உணவு

தாமு · தாமு Mon Sep 28, 2009 6:41 am

அழகான இடையழகை பெறுவதற்கு ஈஸியான வழிகள் உள்ளன. சிம்பிளான உடற்பயிற்சியையும், உணவுப் பழக்கத்தையும் மேற்கொண்டால் போதும்.

* நார்ச்சத்து நிறைந்த உணவை அதிகம் சாப்பிடுங்கள். தவிடு நீக்காத கோதுமை, ஓட்ஸ், பாதாம் பருப்பு, பயத்தம் பருப்பு, உளுந்து, கொண்டைக்கடலை ஆகியவற்றை சாப்பிடுங்கள்.

* பழங்களை `மிஸ்' பண்ண வேண்டாம். அந்தந்த சீசனில் கிடைக்கும் பழங்களை தினமும் சாப்பிடும் பழக்கத்தை ஏற்படுத்திக் கொள்ளுங்கள்.

* தினமும் கட்டாயம் தண்ணீர் குடிக்கவேண்டும். ஒரு நாளைக்கு எட்டு அல்லது பத்து டம்ளர் தண்ணீர்(கொதித்து ஆறிய அல்லது பில்டர் தண்ணீர்) குடியுங்கள்.

* மீன் சாப்பிடுவது நல்லது. நீங்கள் அசைவம் சாப்பிடுபவராக இருந்தால் வாரத்திற்கு இரண்டு முறையாவது மீன் சாப்பிடுங்கள்.

* கொழுப்பு உணவுகளை சாப்பிடக் கூடாது. திடக் கொழுப்பு நிறைந்த வெண்ணை, நெய், இறைச்சி வகைகள், சாக்லேட்ஸ், சீஸ், பனீர் ஆகியவற்றை தவிர்க்கவும்.

* ரீபைண்ட் உணவுகளை தவிர்த்திடுங்கள். மாவை பிசின்போல் ரீபைண்ட் செய்து உருவாக்கப்படும் பீட்சா, பாஸ்தா, ஒயிட் பிரட், சோளமாவு உணவு, உருளைக்கிழங்கு, ஒயிட் ரைஸ் போன்றவற்றை தவிர்க்கவும். மேலும் ரீபைண்ட் சர்க்கரை, ஒயிட் சாஸ், சீஸ் ஆகியவற்றை அறவே தவிர்க்கவும்.

* ஆல்கஹால், நிகோடின் கண்டிப்பாக தவிர்க்கவும். தினம் இரண்டு கப் காபி போதும். அதிகமாக குடிக்க வேண்டாம்.

* மசாஜ் செய்து கொள்வது நல்லது. வலி நிவாரணி மாத்திரைகள், ஆன்டிபயாடிக் மற்றும் தூக்க மாத்திரைகளைத் தவிர்க்கவும். பதிலுக்கு உடற்பயிற்சி, மசாஜ், ஸ்டீம் பாத், வெந்நீர் குளியல் எடுக்கலாம். உணவில் பழங்கள், ஜுஸ், ஹெர்பல் டீ, இயற்கையான வைட்டமின், தாது உப்புகளை எடுத்துக் கொள்ளலாம்.

* முடிந்தவரை ஸ்டெயின்லெஸ் ஸ்டீல் அல்லது இரும்பு சமையல் பாத்திரங்களில் சமைக்கவும். குறிப்பாக மண் பானைகள் மிகவும் நல்லது.

* பிரஷ்ஷான காய்கறிகளை சாப்பிடுங்கள். அதிகமாக வேக வைக்க வேண்டாம். பச்சையாகவோ அல்லது பாதி வேக வைத்து சாப்பிடுவது நல்லது.

உணவு

உணவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக