சிரஞ்சீவி மகன் ராம்சரண் நிச்சயதார்த்தம் நடந்தது!

ரேவதி · ரேவதி Fri Dec 02, 2011 12:12 pm

நடிகர் சிரஞ்சீவியின் மகனும், தெலுங்கு நடிகருமான ராம்சரண் திருமண நிச்சயதார்த்தம் ஐதராபாத்தில் நடந்தது. பிரபல தெலுங்கு நடிகர் சிரஞ்சீவியின் மகன், ராம்சரண். `மகதீரா என்ற படத்தின் மூலம் தெலுங்குப் பட உலகில் கதாநாயகனாக அறிமுகம் ஆனார். இந்த படம், `மாவீரன் என்ற பெயரில் தமிழில் மொழிமாற்றம் செய்யப்பட்டு வெளியிடப்பட்டது.

ராம்சரணுக்கு திருமணம் நிச்சயிக்கப்பட்டு இருக்கிறது. மணமகள் பெயர், உபாஷனா. இவர், அப்பல்லோ ஆஸ்பத்திரி நிறுவனர் டாக்டர் பிரதாப் சி.ரெட்டியின் பேத்தி ஆவார். ராம்சரண் - உபாஷனா நிச்சயதார்த்தம் ஐதராபாத்தில் உள்ள ஒரு பண்ணை வீட்டில் நேற்று (1ம்தேதி) மாலை நடந்தது. இந்த நிச்சயதார்த்த நிகழ்ச்சி நிஜாம் மாவட்டத்தில் உள்ள தோமகொண்டா கோட்டையில் நடத்த முதலில் முடிவு செய்திருந்தார்கள். இதற்காக, அங்கு ரூ.4 கோடி செலவில் மராமத்து பணிகள் நடந்தன. அங்கு பாதுகாப்பு ஏற்பாடுகளை செய்வது சிரமம் என்று போலீசார் தெரிவித்ததால், நிச்சயதார்த்த நிகழ்ச்சி ஐதராபாத் பண்ணை வீட்டுக்கு மாற்றப்பட்டது. நிகழ்ச்சியில் நெருங்கிய உறவினர்களும், நண்பர்களும் மட்டுமே கலந்து கொண்டார்கள்.

தினகரன்