சிறியது தான் பெரியது ! - பாகம் -2

ஸ்ரவாணி · ஸ்ரவாணி Fri Dec 02, 2011 8:49 pm

பேரண்டம் ..பெருங்கடல் ..
பரந்த வான் ...மாமலை ...
மாதவம் ...மெகா படம் ...
என்று சொல்லும் போதே
பெரிதாய் விரிந்தன என்
விழிகள் ... ஆயின்
'பெருசு ' பித்து போய்
இப்போது சிறுசு தான் பெருசு
என்று ஆகி விட்டதே
என் சிறு மதிக்கு தான்
இது இன்னும் எட்டவில்லையே ...

சின்ன 'சிப் ' தான் நம் சிறு
மூளையை ஆட்டுதே
கைஅடக்க சின்ன செல்
தான் நம் பெருமை பேசுதே
' நானோ ' நுட்பந்தான் ..
அணு தான் அம்பலம்
ஏறி ஆட்டம் போடுதே

மழையில் நனையனும்
மண் வாசனை புடிக்கணும்
ஜன்னல் சீட் கிடைக்கன்னும்
சிறு கூட்டை பார்க்கணும்
என்ற சின்ன சின்ன ஆசை
நிறைவேறும் போது தான்
எத்தனை பெரிய மகிழ்ச்சி யடா
சின்னஞ்சிறு கிளியை தானே

பெரிதாக பாடி பரவசம்
அடைகிறோம் ..புகழ் மானிடரை
பிஞ்சு மழலையாக்கி
'பிள்ளைத்தமிழ்' பாடி
கொஞ்சி மகிழ்கிறோம்
இரண்டடி இதிகாச குறளை
கொண்டாடி போற்றுகிறோம்

சொல்லை சிறிதாக்கி ஹைக்கூ
கவிதை ஆக்கி குதூகலிக்கிறோம்
சிற்றூர்கள் தந்த 'மாபெரும்'
தலைவர்கள் தான் எத்தனை
எத்தனை ... அரியக்குடி தந்த
அரிய இசைமேதை தான்
ராமானுஜம் பரமக்குடி கொடை

தந்தது தான் காதல் இளவரசனை
எட்டயபுரம் ஏற்றமுடன்
அளித்தது தான் மீசை
கவிஞ்னை திருவாரூர் தந்த
தங்க தமிழ் மகன் கலைஞ்ராம்
உடல் பெரிது உயிர் சிறிது
மழை துளி சிறிது மண் வளம் பெரிது

கோஹினூர் வைரமணி பெருசுதான்
நம் கண்ணின் மணி சிறுசு தான்
எனவே சிறிதே பெரும் சிறப்பென
சிறு மதிக்கு பெரும் குரல் எடுத்து
உரைப்போமாக !

**இளமாறன்** · **இளமாறன்** Fri Dec 02, 2011 11:22 pm

மழையில் நனையனும்
மண் வாசனை புடிக்கணும்
ஜன்னல் சீட் கிடைக்கன்னும்
சிறு கூட்டை பார்க்கணும்
என்ற சின்ன சின்ன ஆசை
நிறைவேறும் போது தான்
எத்தனை பெரிய மகிழ்ச்சி யடா