நிறைவான ஊதியத்தில் நிலையான வேலை!

நிறைவான ஊதியத்தில் நிலையான வேலை! நுழைவுத் தேர்வு பயிற்சிகளை வழங்கும் பாஸ்கர்:

ராணுவ அதிகாரி என்பது, மிகவும் பெருமைக்கும், திருப்திக்கும் உரிய ஒரு பதவி. தைரியம், வீரம், கட்டுப்பாடு என, சிறப்பான வாழ்நாள் அனுபவத்தை, தரக்கூடிய பதவி. அதிலும், பள்ளிப் படிப்பிற்குப் பின், நேரடியாக ராணுவமே அளிக்கும் கல்லூரிப் படிப்பையும், ராணுவப் பயிற்சியையும் ஒரு சேரப் பெற்று, ராணுவ அதிகாரியாவது, "நேஷனல் டிபன்ஸ் அகடமி'யால் மட்டுமே சாத்தியம். விரும்பிய கல்லூரிப் படிப்பு, ராணுவப் பயிற்சி, கல்விக் கட்டணம், தங்கும் வசதி, உணவு உள்ளிட்ட அனைத்து செலவுகளையும், அந்த நிறுவனமே பார்த்துக் கொள்கிறது. விரும்பிய கல்லூரிப் படிப்பு, ராணுவ பயிற்சி, கல்விக் கட்டணம், தங்கும் வசதி, உணவு உள்ளிட்ட அனைத்து செலவுகளையும், அந்நிறுவனம் பார்த்துக் கொள்ளும். இந்நிறுவனத்தில் சேர்வதற்கான நுழைவுத் தேர்வை, மத்திய பணியாளர் தேர்வாணையம் நடத்துகிறது. தேர்வு மொழி ஆங்கிலம் மட்டுமே. கல்வித் தகுதி, மத்திய அல்லது மாநில அரசுகளால், அங்கீகரிக்கப்பட்ட கல்வி நிறுவனத்தில், பிளஸ் 2 அல்லது, அதற்கு இணையான கல்வியை முடித்திருக்க வேண்டும். அதிகபட்சமாக, 19 வயதிற்குள் இருக்க வேண்டும். இடையில் எந்த வகுப்பிலும், தோல்வியுற்றிருக்கக் கூடாது. இந்தியக் குடிமகனாக இருப்பது அவசியம். உடல் நலத் தேர்வும் உண்டு. மூன்று ஆண்டு படிப்பு முடிந்ததும், முப்படைகளுக்குமான தனித்தனிப் பயிற்சி நிறுவனங்களில், ஏதேனும் ஒன்றுக்கு அனுப்பப்படுவர். இப்பயிற்சி முடித்தவர்களுக்கு, "லெப்டினென்ட்' என்ற நிலையில், அதிகாரியாக நேரடி பதவி கிடைக்கும். துவக்க சம்பளமே, 40 ஆயிரம் ரூபாய் என்பதால், போட்டி அதிகம்.


dinamalar

நன்றி ஜேசுதாஸ்!!