புற்று நோய் புத்தகம்; அமெரிக்க வாழ் இந்திய டாக்டருக்கு விருது

**இளமாறன்** · **இளமாறன்** Sat Dec 03, 2011 11:00 pm

லண்டன், டிச 3-

அமெரிக்க வாழ் இந்திய டாக்டர் சித்தார்த்த முகர்ஜி. இவர் கொலம்பியா பல்கலைக்கழகத்தில் மருந்து துறையில் உதவி பேராசிரியராக பணிபுரிகிறார். இவர் புற்று நோய் குறித்த தி எம்பரர் ஆப் ஆல் மால்டீஸ் என்ற புத்தகம் எழுதியுள்ளார். அந்த புத்தகத்துக்கு மருத்துவ துறையில் உயரிய “கார்டியன்” விருது கிடைத்துள்ளது.

அத்துடன் ரூ.75 லட்சம் பரிசு தொகையும் வழங்கப்படுகிறது. இது அவர் எழுதிய முதல் புத்தகம் ஆகும். டாக்டர் முகர்ஜி எழுதிய இந்த புத்தகத்துடன் அமி வால்ட் மேன் உள்ளிட்ட 4 பேர் எழுதிய புத்தகங்களும் போட்டியில் இடம் பெற்றன. அவற்றையெல்லாம் முந்தி டாக்டர் முகர்ஜியின் புற்று நோய் குறித்த புத்தகம் விருதை வென்றது.

இந்த புத்தகத்தில் புற்று நோய் என்றால் என்ன? அது எப்படி எப்போது உருவானது என்பன போன்ற முழு ஆராய்ச்சி கட்டுரைகள் இடம் பெற்றுள்ளன. இது அடுத்து வர இருக்கின்ற இளைய தலை முறையினரின் ஆராய்ச்சிக்கு மிகவும் பயனுள்ளதாக இருக்கும் என டாக்டர் முகர்ஜி தெரிவித்துள்ளார்.

இந்த புத்தகத்துக்கு விருது கிடைக்கும் என நான் எதிர்பார்க்கவில்லை. புற்று நோய் விழிப்புணர்ச்சி பற்றிய புத்தகம் எழுத வேண்டும் என்ற எண்ணம் என் மனதில் உதித்தது. எனவே நான் எழுதினேன் என்றார். ஏற்கனவே இவர் புலித்ஷர் விருதும் பெற்றுள்ளார்.