வெட்கத்தை கேட்டால் என்ன தருவாய்?

by **Admin** Sat 10 Jan 2009 - 10:35

First topic message reminder :

அழகான பொருட்களெல்லாம்
உன்னை நினைவுபடுத்துகின்றன,
உன்னை நினைவுபடுத்துகிற
எல்லாமேஅழகாகத்தான்
இருக்கின்றன. .

by **Admin** Sat 10 Jan 2009 - 12:54

சொல்லாமல் வந்து விடுகிற
மழையில் நனைந்து
வருகிற என்னை

உன் நெஞ்சில்சாய்த்து
தலை துவட்டி விடவும்
சாப்பிட்டு அலம்பிய
என் கையை
உன் சிணுங்கலுக்கிடையே
துடைத்துக்
கொள்ளவும்தான்

இந்தச்
சேலைத் தலைப்பு
இவ்வளவு நீளமாய்
இருக்கிறதா?

by **Admin** Sat 10 Jan 2009 - 12:56

உன் மார்புகளுக்கு
நடுவே படுத்துக்கொள்கிற
மாதிரி என்னை
எப்படியாவது
சின்னவனாய்
ஆக்கிவிடேன்.

நீ அழு ...
சோகம்
தாங்காமலோ
வலியினாலோ அல்ல.

சந்தோஷம்
தாங்கமுடியாமல்.
ஆனால் சிந்தும்
ஒவ்வொரு
கண்ணீர்த்துளியும்
என் மேல்தான்
விழ வேண்டும்.

செடியில்
பூத்துக்கொண்டே
உன் முகத்திலும்
பூக்க எப்படி
முடிகிறது
இந்தப் பூக்களால்.

by **Admin** Sat 10 Jan 2009 - 12:58

உன் மேல்
கோபப்படுகிற போதெல்லாம் ...
கொஞ்ச நேரங்கழித்து ...
ஏன் கோபித்தோம் என்றிருக்கும்.

அப்போதெல்லாம்
உன் மேலிருக்கிற அன்பு
இன்னும் அதிகமாகும்.

ஆனால் நீயோ ...
இனிமே கோபம்
வருகிறமாதிரி
எந்தத் தப்பும்
செய்யமாட்டேன் என்பாய்.

இல்லையில்லை ...
தவறுகள்
செய்துகொண்டே இரு.
அன்பு அதிகரித்துக்
கொண்டே இருக்கட்டும்.

by **Admin** Sat 10 Jan 2009 - 12:59

அழகாய் நீ சிரிக்கிற
முகத்தை விட ...
கண்ணீர் மிதக்கும்
உன் முகத்தை
ஒரு முறை
பார்த்தது மறக்கவே
இல்லை எனக்கு.

அதைவிட அழகாய்
நீ எப்போதும்
இருந்ததில்லை.

ஆனால் இப்போது
இருக்கிறாய்.
என் விரலில்
ஏற்பட்ட காயத்துக்கு
மருந்து போட்டுக்கொண்டு.

by **Admin** Sat 10 Jan 2009 - 13:00

ஒரு நாளாவது
கதவைத் தட்டிவிட்டு
உனக்காக காத்து
நிற்கவேண்டும் என்று
ஆசைப்படுகிறேன்.

ஆனால் நீயோ
நான்தெருவில்
வரும்போதே
வாசலில் நின்று
எனக்காக
உன் கண்களை
நீட்டுகிறாய்.

by **Admin** Sat 10 Jan 2009 - 13:02

ஒரு நாளாவது
யார்?
என்று கேள்விக்குறியுடன்
கதவு திறந்து எட்டிப் பார்க்கும்
உன் முகத்தினைப்
பார்த்துவிடவேண்டும்
என்கிற ஆசையை
நீ நிறைவேற்றி
வைக்கப்போவதில்லை போல ...

என்ன காதல் மனைவி நீ?

by **Admin** Sat 10 Jan 2009 - 13:03

உன்னைத் தவிர
வேறு எந்தப்
பெண்ணையும்
நான் தொட்டுவிடாமல்
இருக்க ஒருவழி
கண்டுபிடித்து
வைத்திருக்கிறாய் நீ.

நான் உன்னைத் தொடுகையில்,
எப்படியோ என்
விரல்களில் உன்
அங்கங்களை ஒட்டவிடுகிறாய்.

வேறு பெண்கள்
பற்றிய எண்ணம்
எதுவும் எனக்கு
இல்லையெனினும்
உன் மார்ப்புகளைச்
சுமந்திருக்கும்
என் கைகளால்

எப்படித் தொட முடியும்
இன்னொரு பெண்ணை!

by **Admin** Sat 10 Jan 2009 - 13:08

உனக்காகச் செய்ய
நினைத்த எதையுமே
உன்னால்தான்
செய்து முடிக்க
வேண்டியிருக்கிறது.

வாழ்க்கையையும் கூட.

by **Admin** Sat 10 Jan 2009 - 13:09

நாம் இருவரும்
பார்வையில் பழக
ஆரம்பித்த நாட்களில் ...

என்னையே பார்த்துக்
கொண்டிருப்பதை
நான் பார்த்துவிட்டால் ...

நான் ஒன்றும்
உன்னைப் பார்க்கவில்லையே ...
என்று கலங்கரை
விளக்கு மாதிரி
முகத்தைத் திருப்பிக் கொள்வாய்.

ஆனால் உன்னையே
நான் பார்த்துக்
கொண்டிருப்பதை
நீ பார்த்துவிட்டால் ...

ஐயோ பாத்துட்டானே ...

என்கிற பதைப்பில்
சட்டென்று திரும்புகிற
போதே

கொட்டிவிடுகிறது காதலெல்லாம்.

by **Admin** Sat 10 Jan 2009 - 13:11

சின்ன வயதில்
சில நேரங்களில்
வெட்கப்பட்டிருக்கிறேன்.
ஆனால்,
அப்போது வெட்கப்படுவதில்
வெட்கப்படுவதைத்
தவிர வேறு
எதுவும் இருந்ததில்லை.
வேறு ஏதாவது
இருக்கும் என்பது
கூட அப்போதெனக்குத்
தெரிந்ததில்லை.

இன்று மாலை ...
பேசிக் கொண்டிருக்கையில்
சட்டென்று நீ என்
கையைப் பிடித்துவிட்டபோது ...

உன் கைக்குள்
இருக்கும் என் பெண்மையிலும் ...
வேண்டாம் இருக்கட்டும் ...
என்கிற காதலிலும்
மாறி மாறித் தவித்ததவிப்பில் ...

அப்பா! வெட்கப்படுவதில்
என்னென்ன இருக்கிறது.