எய்ட்ஸ் நோயாளிகளுக்கு மாத ஓய்வூதியம் : வழங்குகிறது கேரளா

**இளமாறன்** · **இளமாறன்** Thu Dec 01, 2011 11:47 pm

திருவனந்தபுரம் : சர்வதேச எய்ட்ஸ் தினம் இன்று (டிசம்பர் 1) அனுசரிக்கப்பட்டு வரும் வேளையில், உயிர்க்கொல்லி நோயான எய்ட்சால் பாதிக்கப்பட்டவர்களுக்கு மாத ஓய்வூதியம் (பென்சன்) வழங்க உள்ளதாக கேரள அரசு தெரிவித்துள்ளது.

இதுதொடர்பாக, திருவனந்தபுரத்தில் பத்திரி‌கையாளர்களை சந்தித்த கேரள முதல்வர் உமன் சாண்டி கூறியதாவது, சர்வதேச எய்ட்ஸ் தினம் அனுசரிக்கப்பட்டு வரும் வேளையில், மாநிலத்தில் இந்நோயை அறவே அகற்றும் நடவடிக்கைகளில் மாநில அரசு ஈடுபட்டு வருகிறது. எய்ட்ஸ் நோயால் பாதிக்கப்பட்டவர்கள், சமுதாயத்தில் ஒதுக்கப்பட்டு வருகின்றனர். அவர்கள் தாங்கள் பாதிக்கப்பட்டுள்ளோம் என்பதைப் பற்றியே நினைத்து கவலை கொண்டிராமல், அதுகுறித்த விழிப்புணர்வை மக்களிடையே ஏற்படுத்த வேண்டும் என்று கூறினார்.

எய்ட்ஸ் நோய் பாதித்தவர்களுக்கு மாதம் ஒன்றுக்கு ரூ. 400 பென்சன் வழங்க கேரள அரசு தீர்மானித்துள்ளது. இந்த பென்சன், எய்ட்ஸ் பாதித்த நோயாளிக்க‌ோ அல்லது அவர் இறந்துவிட்டால், அவரது குடும்பத்தில் உள்ள ஒருவருக்கோ வழங்கப்படும். நோய் பாதித்தவர், சிகிச்சைக்கு மருத்துவமனைக்கு செல்லும்போது அவருக்கு பயணப்படியாக ரூ. 120 கூடுதலாக வழங்க அரசு முடிவு செய்துள்ளதாக அவர் மேலும் கூறினார்.

நாட்டிலேயே, எய்ட்ஸ் நோயாளிகளுக்கு பென்சன் வழங்கும் முறை, இதன்மூலம் கேரளாவில் முதன்முறையாக அறிமுகம் செய்யப்பட்டுள்ளது குறிப்பிடத்தக்கது.

கேரள மாநில எய்ட்ஸ் கட்டுப்பாட்டு கழகத்தின் குறிப்பின்படி, கேரள மாநிலத்தில், 55,167 பேர் எய்ட்ஸ் நோயால் பாதிக்கப்பட்டுள்ளனர்.திருச்சூர் மாநிலத்தை தொடர்ந்து பாலக்காடு மாவட்டத்தில் அதிகளவில் எய்ட்ஸ் நோயால் பாதிக்கப்பட்டவர்கள் அதிகளவில் உள்ளதாக அதில் மேலும் தெரிவிக்கப்பட்டுள்ளது

தினமலர்

அசுரன் · அசுரன் Thu Dec 01, 2011 11:58 pm

வரவேற்க வேன்டிய விசயம்

இந்த பதிவைத் துவங்கியவர் நன்றி கூறியுள்ளார் அசுரன்

எய்ட்ஸ் நோயாளிகளுக்கு மாத ஓய்வூதியம் : வழங்குகிறது கேரளா

எய்ட்ஸ் நோயாளிகளுக்கு மாத ஓய்வூதியம் : வழங்குகிறது கேரளா

Re: எய்ட்ஸ் நோயாளிகளுக்கு மாத ஓய்வூதியம் : வழங்குகிறது கேரளா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக