விழியீர்ப்பு விசை

by **Admin** Sat Jan 10, 2009 8:12 am

என்னுடையது என்று நினைத்துத்தான்
இதுவரையில் வளர்த்து வந்தேன்.
ஆனால் முதல்முறை
உன்னைப் பார்த்ததுமே
பழக்கப்பட்டவர் பின்னால்
ஓடும் நாய்க்குட்டி மாதிரி
உன் பின்னால் ஓடுகிறதே
இந்த மனசு.

by **Admin** Sat Jan 10, 2009 8:13 am

சற்றுமுன் நீ நடந்துபோன
தடயம் எதுவுமின்றி
அமைதியாய்க் கிடக்கிறது வீதி.
எனினும்
அதிகவேக ரயிலொன்று
கடந்துபோன தண்டவாளம் போல
இன்னும் அதிர்கிறது
என் இதயம்.

by **Admin** Sat Jan 10, 2009 8:13 am

சூரியன் வந்த பிறகுதான்
நீ வருகிறாய் என்றாலும்
நீ வரும்போதுதான்
விழிக்கிறது இந்த வீதி.

by **Admin** Sat Jan 10, 2009 8:14 am

இந்த மலையைக் குடைந்து
ரயில்பாதை அமைத்தவனுக்காவது
தெரியுமா உன் கல்மனசுக்குள்
நுழைவது எப்படி என்பது.

by **Admin** Sat Jan 10, 2009 8:14 am

என்னை நல்லவன் என்று
நினைத்துக் கொண்டிருந்தேன்.
அந்த நினைப்பில்
மண் அள்ளிப் போட்டுவிடும்
போலிருக்கிறது
உன் மீதான காதல்.
உன் வீட்டுமுன்
காய்ந்து கொண்டிருக்கும்
உனது ஆடையைத் திருடி
வரச்சொல்லி நச்சரிக்கிறதே மனசு.

by **Admin** Sat Jan 10, 2009 8:15 am

எனது அறையின்
தினசரி காலண்டர்கூட
கேலி பேசுகிறது என்னை.
முதல் நாள் உன்னைப் பார்த்திருந்தால்
அந்தத் தேதியை
மிகமெதுவாகக் கிழிக்கிறேனாம்.
பார்க்கவில்லையெனில்
பிய்த்துக் கசக்கி எறிகிறேனாம்.

by **Admin** Sat Jan 10, 2009 8:15 am

உன்னைக் கேலி பேசுபவனையெல்லாம்
முறைத்துப் பார்க்கிறாய்
உன்னை நேசிக்கிற
என்னை மட்டும்
சாதாரணமாகக்கூட
பார்க்க மறுக்கிறாயே.

by **Admin** Sat Jan 10, 2009 8:16 am

எப்போதும் சுரிதாரிலேயே
பார்த்த உன்னை
முதல்முறை சேலையில்
பார்த்தபோது . . .
அய்யோ அந்த சேலை
உன்னைக் கட்டிக்கொண்டிருக்கிறதே.

by **Admin** Sat Jan 10, 2009 8:16 am

உனது சுரிதாரின் துப்பட்டாவும்
சேலையின் மாராப்பும்
விலகும் போதெல்லாம்
சரிசெய்து விடுகிற
வேலைக்காரனாய்
என்னை சேர்த்துக்கொள்ளேன்.

by **Admin** Sat Jan 10, 2009 8:16 am

நீயோ சூரிய வெளிச்சம்
முகத்தில் படாமலிருக்க
புத்தகத்தால் உன் முகத்தை
மறைத்துக் கொள்கிறாய்.
சூரியனோ உன்னைப் பார்க்க
முடியாத கோபத்தில்
எல்லோரையும் சுட்டெரித்துக்கொண்டிருக்கிறது.