நமது சமுதாயம் - கவிதைத் தொடர்

by **பிஜிராமன்** Mon Dec 05, 2011 10:44 pm

First topic message reminder :

வணக்கம் நண்பர்களே

நான் இந்த திரியில், நமது சமுதாயத்தில் மக்கள் செய்யும், நம் அனைவருக்கும் தெரிந்த மற்றும் தெரியாத பல தொழில்களுக்கு, கவிதை வடிவிலே, அந்த தொழிலின் தன்மை, அதில் உள்ள கஷ்டங்கள், நன்மைகள் என அலசி இங்கு தர உள்ளேன். இதற்காக நான் தொழில்களை கீழ்க்கண்டவாறு பாகுபாடு செய்துள்ளேன்.

1. சுகாதாரம் பேணுவோர்
2. கலைஞர்கள்
3. குறும்வியாபாரிகள் மற்றும் தொழிலாளர்கள்
4. கடின உழைப்பாளர்கள்
5. முக்கிய பொறுப்பு வகிப்பவர்கள்
6. இதர பணியாளர்கள்

மேலுள்ள ஒவ்வொரு பகுதியிலும் அது சம்பந்தமான தொழில்கள் இடம் பெரும். நான் அந்த பகுதியில் வேறு ஏதாவது தொழிலை சேர்க்க வேண்டும் என்று உங்களுக்கு தோன்றினால் எனக்கு தனிமடலிலோ அல்லது இதே திரியில் தங்கள் பின்னூட்டதுடன் இணைத்தோ தெரிவிக்கலாம் நண்பர்களே.....

இது என்னுடைய 2000 ஆம் பதிவு எனபதையும், தங்கள் ஊக்கமும் ஆசியும் வேண்டும் என்றும் கேட்டுக் கொண்டு, இந்த திரியை ஒரு தமிழ்வாழ்த்துப் பாடலுடன் தொடங்குகிறேன்.

நன்றிகள் உறவுகளே

நற்றமிழ் நாற்பொழுதும் நான் பயிலவே
கற்பக நன்மரம்போல் கல்வியை நீத்தர
சொற்களால் என்றன்தீஞ் சோர்வு அகற்றிடும்
அற்புதஅன் னைத்தமிழ்வாழ் க

1. சுகாதாரம் பேணுவோர்

சாக்கடைத் தூய்மையாளர்கள்

ஊர்சேர்ந்து உண்டாக்கும் கழிவுகள்
ஒருசேர தேங்கிடும் தொட்டியில்
குப்பைகள் சேரவே தொட்டியில்
அடைப்புகள் தன்னால் ஏற்படும்

மக்களின் நலனினை மனதிலும்
வறுமையை தன் வயிற்றிலும்
சுமந்திடும் சாக்கடைப் பணியாளர்
இறங்குவார் அந்நரகக் குழியிலே

ஒருநிமிடம் செல்லவே அவ்வழியிலே
மூக்கது மூடிடும் முகமது சுழிந்திடும்
பலமணிகள் அக்குழியுள் இருப்பரே
உழைப்பரே நமைக்காக்கும் கடவுளர்

கீழ்மட்ட மக்களும் தாழ்தப்பட்டோரும்
ஒழிந்தது எனநாம் கூறிடும்சொல்லான
தீண்டத் தகாதவரும் தினஞ்செய்வரே
இவ்வேதனை நிரம்பிய தொழிலினை

சாதாரண மக்களொடு ஒப்பிடவேஇவர்
வாழும்விகிதம் பத்தாண்டு முந்தியது
பணியிலிருந்து ஓய்வுபெரும் முன்னரே
உயிரது போயிடும் கொடுமையும் உண்டு

ஊரே நோயின்றிவாழும் வழிசெய்யுமிவர்
ஊரிலுள்ள நோயனைத்தின் கூடாரமானரே
ஒன்றிரண்டு பெற்றிடும் கூலிப்பணமும்
நோய்தீர்க்க விரையமாய்க் கழியுமே

தொழிநுட்பம் வளர்ந்த இக்காலத்தில்
எத்தனையோ பணிசெய்ய கண்டனர்
பலகருவியை கோடிபணம் செலவளித்து
இதற்கொரு கருவியைக் கண்டறியாததேன்??

தங்கள் வாழ்விலே துயரங்கள் பலச்சந்தித்தாலும்
எப்படி நினைக்கிறீர் இத்தொழிலினை எனக்கேட்க
மக்கட்கு தூய்மையைத் தருவாதல், நெஞ்சமது
கொஞ்சம் துயரத்தை மறக்குது, எனசொல்லக்கேட்க
நெஞ்சமது கனக்குது கண்ணில்நீர் பெருகுது

இத்தூய்மையாளர் வாழ்வும் தூய்மையாகவும்
பாதுகாப்பு வழிகளைக் கைக்கொள்ளவும்அரசு
ஒருபகுதி நிதியாவது ஒதுக்கவேஇவர்கள்
வாழ்வதில் கொஞ்சம் வெளிச்சம் பிறக்குமே

கழிவை அகற்றும் கடவுளரை நாமும்
இழிவாய் நினைத்தல்வேண் டாம்

by **பிஜிராமன்** Fri Dec 16, 2011 3:33 pm

உமா wrote:
பிஜிராமன் wrote:

வீதியை சுத்தம் செய்பவர்கள்........

அக்கா இரண்டாவதாக கூறுபவர்களை.......எந்த பெயரில் குறிக்கலாம்.......செவிலியர்கள் என்று குறிக்கலாமா.....அல்லது வேறு பெயர் உள்ளதா

மிக்க நன்றிகள் அக்கா.....

செவிலியர்கள் சரியே - இவர்களை பற்றி கட்டாயம் எழுத வேண்டும் தம்பி.

வீதியை சுத்தம் செய்பவர்கள் - துப்புரவாளர்கள் என்றுமே சொல்லலாம்.

கண்டிப்பாக தகவல் சேகரித்து எழுதுகிறேன் அக்கா,

துப்புரவாளர்கள் என்பது பொதுவான பெயர் அக்கா, இவர்கள் அனைவருமே, அந்த பெயருக்கு கீழ் வருவார்கள்........

அடுத்து சலவை செய்பவர்கள், பற்றியும் எழுத வேண்டும்

by **உமா** Fri Dec 16, 2011 3:52 pm

பிஜிராமன் wrote:

அடுத்து சலவை செய்பவர்கள், பற்றியும் எழுத வேண்டும்

by **உமா** Sat Dec 17, 2011 3:02 pm

வீட்டில் வெள்ளை அடிப்பவர்கள்
வாகனங்களை சர்வீஸ் செய்து சுத்தம் செய்பவர்கள்
அழகு நிலையம் வைத்து இருப்போர்

by **பிஜிராமன்** Sat Dec 17, 2011 3:09 pm

உமா wrote:வீட்டில் வெள்ளை அடிப்பவர்கள்
வாகனங்களை சர்வீஸ் செய்து சுத்தம் செய்பவர்கள்
அழகு நிலையம் வைத்து இருப்போர்

அக்கா, மிக்க நன்றிகள், நீங்கள் இவற்றை யோசிக்க நிச்சயம் மெனக்கெட்டிருப்பீர்கள். நீங்கள் கூறியதில், வெள்ளை அடிப்பவரை எடுதுக் கொள்ளலாம், அழகு நிலையம் வைதிருப்பவரை நாம் முடிதிருத்துவோர் என்று முன்பே கூறிவிட்டோம், ஆக இது அது சார்ந்த தொழில் என்பதால் விடலாம்,

சர்வீஸ் செய்பவர்களை கடின உழைப்பாளர்கள் பக்தியில் இணைத்து விடலாம்.......சரியா அக்கா.....

by **உமா** Sat Dec 17, 2011 3:12 pm

பிஜிராமன் wrote:
உமா wrote:வீட்டில் வெள்ளை அடிப்பவர்கள்
வாகனங்களை சர்வீஸ் செய்து சுத்தம் செய்பவர்கள்
அழகு நிலையம் வைத்து இருப்போர்

அக்கா, மிக்க நன்றிகள், நீங்கள் இவற்றை யோசிக்க நிச்சயம் மெனக்கெட்டிருப்பீர்கள். நீங்கள் கூறியதில், வெள்ளை அடிப்பவரை எடுதுக் கொள்ளலாம், அழகு நிலையம் வைதிருப்பவரை நாம் முடிதிருத்துவோர் என்று முன்பே கூறிவிட்டோம், ஆக இது அது சார்ந்த தொழில் என்பதால் விடலாம்,

சர்வீஸ் செய்பவர்களை கடின உழைப்பாளர்கள் பக்தியில் இணைத்து விடலாம்.......சரியா அக்கா.....

சரி ராமன்.
நன்றி

by **பிஜிராமன்** Sat Dec 17, 2011 3:20 pm

சரி ராமன்.

நன்றிகள் அக்கா....... புன்னகை

by **பிஜிராமன்** Sat Dec 17, 2011 3:54 pm

1. சுகாதாரம் பேணுவோர்

காலணி தைப்பவர்கள்

மக்கள் சங்கமிக்கும் முக்கிய இடத்தினிலே
பாய்விரிப்பின் மீதினிலே வீற்றிருப்பார்
வெயிலில் தனைக்காக்க குடையடியில் இருப்பாரே
அக்குடையது நமக்கவரைக் காட்டிக் கொடுத்திடுமே

அறுந்தக் காலணியைத் தைத்திடுவார் - அதனோடு
அவர்தம் வறுமைப் பசியையும் தைத்திடுவார்
காலணிக்கு பளபளப்பைக் கொடுத்திடுவார் - அதனாலே
தம்குடும்பத்திற்கு பாதுகாப்பைக் கொடுத்திடுவார்

மரத்தின் அடியில் இருந்திடுவார் - தம்உழைப்பில்
உண்பதனால் மனதில் மகிழ்ச்சியும் கொண்டிடுவார்
உருவாக்கும் திறமும் கொண்டிடுவார் - அதனால்புது
காலணி செய்திடுவார், சாம்பாத்தியம் பண்ணிடுவார்

காலணி அணியாமல்நாம் செல்லுவதில் - சுகா
தாராமில்லை, காலணி அணிந்தாலும் அதுயென்றும்
அறுந்திடாதென்ற உறுதியில்லை, நம் பணத்தையும்
காத்திடுவார், வரும்நோயையும் தடுத்திடுவார் இவர்

காலில் அணிந்தபடி காலணியை - பளபளப்பாய்
ஆக்குயென உரைப்பதில் மனித நேயமில்லை
கலற்றிக் கொடுத்திடுங்கள், பிறகாகும்
நம் காலணி மிகப் பளபளப்பாய்

அறுந்தநம் காலணியை ஆர்வமாக தைத்து
சிறப்பாக வாழ்வோர் இவர்

by **உமா** Sat Dec 17, 2011 4:08 pm

பிஜிராமன் wrote:
அறுந்தநம் காலணியை ஆர்வமாக தைத்து
சிறப்பாக வாழ்வோர் இவர்[/color] [/color][/b]

நல்லா இருக்கு ராமன் கவிதையும், குறளும்.
மகிழ்ச்சி

காலணி அணியாமல்நாம் செல்லுவதில் - சுகா
தாராமில்லை, காலணி அணிந்தாலும் அதுயென்றும்
அறுந்திடாதென்ற உறுதியில்லை, நம் பணத்தையும்
காத்திடுவார், வரும்நோயையும் தடுத்திடுவார் இவர்