அரசியல் மேதை! (இன்று - அம்பேத்கர் நினைவு தினம்)

இந்தியாவில்
திறமை வாய்ந்த தலைவர்கள் சிலரில், அம்பேத்கருக்கு நிச்சயமான இடம் உண்டு.
தாழ்த்தப்பட்ட சாதியில் பிறந்தது காரணமாக அவர் முன்னுக்கு வருவதில் மிகவும்
கஷ்டப்பட வேண்டியிருந்தது. பம்பாயில் 1893-ம் ஆண்டு பிறந்த இவர்,
பம்பாயிலேயே கல்வி பயின்றார். கொலம்பியா பல்கலைக்கழகத்திலும், பின்னர்
ஜெர்மனி, இங்கிலாந்திலும் மேல் படிப்பு படித்தார். 1923-ல் வக்கீல் தொழில்
மேற்கொண்டார். 1930-32-ல் லண்டனில் கூடிய வட்ட மேஜை மகா நாட்டில்
தாழ்த்தப்பட்ட வகுப்பினரின் பிரதிநிதியாகக் கலந்துகொண்டார்.

பிரிட்டிஷ் பிரதம மந்திரி ராம்ஸே மாக்டனால்ட், 1932-ல் வகுப்புத் தீர்ப்பை
வெளியிட்டார். அதன்படி, ஹரிஜனங்களை ஹிந்து சமூகத்திலிருந்து தனியே
பிரித்துத் தனித் தேர்தல் தொகுதிகள் பிரிக்க ஏற்பாடு செய்யப்பட்டது.
சிறையில் இருந்த காந்திஜி இதை எதிர்த்தார். ஹிந்து சமூகத்தைப் பிளவு
செய்யும் இத்தீர்ப்பை எதிர்த்துச் சாகும் வரை உண்ணாவிரதம் இருக்கப்போவதாக
அறிவித்தார். பிரிட்டிஷ் அரசாங்கம் காந்திஜியை விடுதலை செய்து, ஹரிஜனத்
தலைவர்களுடன் சமரசம் பேசி ஒப்பந்தம் செய்துகொள்ளும் பொறுப்பை ஹிந்து சமூகத்
தலைவர்களின் மீது சுமத்தியது.

ஹரிஜனத் தலைவர்களில் முக்கியமாக விளங்கியவர் டாக்டர் அம்பேத்கர். இவர்
யாருடைய வாதத்திற்கும் மசியவில்லை. காந்திஜியோ ஓர் உடன்பாடு ஏற்பட்டாலொழிய
தான் ஆரம்பித்த உண்ணாவிரதத்தை நிறுத்துவதில்லை என்று சொல்லிவிட்டார்.
எத்தனையோ பேருடைய வற்புறுத்தலுக்கும் வேண்டுகோளுக்கும் இணங்காத அம்பேத்கர்
ராஜாஜியின் வேண்டுகோளுக்கு மதிப்புக் கொடுத்து, 'ஹரிஜனங்களுக்குத்
தனித்தொகுதி வேண்டாம்' என்ற முடிவுக்கு இணங்கினார்.

அம்பேத்கர் 1951-ல் செப்டம்பரில் மத்திய மந்திரி சபையிலிருந்து ராஜிநாமா செய்தார்.

ஹிந்துமத சீர்திருத்த மசோதாவை அப்படியே மொத்தமாக நிறைவேற்றாவிட்டாலும்,
அதைப் பிரிக்க ஒப்புக்கொண்டு, திருமணம், விவாகரத்து ஆகிய பகுதிகளையாவது
நிறைவேற்றவேண்டும் என்று தான் விரும்பியதாகவும் அதுவும் நிறைவேறாமல் போகவே
மந்திரி சபையிலிருந்து தான் விலகுவதாகவும் தெரிவித்தார்.

1956-ம் ஆண்டு டிசம்பர் 6-ம் தேதி புது டில்லியில் காலமானார் டாக்டர்
அம்பேத்கர். மூன்று வருட காலம் முனைந்து மகத்தான அரசியல் சாஸனத்தை
உருவாக்கித் தந்த டாக்டர் அம்பேத்கருக்கு பாரத நாடு நன்றி செலுத்தக்
கடமைப்பட்டிருக்கிறது.

விகடன்

பகிர்விற்கு நன்றிகள் ரேவதி.......அம்பேத்கார் அவர்களை நினைத்துக் கொள்கிறேன்....

போற்றுதலுக்குறியவர் டாக்டர் அம்பேத்கர்...சிறந்த பதிவு ...மகிழ்ச்சியும் நன்றியும்

அற்புதமான தலைவர் ஹிந்து சமுதாயாம் குறித்து மிகவும் ஆக்கபூர்வமாகவும் சிந்தித்த தலைவர்

இந்திய அரசியலின் மேதை.இன்றும் இவரின் பிறந்த நாள் மற்றும் நினைவு நாட்களுக்கு தரும் மரியாதையை, பத்திரிக்கைகளும் ஊடகங்களும் இரட்டிப்பு செய்யத் தான் செய்கிறது காரணம் தாழ்த்தப்பட்டவர் என்பதற்காக.

சில ஆண்டுகளுக்கு முன், நடிகை சிம்ரனின் தங்கை தற்கொலை செய்துகொண்டபோது,அந்த செய்தியை முதல் பக்கத்திலும் அப்போது வந்த இவரின் பிறந்த நாள் செய்தியை கடைசி பக்கத்திலும் போட்டு இருந்தார்கள்.
பகிர்விற்கு நன்றி ரேவதி

நினைவு படுத்தியமைக்கு நன்றி.