விழியீர்ப்பு விசை

by **Admin** Sat Jan 10, 2009 8:12 am

First topic message reminder :

என்னுடையது என்று நினைத்துத்தான்
இதுவரையில் வளர்த்து வந்தேன்.
ஆனால் முதல்முறை
உன்னைப் பார்த்ததுமே
பழக்கப்பட்டவர் பின்னால்
ஓடும் நாய்க்குட்டி மாதிரி
உன் பின்னால் ஓடுகிறதே
இந்த மனசு.

by **Admin** Sat Jan 10, 2009 9:00 am

கும்பலில் எல்லாம்
நீ போகாதே . . .
யார் யாரோ மிதிக்கிறார்கள்
உன் நிழலை.

by **Admin** Sat Jan 10, 2009 9:00 am

நான் கிள்ளிய இடத்தில்
ரத்தம் கட்டிவிட்டது
என்று புலம்புகிறாயே . . .
முட்டாள் . . . நன்றாகப் பார்
கட்டியிருப்பது ரத்தமா
காதலா என்று

by **Admin** Sat Jan 10, 2009 9:01 am

குளித்துவிட்டு வந்த நீ
அறையில் என்னைப் பார்த்ததும்
"நான் ஆடை மாற்ற வேண்டும்.
ஹாலுக்குப் போ" என்றாய்
நான் எழுந்து நடக்கையில் . . .
"போன்னு சொன்னா போயிடறதா"
என்று முனகினாய்
அட நீயும் காதலிக்கக் கற்றுக் கொண்டாயே!