புதியதோர் உலகம் செய்வோம்

தாயும் ஒன்றே- தந்தையும் ஒன்றே
ஆயிரம் பிரிவுகள் ஏன் இங்கே?

தெருவைத் திருத்தினால்
ஊரைத் திருத்தலாம்
ஊரைத் திருத்தினால்
உலகத்தைத் திருத்தலாம்

கலகம் இல்லா
உலகம் காண்போம்

ஊரை இணைக்கும் கோடுகளே
ஊரைப் பிரிக்கும் கேடுகளானது
வேற்றுமைத் தீயால்
வெந்து மடிகின்றோம்
வாஞ்சை வாளியால்
அன்பு நீரெடுத்து
வாரி அணைப்போம்
சிரட்டை அளவேனும்
சிரத்தை நினைப்போம்
கத்தியில் நட்ப்பது போல்
பத்திரமாகவும்; கண்ணாடிப்
பாத்திரமாகவும் பக்குவமாய்க்
கோத்திரப் பெருமையின்றிப்பழகுவோம்

அண்டைத் தெருவோடு
சண்டைப் போட்டே
மண்டை ஒடு மலிவானால்
ஆதரவுப் பிச்சைக்கு
அதுவே திருவோடு


சமத்துவ மரத்தைச்சாய்ப்பதற்குச்
சாத்தானின் கைகளில்சுயநலக் கோடாரி
சந்தித்துச் சொல்வோம்
சகோதரர்களின் வீடேறி”

எல்லா வீதிகளும் ஒன்றே”
இனியொரு விதி செய்வோம் நன்றே


மேற்காணுபவைகள் புதுக்கவிதை வாசகர்கட்காக
கீழ்க்காணுப்வைகள் மரபுப்பாவின் நேசர்கட்காக


புதியதோர் உலகம் செய்வோம்
புறப்படு தோழா நீயும்
மதியினை அழிக்கத் தூண்டும்
மதுவினை ஒழிக்க வேண்டும்
சதிகளை உணர வைத்து
சாதிகள் ஒழியச் செய்து
நதிகளின் இணைப்பில் வெல்வோம்
நம்மிடம் பிணைப்பில் செல்வோம்


விளம்+மா+தேமா என்னும் வாய்பாட்டில் அறுசீர் விருத்தம்




”கவியன்பன்” கலாம், அதிராம்பட்டினம்(பிறப்பிடம்)
அபுதபி(இருப்பிடம்)

எனது வலைப்பூத் தோட்டம் http://www.kalaamkathir.blogspot.com

மின்னஞ்சல் முகவரி: kalamkader2@gmail.com
shaickkalam@yahoo.com
kalaamkathir7@gmail.com


அலை பேசி: 00971-50-8351499

கடைசியா நீங்க சொன்ன எல்லாத்தையும் திட்டமா தீ்ட்டினானுங்க இந்த அரசியல் வாதிங்க ஆனால் எதுவுமே செய்படுத்தலை... கவிதை அருமை