கேரளாவின் புதிய அணை நாடகம் ஏன்?

கேரளாவின் புதிய அணை நாடகம் ஏன்? முன்னாள் தலைமை பொறியாளர் தகவல்



தேனி: முல்லைப் பெரியாறு அணை பாதுகாப்பு குறித்து ஆய்வு செய்யும் ஐவர் குழுவின் அறிக்கை கேரளாவிற்கு எதிராக அமைந்து விடும் என பயந்து போன கேரள அரசியல்வாதிகள், புதிய அணை நாடகத்தை துவங்கி உள்ளதாக, தமிழக முன்னாள் தலைமை பொறியாளர் விஜயகுமார் பேசினார்.

தேனியில் நடந்த முல்லைப் பெரியாறு அணை உரிமை காக்கும் உண்ணாவிரதத்தில் பங்கேற்ற அவர் பேசியதாவது: பெரியாறு அணையில் பாதுகாப்பு பணியில் ஈடுபட்டுள்ள கேரள போலீசார், பராமரிப்பிற்கு செல்லும் தமிழக அதிகாரிகளை தாக்குகின்றனர். வேலை செய்ய விடாமல் தடுக்கின்றனர். ஆனால், கேரளாவில் இருந்து யார் வந்தாலும் உடனே அனுமதிக்கின்றனர். 7 ரிக்டர் அளவில் பூகம்பம் ஏற்பட்டாலும் தாங்கும் அளவிற்கு வலுவுடன் அணை கட்டப்பட்டுள்ளது. அதேபோல பூகம்ப பாதிப்பு ஏற்படாத இடத்தில் தான் பெரியாறு அணை கட்டப்பட்டுள்ளது. பூகம்பத்தில் குமுளி நகரமே அழிந்தாலும், சாகாவரம் பெற்ற பெரியாறு அணை இன்னும் 10 ஆயிரம் ஆண்டுகள் பலத்துடன் காட்சியளிக்கும். அணை பலம் குறித்து ஐவர் குழுவிடம், தமிழகம் தரப்பில் முறையான விளக்கத்தை யாரும் முன்வைக்கவில்லை. எனவே நாங்கள் அணையின் பலம் குறித்து சி.டி., தயார் செய்து ஐவர் குழுவிடம் வழங்கினோம்.

இந்த சி.டி.,யை பார்லிமென்டிற்கு சென்று தமிழக எம்.பி.,க்களிடம் வழங்கினோம். அவர்கள் இதை ஒரு பொருட்டாகவே மதிக்கவில்லை. வைகோ பார்லிமென்டிற்கு சென்றிருந்தால், பெரியாறு அணை பிரச்னை குறித்து பேசியிருப்பார். அணை பலமாக உள்ளது பற்றி கேரள பொறியாளர்கள், அரசியல்வாதிகளுக்கும் தெரியும். இதனால் ஐவர் குழுவின் அறிக்கை தமிழகத்திற்கு சாதகமாக வந்து விடும் என கருதி, கேரள அரசியல்வாதிகள் அணை உடைந்து விடும் என்ற நாடகம் ஆடுகின்றனர். புதிய அணை கட்ட வேண்டும் என்ற புதிய நாடகத்தை துவங்கி உள்ளனர். புதிய அணை கட்டினால் தமிழகத்திற்கு ஒரு சொட்டு தண்ணீர் கூட தர முடியாது.இவ்வாறு விஜயகுமார் கூறினார்.

"ஏன் நமக்கு மட்டும் யாரும் தண்ணி தரமாட்டேன் கரா ?"

பொதுவாய் நாம் தண்ணீர் பற்றாக்குறை உள்ள நிலப்பகுதியில்
வாழ்கிறோம். athanal than ipapdi

பொதுவாய் நாம் தண்ணீர் பற்றாக்குறை உள்ள நிலப்பகுதியில்
வாழ்கிறோம். அதனால் தான் நம்மை சுற்றியுள்ள எல்லா மாநிலங்களிடம் இருந்தும் தண்ணீர் பெற்று வருகிறோம்.
சுதந்திரம் வாங்கியவுடனே இதற்கு , தொலை நோக்கு பார்வையுடன் முடிவெடுக்கும் எண்ணம் நம் முந்தைய டெல்லி அரசியல் வாதிகளுக்கு வரவில்லை. அப்போதைய தவறு இப்போது நம் தமிழகம் அனுபவிக்கிறது. நில அமைப்பில் நாம் கடையில் இருப்பது நமக்கு பெரிய சிக்கலை தருறுகிறது

இந்திய மக்களின் குறுகிய மனம் , தேசியத்தலைவா்களின் அரசியல் வாக்கு வங்கி பயம் அவையெல்லாம் சோ்ந்து வருகிற ஏற்படுகிற குழப்பங்களே இவைகள்.

பரந்த மனப்பான்மையும், தொலைநோக்குப் பாா்வையும், தேசிய ஒருமைப்பாட்டு உணா்வும் இன்றைய இந்தியாவில் அனைத்து தரப்பிலும் குறைந்துள்ளது மற்றுமொரு காரணம்.