சந்திர கிரகணம் -விவரங்கள்

**krishnaamma** · **krishnaamma** Thu Dec 08, 2011 9:16 pm

புதுடெல்லி: வரும் டிச.10ஆம் தேதி அன்று இந்த ஆண்டின் கடைசி சந்திரகிரகணம் ஏற்படுகிறது என்று விஞ்ஞானிகள் கூறியுள்ளனர். இந்த சந்திர கிரகணம் சுமார் 5 மணி நேரம் தெரியும் என்றும், இந்தியா உட்பட பல்வேறு நாடுகளிலும் இந்த சந்திரகிரகணத்தை காணலாம் என்றும் விஞ்ஞானிகள் கூறியுள்ளனர். டிசம்பர் 10-ம் தேதி நிகழவுள்ள முழு சந்திர கிரகணம் முழுமையாக காண முடியும் என்றும் விஞ்ஞானிகள் கூறியுள்ளனர்.

அன்று மாலை 6 .16 மணி முதல் இரவு 9 .48 மணி வரை சந்திர கிரகணம் நிகழும் என்றும், சூரிய கிரகணம் மற்றும் சந்திர கிரகணம் ஆகியவை 15 நாள் இடைவெளியில் நிகழ்வது குறிப்பிடத்தக்கது என்றும் விஞ்ஞானிகள் கூறியுள்ளனர். மேலும் இது ஆண்டின் மையப்பகுதியான ஜுன் மாதம் ஏற்படும் கிரகணத்தைப் போல் இருக்கும் என்றும் கிட்டத்தட்ட 5மணி நேரம் இந்த சந்திர கிரகணம் நீடிக்கும் என்றும் விஞ்ஞானிகள் தெரிவித்துள்ளனர்.

இதற்கிடையே சந்திர கிரகணத்தை பார்க்க விரும்பும் பொதுமக்களுக்கு, வசதியாக டிசம்பர் 10-ம் தேதி பெங்களூர் ஜவஹர்லால் நேரு கோளரங்கத்தில் ஏற்பாடு செய்யப்பட உள்ளன. சந்திர கிரகணத்தை வெறும் கண்களால் பார்க்கலாம் என்றும் விஞ்ஞானிகள் கூறியுள்ளனர்.

**krishnaamma** · **krishnaamma** Thu Dec 08, 2011 9:17 pm

*கிரகண நேரத்தில் கர்ப்பிணிப் பெண்கள் நடமாடக் கூடாது என்று சொல்வது ஏன்?

முழு நிலவை அல்லது சூரியனை பூமியின் நிழல் மறைப்பது கிரகணம். சக்தி வாய்ந்த பவுர்ணமி நிலவின் அல்லது சூரியனின் ஒளி வீச்சு தடைபடுகிற பொழுது இயற்கையில் சில மாற்றங்கள் நிகழ்கின்றன. நல்லதை விட கெடுதலே அதிகம். கர்ப்பத்தில் இருக்கும் குழந்தையைப் பாதிக்கக்கூடிய சில கதிர் வீச்சுகள் ஏற்படுகின்றன. இதனால் பிறக்கும் குழந்தைக்கு சில ஊனங்களை ஏற்படுத்தும். பிரசவ காலத்தில் தாய்க்கும் சில சங்கடங்கள் ஏற்பட வாய்ப்புண்டு. இத்தனையையும் ஆராய்ந்து தான் சாஸ்திரங்கள் கிரகண காலத்திற்கென சில நியதிகளை வகுத்துள்ளன. இவற்றில் முக்கியமானவை கர்ப்பிணிப் பெண்களுக்குரியவை தான். கிரகண காலம் முடியும் வரை அறையை விட்டு வெளியே வரக்கூடாது. நகம் கிள்ளக் கூடாது. எந்த வேலையும் செய்யாமல் தெய்வ சிந்தனையுடன் இருக்க வேண்டும். அறிவியல் என்ன சொல்கிறது என்பது வேறு! சாஸ்திரம் இதைத்தான் சொல்கிறது.

**krishnaamma** · **krishnaamma** Thu Dec 08, 2011 9:17 pm

டிசம்பர் 10 சனிக்கிழமை மாலை 6.14 மணிக்கு சந்திர கிரகணம் ஏற்படுகிறது. இரவு 7.58 மணிக்கு உச்சமாகி 9.47 மணிக்கு விடுகிறது. 3 மணி 37 நிமிடங்களுக்கு இந்த கிரகணம் நீடிக்கிறது. சனிக்கிழமை பிறந்தவர்களும் கார்த்திகை, ரோகிணி, மிருகசீரிடம், அஸ்தம், திருவோணம் மற்றும் ரிஷப ராசியில் பிறந்தவர்களும் சாந்தி பரிகாரம் செய்து கொள்ள வேண்டும். கிரகணம் விட்ட பின்பு சனிக்கிழமை இரவே தர்ப்பணம் செய்து கொள்ளலாம். இரவு 10 மணிக்கு சந்திர தரிசனம் செய்ய வேண்டும். அன்று பவுர்ணமி திதி என்பதால் மறுநாள் ஞாயிற்றுக்கிழமை சிரார்த்தம் செய்ய வேண்டும்.

Sponsored content · Sponsored content

சந்திர கிரகணம் -விவரங்கள்

சந்திர கிரகணம் -விவரங்கள்

Re: சந்திர கிரகணம் -விவரங்கள்

Re: சந்திர கிரகணம் -விவரங்கள்

Re: சந்திர கிரகணம் -விவரங்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக