கண்ணீர் அஞ்சலி.

First topic message reminder :


இன்று என் பெருமதிப்பிற்குரிய என் மீது தனிப்பட்ட அன்பும் அக்கறையும் கொண்ட பேராசிரியர் முனைவர். இராம. வேனுகோபால் இறைவனடி சேர்ந்தார். இன்னும் அரை மணி நேரத்தில் இறுதி ஊர்வலம் என்ற அறிவிப்புடன் எனக்குச் செய்தி கிட்டிய போது நான் சென்னைப் பல்கலைக்கழகத்தில். அப்போது மணி மூன்றரை. .நான் துவண்டு
சோர்ந்த போதெல்லாம் அன்பு நீர் தெளித்து என்னை துளிர்க்கச் செய்த அந்த அன்பு .தெய்வமான பேராசிரியரின் முகமலரைக் கூடக் காணும் பேறு பெறாத துர்ப்பாக்கிய நிலையை எண்ணி வருந்துகிறேன். அவர் இறுதியாக கையொப்பமிட்டது என் முனைவர் பட்ட அறிக்கையில்.என்பதும் அவர் இறுதியாக்ச் சொற்பொழிவு ஆற்றிய
மாநாடு எங்கள் அமைப்பான பைந்தமிழ்ச்சோலையில்தான்

அவர் தமிழ்த்துறைத் தலைவராக இருந்த போது “அடப் போம்மா’ என்னத்தக் கட்டிக்கிட்டுப் போகப்போறோம்; நீ உத்தரவு போடும்மா; நான் செய்து முடிக்கிறேன். இங்கு நீதான் தலைவி. நான் உன் அடிமை” என்றெல்லாம் விளையாட்டாகச் சொலவதுடன் வேண்டிய அனைத்தையும் எனக்கு மட்டுமன்றி அனைத்து மாணவர்களுக்கும் செய்து அவர்களை மகிழ்வித்த அன்பின் இருப்பிடம் அவர்.
“நம்மை மறந்தாரை நாம் மறந்தறியோம்; ஏம்மா மாசத்துக்கு ஒரு முறையாவது ஒரு போன் பண்ண மாட்டியா என்று அன்புடன் கடிந்து இன்று ஒரு வைவா வா; இன்று ஒரு செமினார் வா” என்று அன்பு அழைப்பு விடுக்கும் அன்பை எண்ணி மனம் கசிந்து உருகுகிறது.

சிறு சிறு விதி மீறல்களால் ஒரு மாணவர் பயனடைவார் என்றால் அதனால் பரவாயில்லை என்று கூறி எவ்வாறாயினும் மாணவர்கள் பயனடைய வேண்டும் என்று அவர்களின் நலனில் அக்கறை காட்டும் கனிவை எண்ணி பல முறை வியந்துள்ளேன். எதையும் வெளிப்படையாகப் பேசும் வெள்ளை மனத்தால் மாணவர்களின்
மனங்களையெல்லாம் கொள்ளை கொண்ட அவர் ஆன்மா சாந்தி அடையவும் அவர்களது குடும்ப உறுப்பினர்கள் ஆறுதல் அடையவும் இறைவனைப் பிரார்த்திக்கிறேன். மனம் கொள்ளாச் சுமையுடன்....

ஐயாவின் ஆத்மா சாந்தியடைய இறைவனிடம் வேண்டுகிறேன்.

ஐயாவின் ஆத்மா சாந்தியடைய இறைவனிடம் வேண்டுகிறேன்.

இப்ப தான் பார்த்தேன் அக்கா ,

அய்யா அவர்களை இழந்து வாடும் அவர் குடும்பத்தாருக்கு எனது ஆழ்ந்த அனுதாபங்கள் , ஐயா அவர்களின் ஆன்மா இறைவனடி சேர எனது பிரார்த்தனைகள்

ஆத்மா சாந்தியடையட்டும்

பேராசிரியர் முனைவர். இராம. வேனுகோபால் அய்யவின் ஆன்மா சாந்தி அடைய இறைவனிடன் பிரார்த்தனை செய்கிறேன்...

என் ஆழ்ந்த சோகத்தில் பங்கு கொண்டமைக்கும் என் மதிப்பிற்குரிய பேராசிரியரின் ஆன்மா சாந்தியடைய வேண்டிக்கொண்ட என் அன்பு உற்வுகளுக்கு என் மனமார்ந்த நன்றிகள்.