பெரியாறு அணை பேச்சுவார்த்தை தமிழகம் புறக்கணிப்பு: மத்திய அரசுக்கு தமிழக அரசு பதில்- தினமலர் oru பார்வை

பெரியாறு அணை பேச்சுவார்த்தை புறக்கணிப்பு: மத்திய அரசுக்கு தமிழக அரசு பதில்
செ
ன்னை: முல்லைப் பெரியாறு அணை பேச்சுவார்த்தையை, தமிழக அரசு புறக்கணித்துள்ளது.

முல்லைப் பெரியாறு அணை விவகாரம் தொடர்பாக, தமிழக மற்றும் கேரள அதிகாரிகள் மட்டத்திலான பேச்சுவார்த்தைக்கு, நாளை மத்திய அரசின் நீர்வளத் துறை ஏற்பாடு செய்துள்ளது. இதை, தமிழகம் புறக்கணித்துள்ளதால் பரபரப்பு ஏற்பட்டுள்ளது. கடந்த 30 ஆண்டுகளாக முல்லைப் பெரியாறு அணை விவகாரம் தீர்க்கப்படாமல் உள்ளது. ஒவ்வொரு கட்டத்திலும், அணை விவகாரத்தை தேவையில்லாமல், கேரள அரசு கிளப்பி வருகிறது. தற்போதும், பிரச்னையை கேரள அரசு தீவிரப்படுத்தியுள்ளது. முல்லைப் பெரியாறு அணையின் நீர் மட்டத்தை 142 அடியாக உயர்த்த, சுப்ரீம் கோர்ட் தீர்ப்பு வழங்கியது. இதில், எந்த சட்ட அமைப்புகளும் தலையிட முடியாது என, கேரள சட்டசபையில் அவசர சட்டம் கொண்டு வந்தது. இதை ரத்து செய்ய வேண்டும் என, தமிழக அரசு சுப்ரீம் கோர்ட்டை அணுகியுள்ளது. இதற்கிடையே, அணையின் நிலைத் தன்மை மற்றும் பாதுகாப்பை ஆய்வு செய்து அறிக்கை அளிக்க, ஓய்வு பெற்ற தலைமை நீதிபதி ஆனந்த் தலைமையில் குழுவை, சுப்ரீம் கோர்ட் அமைத்தது. குழு தனது ஆய்வுகளை முடித்து அறிக்கையை தாக்கல் செய்ய உள்ளது.

சுப்ரீம் கோர்ட் தீர்ப்பில், தனக்கு சாதகமான தீர்ப்பு கிடைக்காது என எண்ணி, கேரள அரசு திடீரென்று, அணை தொடர்பாக புரளிகளை தற்போது கிளப்பி வருகிறது. குறிப்பாக, முல்லைப் பெரியாறு அணை பலவீனமாக உள்ளது. அப்பகுதியில் அடிக்கடி நில அதிர்வு ஏற்பட்டு வருவதால், அணை உடைந்து பேரழிவு ஏற்படும். எனவே, முல்லைப் பெரியாறு அணைக்கு பதிலாக, புதிய அணை கட்ட வேண்டும் என, கேரள அரசு கூறுகிறது.இதை வலியுறுத்தி, கேரளாவில் பந்த் உள்ளிட்ட போராட்டங்களை நடத்தி வருகின்றனர். பார்லிமென்டில் கோஷங்களை எழுப்பி தேவையில்லாமல்,
சபை நடவடிக்கைகளையும் கேரள எம்.பி.,க்கள் தடுத்து வருகின்றனர். கேரளாவின் விஷமப் பிரசாரத்துக்கு, தமிழகம் பதிலடி கொடுத்து வருகிறது. பார்லிமென்டில், கேரளாவுக்கு தமிழக எம்.பி.,க்கள் உரிய பதிலை கொடுத்தும் வருகின்றனர். அம்மாநில அரசுக்கு புத்திமதி கூற வேண்டும் என, தமிழக முதல்வர் ஜெயலலிதா, பிரதமருக்கு கடிதம் மூலம் வலியுறுத்தியுள்ளார். முல்லைப் பெரியாறு விவகாரத்தில் தலையிடுமாறு, இருமாநில அரசுகளும் பிரதமரை தொடர்ந்து வலியுறுத்தி வருகின்றன. தமிழகம் மற்றும் கேரள அரசுகளின் கோரிக்கைகளை ஏற்று, இப்பிரச்னைக்கு தீர்வு காண ஏற்பாடு செய்யுமாறு, மத்திய நீர்வளத்துறை அமைச்சகத்துக்கு, பிரதமர் மன்மோகன் உத்தரவிட்டிருந்தார்.

பிரதமரின் உத்தரவையேற்று, இரு மாநில அதிகாரிகள் மட்டத்திலான கூட்டத்துக்கு, நீர்வளத் துறை ஏற்பாடு செய்துள்ளது.கூட்டம் டில்லியில் நாளை (டிச., 5) நடைபெறும் என்று,நீர்வளத் துறை
அறிவித்துள்ளது. இதுகுறித்து, தமிழக தலைமைச் செயலர் நேற்று வெளியிட்டுள்ள அறிக்கையில், "முல்லைப் பெரியாறு விவகாரம் தொடர்பாக டில்லியில் நடைபெறும் கூட்டத்தில், தமிழகம் பங்கேற்காது' என தெரிவித்துள்ளார். கூட்டம் தொடர்பாக தமிழக அரசு எடுத்துள்ள முடிவால், மத்திய அரசுக்கு பெரும் நெருக்கடி ஏற்பட்டுள்ளது.

நல்ல முடிவு