ஒரு சாதிக்கட்சி தலைவருடன் ஒருமினி பேட்டி

ஒரு சாதிக்கட்சி தலைவருடன் ஒருமினி பேட்டி

சார் இந்த கம்யுட்டர் காலத்துல சாதி அவசியமா?

இன்னும் 1000 வருசம் கழிச்சு இதே கேள்விய உங்களமாதிரி ஒரு நிருபர் என்னமாதிரி ஒருசாதிக்கட்சிதலைவர்கிட்ட கேட்பான் .ஏன்னா மனுசன் இருக்கறவ‌ ரைக்கும் சாதி அழியாது .கவர்மெண்ட்‌டே சாதி கேட்குறப்போ ஏன் சாதி வேண்டாங்கறீ்ங்க?

இதனால் கலவரம் நிறைய வருதே சார்

நம்ம குடும்பத்துல புருசன் பொண்டாட்டிக்கு நடுவுல வந்தா அது பிரச்சனை ஊர்ல ரெண்டு பேர் அடிச்சிகிட்டா சண்டை, ரெண்டு நாடு அடிச்சிகிட்டா அது போர், ‌ ரெண்டு சாதிக்கும்பல் அடிச்சிகிட்டா அது சாதிக்கலவரம். மனுசங்கன்னு இருந்தா சண்டை ன்னு இருக்கும் தவிர்க்கமுடியாதது. சாதியால மட்டும் சண்ட வர்றதுங்கறத ஏத்துக்கமுடியாத வாதம்

சாதி இல்லாம வாழ முடியாதா?

நாங்க எப்படி கட்சி நடத்தறது? உலமே இனம் வர்க்கம் னு பிரிச்சி வச்சிருக்காங்க இதனாலதான் போர் உருவானதா வரலாறு ‌ ‌சொல்லுது
ஹிட்லர் யூதர்கள கொன்னு குவிக்கலயா? அமெரிக்கன் கறுப்பினமக்கள கொல்லலியா? நம்ம ஊர்ல சாதி இருக்கு அதனால சாதி ய வேண்டாம்னு ‌சொல்லமுடியாது. இனம் மதம்னு உலகஅளவிலயும், சாதினு நம்ம ஊர் அளவிலயும் இந்த ‌‌சமுதாய ‌‌அமைப்பு உலகம் இருக்கற வரைக்கும் இருக்கும்

பாரதியார் சாதிகள் இல்லையடி பாப்பா என்று கூட சொல்லி இருக்கிறாரே ..?

அந்த பாப்பாவிற்கே சாதி சான்றிதழ் கேட்குராங்களே இப்போ..நல்லவேளை ..பாரதி இப்போ உயிரோடு இல்ல .இருந்தா அவர்கிட்டேயும் கேட்பாங்க.அவரு எலக்சன்ல நிக்கல.நின்று இருந்தால் அவரும் ஜாதி வேணும்னு சொல்லி இருப்பாரு ..

சாதி வெறிய தூண்டறமாதிரி பேசறீங்களே?

சாதி வெறிய தூண்டற மாதிரி பேசல சாதி உணர்வத்தான் தட்டி எழுப்பறேன் உணர்வு வேற.... வெறி வேற

உங்க கட்சி ஆட்சிக்கு வந்தா என்ன மாதிரியான திட்டங்கள் வச்சிருக்கீங்க----?

சாதி விட்டு சாதி கல்யாணம் ‌பண்றவங்களுக்கு ‌ரேசன் கார்டு கிடையாது , சலுகைகள் இலவசங்கள் கிடையாது ‌,குழந்த பெத்துக்க உரிமை கிடையாது குடும்பகட்டுப்பாடு ஆ‌‌பரேசன் அரசே பண்ணிடும்

சாதிய இன்றைய தலைமுறையினர் எதிர்க்கறாங்களே?

அவங்களோட நடைமுறை சமுதாய வாழ்க்கைல ஒரு தனித்தீவாத்தான் இருப்பாங்க உறவுமுறைகள் ஒட்டியும் ஒட்டாமல் இருப்பது அவங்களுக்கே தெரியும்

http://theerakkadhal.blogspot.com/2011/12/blog-post_5248.html

நன்றிகள்