தலையில் கைவைக்குற பதிவு - என்னை போன்ற இளைஞ்சர்கள் தவிர்க்க

balakarthik · balakarthik Sat Dec 10, 2011 1:37 pm

First topic message reminder :

என் நண்பர் ஒருவருக்கு டை அடிப்பவர்களைப் பிடிக்கவே பிடிக்காது. மனோ தத்துவ ரீதியாக அவர்கள் தப்பானவர்கள் என்று உறுதியாக நம்புகிறவர்.

“ஆமாம்ய்யா… வயசை மறைக்கத்தானே டை அடிக்கறாங்க? எதுக்காக வயசை மறைக்கணும்….. எதுக்கு அது தடங்கலா இருக்கு? டையை கண்டுபிடிச்சவனே தப்பானவன்தான்” என்று பிரகாஷ்ராஜ் மாதிரி ஆள்காட்டி விரலை மூஞ்சிக்கு நேரே ஆட்டி பயமுறுத்துவார்.

“ப்ரீமெச்சூரா தலை நரைக்கிறவங்க நிறையப் பேர் இருக்காங்க சார். அது மாதிரி ஒரு ஆள்தான் கண்டுபிடிச்சிருப்பான். அது மாதிரி ஆட்கள் டை போடறது தப்பில்லையே”

துரதிஷ்டவசமாக நாங்கள் பேசிக் கொண்டிருந்த போது எதிரில் வந்த ஆசாமி எனக்குச் சத்ரு ஆகிவிட்டார். நெற்றிக்கு மேல் நாலு கிலோமீட்டர் வேக்கண்ட்டாக இருந்தது. அதற்கப்புறம் ஜில்ப்பா வளர்த்து அதில் சாயம் அடித்திருந்தார். கிரீடத்தைக் கழற்றி வைத்த எமன் மாதிரி இருந்தார். மீசையை செவ்வகமாகச் செதுக்கி கறுப்பு அடித்திருந்தது பார்க்க வயர் பிரஷ் மாதிரி இருந்தது.

“பாரு, இது ப்ரீமெச்சூரா? பார்க்கவே வாஸ்கோடகாமாவுக்கு மூத்தவன்னு தெரியலை?”

“இளமையா காமிச்சிக்கிறதில என்ன சார் தப்பு… ஆக்சுவலா அது தன்னம்பிக்கையை வளர்க்கும்”

“இளமை மனசுல இருக்கணும்ய்யா ………ர்ல இருக்க வேண்டாம். இந்த ஆள் பரவாயில்லை. நேத்து ஒருத்தரைப் பார்த்தேன். கன்னத்தில டொக்கு விழுந்து, தவடை எல்லாம் ஒட்டகம் மாதிரி மடிஞ்சிருக்கு. கண்ணே தெரியலை, புருவத்துக்கு மேலே கையை சன்ஷேட் மாதிரி வெச்சிப் பார்க்கறாரு. ஏதாவது பேசினா ‘ஆங்…. ஆங்’ ந்னு ஏழு தடவை காதை மடிச்சிகிட்டு கேக்கறாரு. ஆனா முடியும் மீசையும் காக்கா மாதிரி கறுகறுன்னு இருக்கு. அவரை இந்த சாயம் இளமையாக் காட்டும்ன்னு சொல்றியா?”

“இதுக்கு அவரோட தன்னம்பிக்கையைப் பாராட்டணும் சார். அவருக்கு வயசாச்சுன்னு நீங்கதான் நினைக்கிறிங்க. அவர் நினைக்கல்லையே?”

“மண்ணாங்கட்டி, பைத்தியக்காரன் கூட தான் பைத்தியம்ன்னு தெரியாமத்தான் அலையறான். நீதான் பைத்தியம்ன்னு சொல்றே. அவனுக்கும் தன்னம்பிக்கையா?”

“இதெல்லாம் ஒரு மனிஷனோட சொந்த விருப்பு வெறுப்பு சார். அதிலேர்ந்து எந்த இன்ஃபரன்ஸும் ட்ரா பண்ண வேண்டியதில்லை. முக்கியமா டை அடிக்கிற ஆசாமிகளுக்கு எதிர்ல இப்படிப் பேசினா அவங்க ஹர்ட் ஆயிடுவாங்க”

பிரயோஜனமில்லை.

அவர் அப்படியேதான் பேசிக் கொண்டிருந்தார். ஒருநாள் புதிதாக வேலைக்குச் சேர்ந்த ஒருவர்,

“ஹலோ… ஐயாம் ஷ்யாம்” என்று கையை நீட்டினார். அவரும் சாயம் பூசுகிற ஜாதி. நண்பர் அவரைப் பார்த்ததும் முதலில் சொன்னது,

“எனக்கு டை அடிக்கிறவங்களைப் பிடிக்காது”

வந்த ஆசாமி வில்லாதி வில்லன்.

“எனக்கும் டை அடிக்கிறவங்களைப் பிடிக்காது சார். அதனால எப்பவுமே நானாவேதான் அடிச்சுக்குவேன். வேணும்ன்னா சொல்லுங்க உங்களுக்கும் போட்டு விடறேன். ஐ வில் டை ஃபார் யூ” என்றார். :வணக்கம்:

**Dr.சுந்தரராஜ் தயாளன்** · 03/09/2011

மிக நல்ல பதிவு...எனக்கு 20 வயதாக இருக்கும்போதே நரை வந்துவிட்டது. 1975ல் நான் மாநிலக்கல்லூரியில் படித்துக்கொண்டிருந்த காலத்தில் 1500 மாணவர்களில் 800 க்கு மேல் பெண்கள். அவர்கள் பார்க்கும் பார்வையிலேயே ஒரு குறும்பு தெரியும். மிகவும் சிரமமான காரியம் என்னவென்றால் என்னுடைய ஒரு பேராசிரியை Queen Mary's Collegeல் இருந்து, அவரிடம் நோட்ஸ் வாங்கவும் மீண்டும் கொடுக்கவும் அவரின் Departmentக்கு வரச்சொல்லுவார். அந்த கல்லூரியில் கிட்டத்தட்ட 2000 பேர், அனைவரும் பெண்கள். நான் main gate ல் நுழைந்தவுடனே பக்கத்துத் gardenல் இருந்து ஒரு பயங்கர சிரிபோலி வரும். ஏய் ...black & white வருதடி...என்று. நான் நல்ல கருப்பு, 5' 3''. அந்தக் கால வழக்கப்படி white pants & white shirt, with black belt ! தலையில் வேறு கோடு கோடாய் வெள்ளைக் கம்பிகள். கேட்கவேண்டாம். நான் geography department சென்று நோட்ஸ் வாங்கிக்கொண்டு திரும்பி வருவதற்குள் பெரிய பாடாகிவிடும். கண்ணா...கருமை நிற வண்ணா ...என்று ஒரு பாட்டு வரும்! கடைசியில் எனது பரிதாபமான நிலையைப் பார்த்து அந்த பேராசிரியையே அவர் வீட்டுக்கே வரும் படிச்சொல்லி விட்டார். ஆக எனது 24 ம் வயதில், 1975 ம் வருடம் Godrej Hair dye வாங்கி அடிக்க ஆரம்பித்தேன். கடந்த நவம்பர் மாதம் நான் 60 ம் வயதில் அடியெடுத்து வைத்தாகி விட்டது. இன்னும் Godrej ஐ விட்ட பாடில்லை. இபோது முழுவதும் நரை ஆகி விட்டபின்பும், நான் விரும்பினாலும் என் மனைவியும் மகளும் விடுவதாக இல்லை. உங்களுக்கு என்ன அந்த அர்ஸ் அங்கிள் மாதிரியா வயசாயிடுது? அந்த நாகபூஷணம் சாரைப் பாருங்க ...எவ்வளவு கிழம்...அவரே இன்னும் அடிக்கிறார், என்று இப்படியே மாதங்கள் நகருகின்றன. ஆகவே நான் சொல்வது உங்கள் நண்பர்தான் தப்பான எண்ணம உள்ளவராய் உள்ளார் . அவருக்குத்தான் மனோதத்துவ சிகிச்சை கொடுக்கவேண்டும். பதிவுக்கு நன்றி..பாலா

இந்த பதிவைத் துவங்கியவர் நன்றி கூறியுள்ளார் Dr.சுந்தரராஜ் தயாளன்