பிரெஞ்சு, இங்கிலாந்து வெளியுறவு அமைச்சர்கள் இலங்கைக்கு மீண்டும் விஜயம்

பிரகாஸ் · பிரகாஸ் Mon Sep 28, 2009 1:48 am

பிரெஞ்சு வெளிவிவகார அமைச்சர் பேர்னாட் குச்னர், பிரிட்டிஷ் வெளிவிவகார அமைச்சர் டேவிட் மில்லி பான்ட் ஆகியோர் வவுனியா இடம்பெயர் முகாம்களிலுள்ள மக்களின் நிலமை குறித்து நேரில் ஆய்வு செய்வதற்காக மீண்டும் விஜயம் செய்ய விரும்புவதாக அறிவித்துள்ளனர். இந்த விருப்பம் குறித்து இவர்கள் தற்போது நியூயோர்க்கிலுள்ள இலங்கை வெளிவிவகார அமைச்சர் ரோகித பொகொல்லகமவுடன் கலந்துரையாடியுள்ளதாக வெளிவிவகார அமைச்சின் அறிக்கையொன்றில் சுட்டிக் காட்டப்பட்டுள்ளது. கடந்த ஏப்பிரல் மாதத்தில் பிரெஞ்சு, இங்கிலாந்து வெளிவிவகார அமைச்சர்கள் ஒன்றுசேர்ந்து இலங்கைக்கு விஜயம் செய்திருந்தமை குறிப்பிடத்தக்கது.

ஏப்பிரல் மாதத்தில் ரோகித பொகொல்லகமவுடன் மேற்கொண்ட பேச்சின் தொடர்ச்சியாக இவர்கள் இருவரும் வெள்ளிக்கிழமை மீண்டும் ரோகிதவுடன் நியூயோர்க்கில் பேச்சுவார்த்தை நடத்தியுள்ளனர். இப்பேச்சின்போது, இடம்பெயர்ந்துள்ள மக்களுக்கான வசதிகள், அவர்களை மீளக்குடியமர்த்தும் திட்டங்கள் குறித்து விரிவாக ஆராயப்பட்டுள்ளது. மீளக்குடியமர்த்தலுக்கு வேண்டிய கால அட்டவணை குறித்தும், மீளக்குடியமர்த்தப்படும் மக்கள் எண்ணிக்கை குற்த்தும் இலங்கை அரசு உறுதியாக இருக்க வேண்டும் பிரஞ்சு, இல்ங்கிலாந்து வெளிவிவகார அமைச்சர்கள் வலியுறுத்தியுள்ளனர்.

நிலக்கண்ணிவெடி அகற்றல் தாமதமாகுவதால் மீளக்குடியமர்த்தல்களும் தாமதமாகுவதாகவும், மக்களை முகாம்களில் வைத்திருப்பதால் அரசுக்கு ஒரு இலாபமும் இல்லை என்றும் கூறியுள்ள போகொல்லகம மீள்க்குடியர்த்தலே தமக்கும் முன்னுரிமையான விடயம் என்று கூறியுள்ளாராம்.

பிரெஞ்சு, இங்கிலாந்து வெளியுறவு அமைச்சர்கள் இலங்கைக்கு மீண்டும் விஜயம்

பிரெஞ்சு, இங்கிலாந்து வெளியுறவு அமைச்சர்கள் இலங்கைக்கு மீண்டும் விஜயம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக