மாரடைப்பை உண்டாக்கும் மரபணு

சரியான உணவு முறைகளை பின்பற்றாமல் கண்டபடி, அதிக உப்பு கொழுப்பு பண்டங்களை உண்டு ஊதியிருக்கும் குழந்தைகள் இன்று அதிகம். குழந்தைப்பருவ உடற்பருமன் தற்போது 40 சதவீதம் அளவில் உள்ளது. இதனுடன், குழந்தைகளின் வாழ்வில் டி.வி. முன்னால் உட்கார்ந்து கழிக்கும் நேரம் அதிகரித்து, பெற்றோருடன் பழகும் நிலைமை மாறி, தனிமை அதிகரித்து அதனால் Steroids உடலில் உற்பத்தியாகி, "சின்ட்ரோம் X '' என்ற உடல் பருமன் நோயை உருவாக்குகிறது.

இது 30 வயதிற்குள்ளாகவே உடற்பருமன் ரத்தக்கொதிப்பு, சர்க்கரை நோய், ரத்தத்தில் நல்ல கொழுப்பு குறைந்து கெட்ட கொழுப்பு அதிகரித்து இருதய ரத்தக் குழாய்கள் தடித்துப்போய், அடைத்துப்போய் மாரடைப்பு ஏற்படுகிறது. இது தவிர, சிகரெட், கடுமையான குடிப்பழக்கம், Fast Food வகையில் உள்ள Transfals நாட்டின் சுகாதாரமற்ற சூழ்நிலையால் ஏற்படும் கிருமி தாக்குதல் அதனால் ரத்தத்தில் CRP என்ற இதயத்தையும் இரத்தக் குழாய்களையும் பாதிக்கும்

கெட்ட புரதச்சத்து ரத்தத்தில் அதிகரித்தல், நேரம் கெட்ட நேரத்தில் இரவு பகல் பாராமல் உட்கார்ந்து வேலை செய்தல், தூக்கமின்மை, டி.வி. மற்றும் செல்போன் மற்றும் செல்போன் டவரில் இருந்து வெளிப்படும் EMR என்ற மின்காந்த அலைகள் காற்று மற்றும் உணவு மாசுபடுதல், பலவிதமான ஹார்மோன்கள் கொடுத்து பசுவிடம் இருந்து பெறப்படும் பாலில் உள்ள தீமையான ஈஸ்ரோஜென் என் கணக்கு வழக்கின்றி "இதய பகைவர்கள்'' நம்மை சாற்றி "கும்மி'' அடிப்பதுதான் என்றால் மிகையல்ல.

நிழல் போல் துரத்தும் நமது ஜீன்கள்.....

இதையெல்லாம் விட, மிகவும் துரதிருஷ்டமான விஷயம் நமது உடலில் உள்ள சில Genes அதாவது மரபணுக்கள் குறிப்பாக ஆசிய இந்தியர்களிடம் உள்ள சில Geneகள் நமக்கு மற்ற நாட்டவரை காட்டிலும் அதிக அளவில் மாரடைப்பை ஏற்படுத்துகிறது. இதில் வியப்பான விஷயம் நம் அளவிற்கு சீனர்களும், ஜப்பானியரும் கொழுப்பு உள்ள உணவு சாப்பிட்டாலும் அவர்களின் மிகக்குறைந்த அளவே இருதய நோய் வருகிறது.

இதற்கு காரணம் அவர்கள் உடலில் உள்ள Genesகள் நல்ல கொழுப்பை ரத்தத்தில் அதிகரித்து அதிக கொழுப்பினால் வரும் ஆபத்தை தடுக்கிறது. இதை விட கொடுமை, இந்தியாவிலிருந்து குடி பெயர்ந்து அமெரிக்காவில் வாழும் இந்தியர்களுக்கு அமெரிக்கர்களை காட்டிலும் அதிக அளவு மாரடைப்பு ஏற்படுகிறது. ஆக, எங்கு சென்றாலும் நிழல்போல் நமது Geneகள் நம்மை பாதிக்கின்றன

மாலைமலர்