வெட்கத்தை கேட்டால் என்ன தருவாய்?

by **Admin** Sat Jan 10, 2009 9:05 am

First topic message reminder :

அழகான பொருட்களெல்லாம்
உன்னை நினைவுபடுத்துகின்றன,
உன்னை நினைவுபடுத்துகிற
எல்லாமேஅழகாகத்தான்
இருக்கின்றன. .

by **Admin** Sat Jan 10, 2009 11:46 am

அதைப் பற்றி
இந்த இரவில்
இப்படித் தனிமையில்
அசைபோடுகிறபோது ...

எனக்கு எதற்காக
மார்புகள் வளர்ந்திருக்கின்றன
என்பது புரிந்துவிட்டது.

நீ மட்டும் இப்போது
என் அருகில் இருந்திருந்தால்,
நீ என் கையைப் பிடித்ததற்கும்
உன் கையை விட்டுவிட்டு
நான் ஓடிவந்ததற்கும் சேர்த்து,

உன்னை இழுத்து
முத்தம் கொடுத்துவிட்டு ...
'களுக்' என்கிற
வெட்கச் சிரிப்புடன்
உன்மார்பில்
புதைந்து
கொண்டிருப்பேன்.

by **Admin** Sat Jan 10, 2009 11:50 am

உன்னிடம்
எந்தக் கெட்டப்
பழக்கமும் கிடையாதென்பது
எனக்கு மகிழ்ச்சிதான்

எனினும்
வருத்தமாய் இருக்கிறது.
நான்சொல்லி
நீ விட ஒரு
கெட்டப் பழக்கம்கூட
இல்லையே உன்னிடம்.

by **Admin** Sat Jan 10, 2009 11:51 am

சின்ன வயதில் ...
தோல்வியை விரும்பியதில்லை.
போட்டிகளை விரும்பினேன்.

இப்போது
போட்டிகளை விரும்புவதில்லை.
ஆனால் தோல்விகளை விரும்புகிறேன்.

அதுவும்
உன்னிடம் மட்டும்
தோற்பதில் இவ்வளவு
ஆனந்தம் இருக்கிறது
என்பதை உணர்த்தியவன் நீதான்.

by **Admin** Sat Jan 10, 2009 11:52 am

என் தோல்வியை விட
என்னைத் தோற்கடித்தவன்தான்
என்னை நேசிப்பவன்
என்பதை நினைக்கையில்
எவ்வளவு மகிழ்ச்சியாய் இருக்கிறது.

நாம் இருவரும்
தனியாய் இருக்கையில் ...
இந்தக் கண்ணாடிக்கு
ஏன் இத்தனை
கண்கள்
முளைத்துவிடுகின்றன!

by **Admin** Sat Jan 10, 2009 11:53 am

அன்றொரு நாள்
நீ என் கையைப்
பிடித்தபோது
உடைந்த வளையலை
உடைந்த மாதிரியே
இன்னும் வைத்திருக்கிறேன்.

ஆனால்
சற்றுமுன் நீ
என்னைக்
கட்டிப்பிடித்தபோது
கசங்கிய சேலையைக்
கசங்கியபடியே வைத்திருக்க
முடியவில்லை.

உன் காதல் ப
ற்றி எதுவும்
தெரியாத
இந்தச் சேலையை
வைத்துக்கொண்டு
என்னசெய்வது?

by **Admin** Sat Jan 10, 2009 11:55 am

என்ன வேதனை ...

என் இரண்டு
இதழ்களையும்
கொண்டு
உனக்கு

ஒரு முத்தம்தானே
தர முடிகிறது.

by **Admin** Sat Jan 10, 2009 11:56 am

உனக்கேன்
இந்த மாதிரி
ஆசையெல்லாம் வருகிறது?

என் வளையலை உடைப்பது ...
கொலுசத் திருகாணியைக்
கழற்றி விடுவது ...
கூந்தலில் இருக்கும்
பூவைப் பறித்து
உன் கன்னத்தில்
உரசிக் கொள்வது ...

காதில் தொங்கும்
ஜிமிக்கியை
ஆடவிட்டு
வேடிக்கை பார்ப்பது ...

by **Admin** Sat Jan 10, 2009 11:59 am

ஆனால் ஒன்று ...
சின்ன வயதிலிருந்து ...
இந்தத் தோடு ...
வளையல் ...
பூ ...
கொலுசு ...
இதெல்லாம் எதற்காக
அணிந்து கொள்ளவேண்டும் ...
என்று யோசித்து யோசித்து
விடை தெரியாத
கேள்விக்கு
உன்னால்தான்
விடை கிடைத்த
மாதிரியிருக்கிறது எனக்கு.

உன் காதலியாய்
இருந்தவரையில் ...
நான் உடலால்
ஆனவளாகத்தான் இருந்தேன்.

உன் மனைவியாக
ஆனபின்னே ...
உன் விரல்களால்
ஆனவளாக ஆகிவிட்டேன்.

by **Admin** Sat Jan 10, 2009 12:07 pm

இன்று நான்
தரையில் படுக்கப் போகிறேன்.
வெறும் தரையிலா?
அப்போ ...
உன் சேலையைக் கொடு.
கட்டியிருக்கேனே.
கொடுத்துட்டு ...
என்னைக்கட்டிக்க.

ம் ... சேலை மாதிரி
நீயும் சும்மா இருந்தா
தினம் கட்டிப்பேன்.
சேலை மாதிரி
நானும் சும்மா
இருக்கணுமா?

வேண்டாம்.

by **Admin** Sat Jan 10, 2009 12:09 pm

உனக்கு நான்
விளையாட்டுப்
பொருளாகி விட்டேன்.
ஒரு விடுமுறை நாளில் ...

நான் குளித்து முடித்து
சேலை மாற்றுகையில் ...
வந்து வம்பு செய்து ...
நான் கட்டிவிடுகிறேன்...
என்றாய் ...

உன்னிடமா தப்ப முடியும்.
ம் ம் ... என்றேன்.
கற்றுக்கொடு என்றாய்.

இவ்வளவு ஆர்வமாகவும் ...
இவ்வளவு மெதுவாகவும்
நீ கற்றுக்கொண்டது
இதுவாகத்தான் இருக்கும்.

நீ கட்டி முடிப்பதற்குள் ...
ஏய் உதைக்கணும் உன்னை;
சேலையைக்
கண்டுபிடித்தவனையும்.