செயற்கைகோள் பயன்பாட்டில் உலகளவில் இந்தியா முதலிடம்

**இளமாறன்** · **இளமாறன்** Sat Dec 03, 2011 1:24 am

மதுரை : ""செயற்கைகோள் பயன்பாட்டில், உலகளவில் இந்தியா முதலிடத்தில் உள்ளது,'' என, இஸ்ரோ முன்னாள் திட்ட இயக்குனர் கிருஷ்ணசாமி தெரிவித்தார்.வேளாண் பல்கலை, இந்திய அறிவியல் மற்றும் தொழில்நுட்பத் துறை சார்பில், மதுரை விவசாயக் கல்லூரியில் மதுரைப் பள்ளி மாணவர்களுக்கான அறிவியல் முகாமில் அவர் பேசியதாவது: அமெரிக்கா, ரஷ்யா போன்ற நாடுகள் செயற்கை கோள் யுகத்தில், எதிர்காலத்தை நோக்கியே செல்கின்றன. இந்தியாவில் தற்போதைய சமுதாயத்திற்கு தேவையான செயற்கைகோள்கள் ஏவப்படுகின்றன. குறிப்பாக தொடர்பாற்றலுக்கான செயற்கைகோள் மூலம் புரட்சி செய்துள்ளோம். 10 செயற்கைகோள்கள் ஏவப்பட்டுள்ளன. உலகம் முழுதையும் தொடர்ந்து, படம்பிடித்து அனுப்பும் "ரிமோட் சென்சிங்' செயற்கைகோள்கள் மூலம் விவசாய நிலங்கள், அவற்றின் சாகுபடி வகைகள், மண்ணின் தன்மை, ஈரப்பதம், வெப்பநிலை, காற்றின் வேகத்தை துல்லியமாக கண்டறியலாம்.

"ஓசன் சாட்' மூலம் கிழக்கு - மேற்கு கடற்கரையை ஒட்டிய 7000 கி.மீ., நீளத்தில் கடலில், மீன்களின் இருப்பிடத்தை கண்டறிந்து, மீனவர்களுக்கு தெரிவிக்கிறோம். உலகளவில், செயற்கைகோள்களை பயன்படுத்துவதில் இந்தியா முதலிடத்தில் உள்ளது, என்றார்.

தினமலர்