ஷெசல்ஸ் நாட்டு பாதுகாப்புப் படையினருக்கு பயிற்சி அளிக்கவும் சீனா ஒப்புக் கொண்டுள்ளது.

சேமாலியாவை ஒட்டியுள்ள இந்தப் பகுதியில் கடற்கொள்ளையர்களைக் கட்டுப்படுத்த சீனாவின் இந்தத் தளம் உதவும் என ஷெசல்ஸ் கூறியுள்ளது.

இதையெல்லாம் கவலையோடு பார்த்துக் கொண்டு, கையை பிசைந்து கொண்டுள்ளது இந்தியா, குறிப்பாக இந்தியக் கடற்படை.

தட்ஸ் தமிழ்

இந்தியாவுக்கு இதுவும் வேண்டும் இன்னமும் வேண்டும். சோகம்

by பேகன் Tue Dec 13, 2011 10:36 am

தன்வினை தன்னைசுடும்..

by மகா பிரபு Tue Dec 13, 2011 10:38 am

சீனா ஒரு விஷ பூச்சி என்பதை நிரூபித்து விட்டார்கள் ...

by ரேவதி Tue Dec 13, 2011 10:40 am

நாமெல்லாம் சொந்த காசுலையே சூனியம் வெச்சிபோமே இந்தியப் பெருங்கடலில் ராணுவத் தளத்தை அமைக்கும் சீனா!: இந்தியா பெரும் கவலை 56667

by **மாணிக்கம் நடேசன்** Tue Dec 13, 2011 10:41 am

இப்ப ராஜபக்சே இந்தியாவுக்கு உதவுவானா?

இதுவும் வேணுமடா எனக்கு இன்னமும் வேணுமடான்னு பாடிக்கிட்டு
இருக்க வேண்டியாதுதான் இந்தியா.

by சார்லஸ் mc Tue Dec 13, 2011 10:41 am

நமது தலைவா்கள் உணவில் உப்பு காரம் சற்று தூக்கலாக பயன்படுத்த வேண்டும் என நினைக்கிறேன். நமது இயலாமையை நன்கு தொிந்து வைத்து, நம்மை சுற்றி இருக்கும் “இந்தியாவுக்கு நட்பு நாடுகள்” போல தோற்றம் தரும் சில இரட்டை வேஷ நாடுகளை தனக்கு சாதகமாக பயன்படுத்திக் கொள்ளும் சீனாவின் தந்திரத்தை, நம்மவா்களும் கற்றுக் கொள்ளுதல் மிக அவசியம்.
ராஜ தந்திரங்களில் இன்னும் பயிற்தேவையோ??!!

by **மாணிக்கம் நடேசன்** Tue Dec 13, 2011 10:41 am

இப்ப ராஜபக்சே இந்தியாவுக்கு உதவுவானா?

இதுவும் வேணுமடா எனக்கு இன்னமும் வேணுமடான்னு பாடிக்கிட்டு
இருக்க வேண்டியாதுதான் இந்தியா.

by **ராஜா** Tue Dec 13, 2011 10:42 am

இளமாறன் wrote:இதையெல்லாம் கவலையோடு பார்த்துக் கொண்டு, கையை பிசைந்து கொண்டுள்ளது இந்தியா, குறிப்பாக இந்தியக் கடற்படை.

என்ன நினைத்து கொண்டு இருக்கிறீர்கள் இந்தியா ராணுவத்தை பற்றி? ராணுவ மந்திரி , பாதுகாப்பு ஆலோசகர் தொடங்கி ராணுவத்தில் டீ கொடுக்கும் ஆர்டர்லி வரை இருக்கும் மலையாளிகளுக்கு தெரியாததா இந்தியாவை எப்படி காப்பது என்று.

by பாலாஜி Tue Dec 13, 2011 10:45 am

ஷெசல்ஸ் தீவிற்கு இந்தியா சமீபத்தில் ஒரு உளவு விமானத்தை வழங்கியது .முன்னர் ஒரு ஒரு உளவு விமானத்தை வழங்கியது என்று நினைக்கின்றேன் ..ஒரு சில கப்பல்களையும் வழங்கியது சோமாலியா கடற் கொள்ளையை கண்காணிப்பதற்காக ...இங்கு இந்தியா நிறைய உதவிகளை செய்கின்றது .. இங்கு ஓடும் பேருந்துங்கள் அனைத்தும் டாடா பஸ்களாகும்.

ஆனால் இவற்றுயெல்லாம் மேலாக சீனா இங்கு அழுத்தமாக கால் பாதிக்கின்றது .. இந்த செய்தி முற்றிலும் உண்மை ...