குட்டி ஐஸ் படத்தை வெளியிட ரூ.5 கோடி பேரம்!

by **krishnaamma** Tue Dec 06, 2011 1:43 pm

First topic message reminder :

நடிகை ஐஸ்வர்யா ராய் - அபிஷேக் பச்சன் குழந்தையின் படத்தை வெளியிட ரூ 5 கோடி தருவதாக பத்திரிகைகள் அமிதாப் பச்சனிடம் பேரம் பேசியுள்ளன. ஆனாலும் குழந்தையின் படத்தை தர மறுத்து விட்டாராம் அமிதாப் பச்சன். மாஜி உலக அழகியும், நடிகையுமான ஐஸ்வர்யா ராய்க்கு கடந்த 16ம்தேதி மும்பை மருத்துவமனையில் பெண் குழந்தை பிறந்தது. சுகப்பிரசவத்துக்குப் பின் ஒரு வாரத்துக்கு கழித்து டிஸ்சார்ஜ் ஆகி வீட்டுக்கு சென்றார் ஐஸ்வர்யா. தற்போது குழந்தைக்கு பெயர் சூட்டு விழா நடத்துவதற்கான ஏற்பாடுகள் நடந்து வருகின்றன.

அமிதாப் பச்சன், அபிஷேக் பச்சன், ஐஸ்வர்யாராய் போல "ஏ" என்ற ஆங்கில எழுத்தில் தொடங்குவது போன்ற பெயரை தேர்வு செய்கிறார்கள். ரசிகர்களிடமும் பெயரை தேர்வு செய்து அனுப்பும்படி அபிஷேக் பச்சன் கேட்டுள்ளார். இதற்கிடையில் ஐஸ்வர்யா ராய் குழந்தை படத்தை வெளியிடும்படி இன்டர் நெட்டில் ரசிகர்கள் வற்புறுத்தினர். அமிதாப்பச்சன் மறுத்து விட்டார். இந்நிலையில், இரு பத்திரிகைகள் அமிதாப்பச்சனை தொடர்பு கொண்டு குழந்தை படத்தை பிரசுரிக்க கேட்டுள்ளன. இதற்காக ரூ.5 கோடி தருவதாக பேரம் பேசியதாகவும் தகவல் வெளியாகி உள்ளது. ஆனால் அமிதாப்பச்சன், பேத்தி படத்தை கொடுக்க மறுத்து விட்டாராம்!