மீண்டும் குறைகிறது பெட்ரோல்

by **இளமாறன்** Tue Nov 29, 2011 1:32 am

மீண்டும் குறைகிறது பெட்ரோல்

சர்வதேச அளவில் கச்சா எண்ணெய்விலை சரிவடைந்துள்ளதால், எண்ணெய்நிறுவனங்கள், பெட்ரோல் விலையில் ஒரு ரூபாய்வரை குறைக்க உள்ளதாக தகவல் வெளியாகியுள்ளது.

கடந்த 2010ம் ஆண்டு ஜூன் மாதம், பெட்ரோல் மீதான விலைக் கட்டுப்பாட்டை மத்திய அரசு நீக்கியது. அது முதல், பெட்ரோல் விலை பல கட்டங்களாக உயர்த்தப்பட்டது.

கடந்த 2009ம் ஆண்டுக்குப் பிறகு, எண்ணெய்நிறுவனங்கள், இரண்டாவது முறையாக பெட்ரோல் விலையை குறைக்க உள்ளன என்பது குறிப்பிடத்தக்கது.

நாளைக்குள், விலை குறைக்கப்பட்டால், முதன் முதலாக ஒரே மாதத்தில், இரு முறை நடைபெற்ற விலை குறைப்பு நடவடிக்கையாக இது இருக்கும்.

நக்கீரன்

by **கேசவன்** Tue Nov 29, 2011 8:59 am

நல்லவிசியம்தான்

by **krishnaamma** Tue Nov 29, 2011 7:26 pm

புது டில்லி:சர்வதேச அளவில் கச்சா எண்ணெய் விலை சரிவடைந்துள்ளதால், எண்ணெய் நிறுவனங்கள், பெட்ரோல் விலையில் ஒரு ரூபாய் வரை குறைக்க உள்ளதாக தகவல் வெளியாகியுள்ளது.

கடந்த 2010ம் ஆண்டு ஜூன் மாதம், பெட்ரோல் மீதான விலைக் கட்டுப்பாட்டை மத்திய அர” நீக்கியது. அது முதல், பெட்ரோல் விலை பல கட்டங்களாக உயர்த்தப்பட்டது. டில்லியை பொறுத்தவரை ஒரு லிட்டர் பெட்ரோல் விலை 39 சதவீதம் உயர்ந்து, 66.42 ரூபாயாக அதிகரித்தது. சென்னையில் ஒரு லிட்டர் பெட்ரோல், 72 ரூபாயை தாண்டியது.அதே சமயம், டீசல் விலை மீதான கட்டுப்பாடு தொடர்ந்து நீடித்து வருவதால், அதன், விலை 7.4 சதவீதம் மட்டும் உயர்ந்து, 40.90 ரூபாயாக உள்ளது. பொதுவாக, பெட்ரோல் மற்றும் டீசல் ஆகியவற்றுக்கு இடையிலான வித்தியாசம் விலை வேறுபாடு, 25.8 சதவீதமாக இருக்கும். ஆனால், பெட்ரோல் விலை மீதான கட்டுப்பாடு நீக்கப்பட்ட பிறகு, இவற்றுக்கிடையிலான வித்தியாசம், 66.42 சதவீதமாக உயர்ந்துள்ளது.

இதனால், பெட்ரோல் பயன்பாடு குறைந்துள்ளது. கடந்த சில ஆண்டுகளாக, இரட்டை இலக்கத்தில் இருந்த பெட்ரோல் பயன்பாட்டு வளர்ச்சி, தற்போது, 4.8 சதவீதம் என்ற அளவில் குறைந்துள்ளது. அதே சமயம், டீசல் பயன்பாடு, 5.9 சதவீதம் வளர்ச்சி கண்டுள்ளது. கடந்த 15 ஆண்டுகளில் (1996-97 மற்றும் 2004-05 நீங்கலாக), டீசலை விட பெட்ரோல் பயன்பாடு தான் அதிகரித்து வந்துள்ளது.

இந்நிலையில், எண்ணெய் நிறுவனங்கள், இம்மாதம் 15ம் தேதி பெட்ரோல் விலையை லிட்டருக்கு, 2.22 ரூபாய் குறைத்தன. சர்வதேச அளவில் கச்சா எண்ணெய் விலை குறைந்துள்ளதால், பெட்ரோல் விலை குறைக்கப்பட்டதாக காரணம் தெரிவிக்கப்பட்டது.தற்போது, பெட்ரோல் விலையில் லிட்டருக்கு மேலும் ஒரு ரூபாய் குறைக்க, எண்ணெய் நிறுவனங்கள் முடிவு செய்துள்ளதாக தகவல் வெளியாகியுள்ளது. இதுகுறித்து, எண்ணெய் நிறுவன உயரதிகாரி ஒருவர் கூறுகையில்," இம்மாதம் முதல் இரு வாரங்களில் டாலருக்கு எதிரான, ரூபாய் மதிப்பு சராசரியாக, 49.60 ரூபாயாக இருந்தது. இது, சென்ற இரு வாரங்களில், 51.60 ரூபாயாக உயர்ந்துள்ளது. எனினும், இதே காலத்தில், கச்சா எண்ணெய் விலை குறைந்துள்ளதால், பெட்ரோல் விலை மீண்டும் குறைக்கப்பட வாய்ப்புள்ளது' என்று தெரிவித்தார்.

கடந்த 2009ம் ஆண்டுக்குப் பிறகு, எண்ணெய் நிறுவனங்கள், இரண்டாவது முறையாக பெட்ரோல் விலையை குறைக்க உள்ளன என்பது குறிப்பிடத்தக்கது. நாளைக்குள், விலை குறைக்கப்பட்டால், முதன் முதலாக ஒரே மாதத்தில், இரு முறை நடைபெற்ற விலை குறைப்பு நடவடிக்கையாக இது இருக்கும்