மகாகவிக்கு தொடுப்போம் நாம்கவி

by **கோவிந்தராஜ்** Sun Dec 11, 2011 7:33 am

நன்றி செலுத்தும் வகையில் பாரதிக்கு இன்று நாம் கவி தொடுப்போம் !
உறவுகள் இணையலாம்

நான் துவங்கிவிட்டேன் :
பாரதி யார்
பாரதம் மீட்க்க
பாரதம் ஏறி
பார் கவி செய்த
பாவலன் அவரே
பாரதியார் !

என்றோ பிறந்தாராம் இன்று
இன்றும் பிறந்தாரே மீண்டும்
என்று மில்லாமல் இன்று
என்ன புத்துணர்சி காண் !

மாகவி யவரே
மகாகவி என்று
புனையும் பெற்றாரே
விடுதலையின் நாதகீதம் !

குரங்கையும் குயிலையும்
கயிறுகள் இரண்டையும்
பேசுவித்த வித்தகன்
பேசியதெல்லாம் விடுதலைதான் !

அறிவியல் அரசியல்
இரண்டிலும் மூழ்கி
முத் தெடுத்தாரே
முன்கூற்று முன்னோடி
சோதிடம் தெரிந்தவரோ -இல்லை
தேவரின் திருப்பிள்ளையோ !
-கோவிராஜன் :வணக்கம்:

[தவறிருந்தால் மன்னிக்கவும் கூறினால் திருத்திக்கொள்வேன் ]

by **சிவா** Sun Dec 11, 2011 7:51 am

மகாகவிக்கு தாங்கள் வடித்த கவி மிக நன்று கோவி!

by **கோவிந்தராஜ்** Sun Dec 11, 2011 7:53 am

சிவா wrote:மகாகவிக்கு தாங்கள் வடித்த கவி மிக நன்று கோவி!

மிக்க மகிழ்ச்சிகள் அண்ணா அன்பு மலர்

by **பிஜிராமன்** Sun Dec 11, 2011 8:30 am

தம்பிநீ பாரதிக்கு தந்திட்ட இக்கவி
நம்கவிக்கு நன்றிகூறும் நன்று

இதோ கீழே என்னுடைய பங்கிற்கு......

நாற்திசை சென்றிவர் நன்குகலை யிற்தேர்ந்து
மாற்றங்கள் தந்திவர் மக்களைக் காத்தாரே
தோற்றத்தில் தீரம் தொடுக்கும் கவியினில்
காற்றைபோல் சீறும் கவி

தன்னுள்ளே கோடி தடங்கள்கள் கொண்டாலும்
பொன்னான உள்ளால் பொசுக்கிட்டு நீர்அவற்றை
தன்னாடே முக்கியம் தன்மக்கள் நல்வாழ்வே
தன்கொள்கை என்றக் கவி

முட்புதராய் மண்டி முளித்திருந்த மக்களை
தட்டிக் கொடுத்தீரே தங்களின் நற்கவியால்
வெட்டிட வெட்டிட வேர்பிடித்த தீயோரை
வெட்டி எறிந்த கவி

உங்களைப் பெற்றதால் உள்ளத்தில் தீரமும்
எங்களைஏய் போரை எதிர்திடும் வீரமும்
தங்களின் நற்கவி தந்த அனைத்தையும்
மங்காது செய்யும் கவி

எத்தனை நற்கவி எம்பொழுதில் வந்தாலும்
அத்தனை பேர்க்கும் அருள்தரும் நின்கவி
வெத்தான வோரும் வெகுண்டெழ செய்திட்ட
முத்தே கவியேநீ வாழ்

மிக்க நன்றிகள் தம்பி, நல்லதொரு திரியை துவங்கி உள்ளாய், மற்ற கவிஞர்களின் காவியையும் காண ஆவலாய் உள்ளேன்........... சூப்பருங்க

by **சிவா** Sun Dec 11, 2011 9:48 am

பிஜிராமனின் வாழ்த்துக கவிதை அருமை!

பாரதத்தாய் பெற்டெடுத்த பார்புகழ்நல் பேர்மைந்தன்
சாரதியாய் சாதியத்தை சேர்ந்தெதிர்த்த சேர்மறவன்
பாரதிரப் பாட்டெழுதிப் பாரதப்போர்ப் பாடியவன்
பேரதிரும் பாரதியார் பேர்

by **கோவிந்தராஜ்** Sun Dec 11, 2011 4:31 pm

பிஜிராமன் wrote:
மிக்க நன்றிகள் தம்பி, நல்லதொரு திரியை துவங்கி உள்ளாய், மற்ற கவிஞர்களின் காவியையும் காண ஆவலாய் உள்ளேன்...........

நன்றிகள் அண்ணா தங்கள் கவிதை அருமை சூப்பருங்க

by **கோவிந்தராஜ்** Sun Dec 11, 2011 4:34 pm

சுந்தரராஜ் தயாளன் wrote:பாரதத்தாய் பெற்டெடுத்த பார்புகழ்நல் பேர்மைந்தன்
சாரதியாய் சாதியத்தை சேர்ந்தெதிர்த்த சேர்மறவன்
பாரதிரப் பாட்டெழுதிப் பாரதப்போர்ப் பாடியவன்
பேரதிரும் பாரதியார் பேர்

அருமை அண்ணா சூப்பருங்க

இன்னமும் எதிர் பார்க்கிறோம் மற்றவர்களையும் அன்பு மலர்