பாகிஸ்தானுக்கு உளவு பார்த்த ராணுவ வீரருக்கு 7 ஆண்டு சிறை.

**சிவா** · **சிவா** Mon 12 Dec 2011 - 14:49

புதுடெல்லி, டிச.12- பாகிஸ்தானுக்கு உளவு பார்த்த இந்திய ராணுவ வீரர் ஒருவருக்கு டெல்லி கோர்ட்டு 7 ஆண்டு சிறை தண்டனை விதித்து உத்தரவிட்டது.

ராணுவ ரகசியங்கள்

இந்திய ராணுவத்தில் ஜவானாக பணிபுரிந்த அனில்குமார் துபே (வயது 39), பாகிஸ்தானுக்கு உளவு பார்ப்பதாக புகார் வந்தது. மேலும், அனில்குமார் வீட்டுக்கு டெல்லியில் உள்ள பாகிஸ்தான் தூதரகத்தில் பணிபுரியும் முகமது பாரூக் என்ற ஊழியர் சென்றதாகவும் தகவல் கிடைத்தது. அதைத் தொடர்ந்து, கடந்த 2006-ம் ஆண்டு டெல்லியில் உள்ள அவருடைய வீட்டில் டெல்லி சிறப்பு படை போலீசார் சோதனை நடத்தினார்கள்.

அப்போது, அவருடைய வீட்டில் இருந்த ஒரு பை கைப்பற்றப்பட்டது. அதில் இந்தியாவில் ராணுவம் மேற்கொள்ளும் நடவடிக்கைகள் பற்றிய சி.டி.க்கள், ஆவணங்கள், தீவிரவாதிகளுக்கு எதிரான ராணுவ நடவடிக்கைகள் குறித்த ரகசியங்கள் போன்றவை சிக்கின. இவை அனைத்தும் முகமது பாரூக்குக்கு அளிப்பதற்காக அனில்குமார் வைத்திருந்தார்.

தூதரக ஊழியர்கள்

இது தவிர, மூன்று செக் புத்தகங்களும் கிடைத்தன. அவற்றில் இரண்டு புத்தகங்கள் முகமது பாரூக் புத்தகங்கள். இன்னொன்று, மற்றொரு தூதரக ஊழியரான சம்ஷத் உசேன் என்பவருடையது. மேலும், அனில் குமாரின் அலுவலக அறையிலும் சோதனை நடந்தது. அங்கிருந்து ராணுவத்தின் புதிய தகவல் தொடர்பு குறித்த ஆவணங்களும் இந்திய ராணுவத்தின் 2005-ம் ஆண்டு புத்தகமும் சிக்கின.

இந்த சோதனையை தொடர்ந்து, ராணுவ வீரர் அனில் குமார் துபே கைது செய்யப்பட்டார். அவர் மீது டெல்லி கூடுதல் செசன்சு கோர்ட்டில் வழக்கு தொடரப்பட்டு விசாரணை நடைபெற்று வந்தது. தூதரக ஊழியர் என்ற சலுகை காரணமாக முகமது பரூக் கைது செய்யப்படவில்லை. மத்திய வெளியுறவு அமைச்சகம் மூலமாக பாகிஸ்தான் தூதரகத்தில் ஒப்படைக்கப்பட்டார்.

பலி கடா

இந்த வழக்கில் ராணுவ வீரர் அனில் குமாருக்கு 7 ஆண்டு சிறைத்தண்டனை விதித்து டெல்லி கோர்ட்டு தீர்ப்பளித்துள்ளது. வழக்கு விசாரணையின்போது, `இந்த வழக்கில் தவறுதலாக என்னை சிக்க வைத்து விட்டனர். பாகிஸ்தானுடன் தொடர்பு வைத்துள்ள சிலர், என்னை பலிகடா ஆக்கி விட்டனர்' என அனில் குமார் வாதிட்டார்.

ஆனால், அதை நிரூபிக்க போதிய ஆதாரங்களை அனில் குமார் தாக்கல் செய்யாததால் அவருடைய வாதத்தை கோர்ட்டு நிராகரித்து விட்டது. மேலும், ராணுவ ரகசியங்களை கொடுத்ததற்காக பெரிய அளவில் பணம் பெற்றதற்கான ஆதாரங்களை அரசு தரப்பு தாக்கல் செய்யவில்லை என்றும் கோர்ட்டு தெரிவித்தது.

முகமது பரூக்கின் செக் புத்தகங்களை அனில் வீட்டில் கைப்பற்றியதால் இருவருக்கும் தொடர்பு இருப்பது தெரிகிறது என்றும் 2003-ம் ஆண்டு முதல் 2006-ம் ஆண்டு வரை சில தகவல்களை அனில் பரிமாறி இருப்பதாக தெரிகிறது என்றும் தீர்ப்பில் நீதிபதி ஓ.பி.குப்தா தெரிவித்தார்.

தினதந்தி

தர்மா · தர்மா Mon 12 Dec 2011 - 15:45

எவ்வளவு நேக்கா உள்ள கொண்டாந்து வச்சுட்டாய்ங்க

சார்லஸ் mc · சார்லஸ் mc Mon 12 Dec 2011 - 16:38

எத்தனை எத்தா்கள் பூமியில்.??!!
கட்டபொம்மன் காலத்தில் எட்டப்பன்
இயேசுவின் காலத்தில் ஒரு யூதாஸ்காாியோத்து
அக்காலம் முதல் இக்காலம் வரை
எத்தனை எத்தா்கள் இப் பூமியில்
எத்தனை எத்தா்கள் வந்தாலும்
காட்டிக்கொடுப்பவா்கள நன்றாக வாழ்ந்ததாக
சாித்திரம் கூறவில்லை
பணத்திற்காக தேசத்தை காட்டி கொடுப்போா்
இதை சிந்தித்துணர வேண்டும்

கைக்கூலிகளால் கைவசப்படுத்திட
இந்தியா ஒன்றும் இளப்பமாகிவிடவில்லை
இதயத்தில் இருத்திக் கொள்ள வேண்டும்
இப்படிப்பட்டவா்கள்
வாழ்க பாரதம்