பொய்யாமொழி

balakarthik · balakarthik Wed Dec 07, 2011 5:39 pm

நான் பொய்யே பேசினதில்லை. சத்யசந்தன் (அல்லது சத்யசந்தி) என்று சொல்கிறவர்களை நம்பாதீர்கள்.

’நான் அழகா இருக்கேனா?’ என்கிற முதலிரவுக் கேள்விக்கு பதில் சொல்வதில் ஆரம்பித்து அடுக்கடுக்காகப் பொய்கள்! ஆஃபிஸில் லீவ் போட என்னென்ன புளுகுகள்!

என் நண்பன் ஒருவன் நூற்றுக் கணக்கான காரணங்களை ஒரு பாக்கெட் நோட்டில் எழுதி வைத்திருப்பான். ஒவ்வொருதரம் லீவ் போடும் போதும் ஒவ்வொரு காரணம் சொல்லிவிட்டு அதை டிக் பண்ணிக் கொள்வான்.

“ஏண்டா, ஸ்டிரைக் அவுட் பண்ண வேண்டியதுதானே?” என்றால்,

“அதெப்புடி, மேனேஜர் மாறிட்டா மறுபடி சொல்லலாமே?” என்பான்.

கஸினுக்குக் கல்யாணம், பாட்டி செத்துட்டா என்கிற மாதிரி கேஷுவல் காரணங்களே அவனுக்கு வராது. எதிர் வீட்டுக்காரி யாரோடயோ ஓடிட்டா, பக்கத்து வீட்டுக்காரன் மேல் லாரி ஏறி அவன் சட்னி, மேல் வீட்டுக்காரனை நாய் பிடுங்கி தொடைக்கறி தொங்குது என்கிற மாதிரி எல்லாமே விபரீதமாக இருக்கும். அடுத்த நாள் வந்ததும் மேனேஜரிடம் அதை வரிந்து கட்டிக் கொண்டு விளக்க வேறு செய்வான். பல சமயம் அவன் லீவ் போட்ட மறுநாள், மேனேஜர் அவன் வருவதற்கு முன் கேபினிலிருந்து எழுந்து ஓடி விடுவார்.

வேறு சிலர் இருக்கிறார்கள். அவர்கள் ஒருநாள் லீவுக்கு அதிக திரில் தருவதில்லை. திடீரென்று ஒருவாரம் காணாமல் போய்விடுவார்கள். அடுத்தவாரம் வரும் போது பார்க்க வேண்டும்!

ஆஃபீஸுக்கு வரும் போதே ஹைட்ரோ ஸெல் வந்தது மாதிரி இடறி இடறி நடப்பார்கள். மணிரத்னம் படம் மாதிரி பாதி வார்த்தையும் பாதி காற்றுமாகவும், ஒற்றை வார்த்தையிலும் பேசுவார்கள். கையில் ஒரு வென்னீர் பாட்டிலும், ஃப்ளாஸ்க்கில் கஞ்சியும் கொண்டு வந்திருப்பார்கள். இரண்டு வார்த்தை பேசினால் அடுத்த நாலு நிமிஷத்துக்கு இருமுவார்கள்.

ஆனால், அடுத்தநாள் யாருக்காவது ஃபேர்வெல் பார்ட்டி நடந்தால், மூன்று பீர் சாப்பிட்டுவிட்டு கால் பின்ன நடப்பார்கள்!

அடுத்த கிரேடு ஒருமாசம் காணாமல் போகிறவர்கள்.

அவர்கள் கதை படு உருக்கமாக இருக்கும். ஆஸ்பத்திரியில் அட்மிட் ஆகி டிஸ்சார்ஜ் ஆனது, பிளட் டெஸ்ட், ஸ்கேன் ரிப்போர்ட் என்று ஏகப்பட்ட காகிதங்களுடன் வருவார்கள். அந்த ரிப்போர்ட்டைப் பார்த்தால் அவர்கள் செத்து ஒருவாரம் ஆகியிருக்க வேண்டும் போல அத்தனை பயங்கரமாக இருக்கும். டிரை கிளிசரைட் 500, ஃபாஸ்டிங் பிளட் ஷுகர் 350, லிம்ஃபொசைட்ஸ் 76% என்று. இத்தனை பயங்கர ரிப்போர்ட்டிலிருந்து ஆரோக்யம் திரும்பியதற்கு அவர்கள் நூற்றுக் கணக்கில் புளுக வேண்டியிருக்கும். எல்லாப் புளுகையும் சர்வ அலட்சியமாக அவிழ்த்து உதறிவிட்டு, ஹாஸ்பிடலைசேஷன் என்று ஒன்றரை லட்சம் ரீஇம்பர்ஸ்மெண்ட்டும் வாங்கி விடுவார்கள்!

லீவுக்குப் பொய் சொல்பவர்களில் இது சாம்பிள் தான் மெயின் பிக்சர் நிரயா இருக்கு அது சரி இப்போ எதுக்கு இதெல்லாம்முனு கேக்கேக்குறவங்களுக்கு இன்னும் கொஞ்ச நாளைக்கு மறுபடியும் நான் ஈகரையில இருந்து காணாமல் போகபோறேன் அதான் ஒரு சின்ன பில்டப்புக்காக ............ மீண்டும் சந்திப்போம்