ரூ.300 கட்டணம், மது சப்ளையுடன் கல்லூரி மாணவிகளின் ஆபாச நடன “கிளப்”புகள்

by **இளமாறன்** Sat Dec 10, 2011 9:47 pm

சென்னை, டிச. 10-

சென்னையில் ஆபாச நடன கிளப்புகள் பெருகி வருகின்றன. “கலாச்சார நடனம்” என்ற பெயரில் அனுமதி வாங்கி இந்த கிளப்புகளை நடத்துகிறார்கள். சிந்தாதிரிப்பேட்டையிலும், அண்ணாசாலையில் உள்ள சாந்தி தியேட்டர் அருகிலும், ராயப்பேட்டையிலும் நடக்கும் இந்த கிளப்புகளில் கல்லூரி மாணவிகளை ஆபாச நடனம் ஆட வைப்பதாக ஜான்சிராணி பெண்கள் பாதுகாப்பு சங்கத்தலைவியும் மனித உரிமைகள் கழக சர்வதேச அமைப்பின் மகளிர் அணி தலைவியுமான கல்பனா கண்டித்துள்ளார்.

இந்த கிளப்புகளில் மாலை 6 மணி முதல் இரவு 11 மணி வரை நடன நிகழ்ச்சி நடத்துகின்றனர். இதற்கு ஒருவருக்கு ரூ.300 கட்டணம் வசூலிக்கிறார்கள். அதற்கு ரசீது கொடுப்பது இல்லை. மாடியில் நடக்கும் இந்த கிளப்புகளின் அருகிலேயே டாஸ்மாக் மதுபான கடைகள் உள்ளன. அங்கிருந்து மது வாங்கி குளிர்பானத்தில் கலந்து நடன நிகழ்ச்சியை பார்ப்போருக்கு வினியோகிக்கின்றனர். அதற்கு தனியாக பணம் வாங்குகிறார்கள்.

கல்லூரி மாணவிகளை கலாச்சார நடனம் என்ற பெயரில் ஏமாற்றி அழைத்து வந்து ஆபாச நடனம் ஆட வைக்கின்றனர். 15 வயதுக்குட்பட்ட பள்ளி மாணவிகளையும் ஆட வைக்கிறார்கள். அவர்களுக்கு போதையில் இருக்கும் வாடிக்கையாளர்கள் கைகளை தொட்டு டிப்ஸ் என்ற பெயரில் பணத்தை அள்ளி கொடுக்கின்றனர். அந்த பணத்தையும் “கிளப்” நடத்துபவர்களே பிடுங்கி கொள்கிறார்கள்.

இந்த பெண்களிடம் மொபைல் நம்பர்களை வாடிக்கையாளர்கள் வாங்கி செல்கின்றனர். இதன் மூலம் அவர்களின் எதிர்காலம் தடம் புரளும் பரிதாப நிலைமை ஏற்படுகிறது. கலாச்சார சீரழிவை ஏற்படுத்தி இளம்பெண்கள் வாழ்க்கைக்கு வேட்டு வைக்கும் இந்த நடன கிளப்புகள் மீது போலீசார் நடவடிக்கை எடுக்க வேண்டும் என்று கல்பனா வெளியிட்டுள்ள அறிக்கையில் குறிப்பிட்டு உள்ளார்.

ஆபாச நடன கிளப்புகளை மூடக்கோரி அவற்றின் முன்னால் விரைவில் ஆர்ப்பாட்டம் நடத்தப்படும். சம்பந்தப்பட்டவர்கள் மீது பெண்கள் வன்கொடுமை சட்டத்தின் கீழ் நடவடிக்கை எடுக்க வேண்டும் என்றும் அறிக்கையில் அவர் கூறியுள்ளார்.

மாலைமலர்

by **krishnaamma** Sat Dec 10, 2011 9:54 pm

நாம் நாடு எங்கே போகிறது மாறன் ? சோகம்

by **இளமாறன்** Sat Dec 10, 2011 9:57 pm

krishnaamma wrote: நாம் நாடு எங்கே போகிறது மாறன் ?

இதை தான் நானும் யோசித்தேன் நீங்களும் சொல்லிவிட்டீர்கள்

பெற்றோர் தவறா இல்லை கலாச்சார தவறா புரியவில்லை

by அருள் Sat Dec 10, 2011 10:02 pm

இந்த மாதிரியான விஷயங்கள் கண்டிக்கபடவேண்டிய ஒன்று. இதனால் ஒருவேளை நம் குழைந்தைகளும் பாதிக்க படலாம்.
அருள்

எல்லா பெரிய ஊர்களிலும் இப்படி ஆரம்பித்து விட்டார்கள்தான். டிவி, இண்டர்நெட் மீடியா போன்றவற்றின் தாக்கம் என்றுதான் சொல்லவேண்டும். சோகம்

by **இளமாறன்** Sat Dec 10, 2011 11:49 pm

பாவம் பிள்ளைகள் சோகம்

by சார்லஸ் mc Sun Dec 11, 2011 7:21 am

இளைய சமுதாயத்தை கெடுக்க நினைக்கும் இப்படிப்பட்ட கிளப்புகளை அரசு இரும்புக் கரம் கொண்டு அடக்க வேண்டும்.

கேளிக்கை வாி போச்சே என்று கவலை படக் கூடாது.

பெண்பிள்ளைகளின் பெற்றோா்கள் தங்கள் பிள்ளைகளை பாதுகாப்பதில் சற்று அதிக சிரத்தை எடுக்க வேணடும்